حبيب العازمي ومحمد السناني ..؟

[فهد علي العازمي]

حبيب

سلام الله على الديره وأهلها والضيوف إللي *** لفوها من بعيد الدار و لامن قريبها

ولا يالشاعر إللي في ضميرك كان باق إللي *** عن الأخبار ولا خلك مكوّع وأجيك ابها

السناني

هلا في شاعرٍ كلاً يرحب فيه ويهلي *** لو إنه يتجه من مشرق الدنيا لمغربها

ليا مني لقيتك في البلاد تصوم وتصلي *** أمدك في علومٍ تدخل الجنه سبايبها

حبيب

أنا لوغبت كلي في مكانٍ جيتكم كلي *** أعرف الأرض طول وعرض وأعرف من يعيش ابها

دخيلك يا محمد لاتقوم تشيل وتخلي *** لوإنك تضمن الجنه ما فيه أحدٍ يفوزبها

السناني

أعرف إنك بشرما أنته على الأكوان متولي *** ولكن تالي الأيام يا مكثرعقايبها

أنا لي نيةٍ وحدة وأبوفيصل صحيب إلي *** لكن أصحابه الثانين مختلفه مذاهبها

حبيب

أنا شاعرعلى حدي ماأحب أخطي ولاأزلي *** لكن اللحيه إللي ما تعذرمني أتربها

ولا ياالنجم فوقك نجم طول الوقت متعلي *** ولاك تعذرب أصحابي وأنا أدري إنك مصاحبها

السناني

يشيل الشعر سبعه وأنت شلت السبع بالكلي *** لكن إللي عطاك الله تبي نفسك تخربها

تنازلنا زمان العام فرقد عندعبدإللي *** وكبينا بلاد الشام مرعاها وحب حبها

حبيب

أنا ماقلت ما عند العرب ربطٍ ولاحلي *** لكن أشوف إلي ناسٍ كلام الصدق يغضبها

بعيرك يالسناني في ضواحي ينبع مفلي *** ولا لك مصلحة ياحافرالحفره تطيح بها

السناني

نبي كلمتك وحده ما نبيك تعيش متغلي *** ترى أبوزيد ينظرفيك والبندق مزهبها

وأنا أقول إلك وين الحل وأنت تقول أبي أحلي *** ترانا نطفي النيران وأنت إللي مشببها

حبيب

نبيك تشد حيلك مانييك تخاف تذلي *** ترى من ذل إلة من علةٍ يمكن يموت بها

ولايا حد عين إخوك ميرالقلب متدلي *** يقضك في المشاكل وآخرالدعوى بلشت بها

السناني

أنا....الناس فلاأنت بخصيمٍ إلي *** ليامني نويت أقلب جيال الهند بأقلبها

تراني ما أقبل الزلة ولا بخطي ولازلي *** سلمت من المشاكل وأنت ياحبيب مراقبها

حبيب

عساها شجرةٍ ما تثمرإلاالورد والفلي *** هذيك الشجرة إللي ليلة الجمعه رقدت بها

نصحتك يامحمد ثم قلت أنته عدوٍ لي *** وصاحبت الحونشيه بعدرفت شواربها

السناني

على عز وشرف وإليازعلت يظل لك ظلي *** عشان العين يا بوزيد ماتعلا حواجبها

ترى غلطتك تحسبها العرب بالربع والملي *** نصيحتك القديمه جيت في نشبه تنشبها

حبيب

أناصارعت في الأيام لينٍ إنه بردغلي *** وهالحينه عسى حياتهاتأكل عقاربها

أنا مخلط حليب النوق بالنيدووبامجلي *** علومي يامحمد واضحه وأنته مجنبها

السناني

يبي يزعلك فيها من يدل خطامها دلي *** وتفزع معتزي وإليا إنها طشت مزاهبها


محاورة وجدتها في أحد المنتديات وأعجبتني ونقلتها لكم كما هي ولا أعلم شيء عن تاريخها ومن لديه معلومات لايبخل

[منيرالروقي]

أنا صارعت فالأيام لين انه برد غلي
وهلحينه عسى حياتها تأكل عقاربها

عشت يابوفيصل

ترا ابوزيد ينظر فيك والبندق مزهبها

لاهنت يالسناني

شعار كبار فعلا

[عايض مثقاب الزراقي]

لا يستغرب الابداع من حبيب العازمي ومحمد السناني



صحت السنتهم



ولاهنت يا فهد على النقل



لك خالص شكري وتحياتي

[محمد الذيابـــي]

,,


شعراء عمالقه


نسعد بسماع ابداعهم كما نسعد بطرحك الجميل يافهد.



,,,,,

التوقيع

التوقيع محمد الذيابـــي

[فهد علي العازمي]

منير الروقي
عايض الزراقي
محمد الذيابي

الف شكر على المرور الغالي

وصراحة إني استغرب عدم تعليقات بعض الزملاء
وقد يكون السبب
العنوان لم يكن مثير للغاية لبحثهم عن الإثارة فقط والجدالية بعيدا عن المادة الدسمة

[عبدالملك القاضي]

اذا حضر حبيب حضر الابداع الشعري.

والسناني شاعر خنذف لايشق له غبار.

وكلاهما عملاقة نقض وفتل.واعتقد انهم يتكلمون عن الساحه الشعريه من شعراء وقنوات والله اعلم.

لاهنت على النقل يافهد

[قاسي العتيبي]

ليا مني لقيتك فالبلاد تصوم وتصلي *** أمدك في علومٍ تدخل الجنة سبايبها

تمريره من السناني ولكن لن ولم تفوت على حبيب

دخيلك يامحمدلاتقوم تشيل وتخلي *** لو إنك تضمن الجنه مافيه أحدٍ يفوزبها

فهد مشكور على النقل

[ابو فايح]

طاروق قوي جدا حول وضعهم فالساحه والحزازيات القائمه

من وجهة نظري

تجلا في الطاروق حبيب العازمي بقوه خصوصا في تركيب الأبيات


البيت الأول أرى فيه تمريره ( وأهلها ) لم يدركها السناني وكان رده عادي وفتح ثغره عليه إستغلها حبيب فالبيت الثالث

لاهنت يا فهد على النقل

[بدوي 2011]

محاورة قوووية من شعراء كباااار


اعتقد ان المحاورة لها كم سنة ( يعني قديمة شوي )


تسلم يافهد على النقل

[فهد علي العازمي]

المشاركة الأصلية كتبت بواسطة عبدالملك القاضي

اذا حضر حبيب حضر الابداع الشعري.

والسناني شاعر خنذف لايشق له غبار.

وكلاهما عملاقة نقض وفتل.واعتقد انهم يتكلمون عن الساحه الشعريه من شعراء وقنوات والله اعلم.

لاهنت على النقل يافهد

لاهنت ياعبد الملك على المرور