الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 13-May-2010, 12:30 AM رقم المشاركة : 11
معلومات العضو
فيصل المسعودي
مشرف عام
إحصائية العضو





التوقيت


فيصل المسعودي غير متواجد حالياً

افتراضي

اسمحو لي على إضافة هذه القصيدة للشاعر / غازي بن عون

بعنوان

عزة النفس


أنـا مـا لقيـت الـلـي يشاركـنـي الأحـسـاس=من الساحـل الشرقـي ليـا الساحـل الغربـي
و من حدها اللي من ورى قصر بن هباس=ليا أقصى الطوال اللي جنوب عـن الدربـي
ترفع مزاجـي عـن مزاجـات بعـض النـاس=ورفـض عقـب مسكـان الـرفـاع يتحـدربـي
عـن المنـزل اللـي فيـه للساقطيـن أونــاس=لــــدار الـمـعــزه والـعـزيـزيـن سـافـربــي
زراج قفـر مـا جـاه لهـل الــردى عـسـاس=و لا دوجــت بربـوعـة الـهـيـم والـجـربـي
مـزاجـي كـمـا طـيـر لـيـا هـبـلـه نـسـنـاس=عن أرض المذله فـي سمـا العـز يشهربـي
يـحـلـق بـجــو الـعــز تحلـيـقـة الـقـرنـاس=عـن الشـرك يـم ديـار الانـصـار هاجـربـي
طمحت لحديث بـن عمـر هـو وبـن عبـاس=وهجـرت الرياضيـات والجـمـع والضـربـي
ليـا وردو انــذال الـمـلا عقـلـت الانـجـاس=مـزاجـي مــع المظـمـاه عـنـهـا يـصـدربـي
لــو الـعـز بـحـر ٍلالتـطـم يـغـرق الغـطـاس=رسـابـي مـزاجـي فــي موانـيـه وابحـربـي
اجـنـب يمـيـن عــن المناقـيـد و الادنــاس=وخــلــي طــريــق ٍلـلــمــلام يـتـيـاسـربـي
انـا مـع طريـق اللـي لهـم فالدجـى نبـراس=هــذا دربـهـم وانــا عـلـى دربـهـم دربـــي
اقـــص الاثـــار المسـتـجـدات والــــدراس=تقفـيـت اثــر وافـيـن الاشـبــار والـثـربـي
و عن منهج ٍ سارو معه مارغب المنكـاس=تـسـهـل مـعــه مـمـشـاري ولا تـوعـربــي
وانـا حـالـفٍ بمـكـون الــروح و الانـفـاس=ومرسـل خيـار الخلـق مـن خيـرت العربـي
ما تصغ المسامع للمطامع ولا ارخ الـراس=ولـــو كـــان كـــل ٍينتـقـدنـي ويـسـخـربـي
اقـاس الظـروف وسمعتـي كنهـا القرطـاس=ولا اطلب جميل البوسنه لا ..ولا الصربـي
وقـل ٍتسـوده عـزت النفـس مـا بــه بــاس=ولا خضع يا كـود لكاشـف الضـر والكربـي
لو ارخي عزيز النفس لجل الذهب والماس=بقـت وصـمـةٍ لاحــل بــي ذكــر وتذكـربـي
هذا هو طريقـي والبشـر والعقـول أجنـاس=وكــل ٍ لــه أرا ولــه منـهـج ولـــه دربـــي

مع كل شكري وتقديري

للأخ الكريم/

محمد العتيبي

على إيراد مثل هذه القصائد الطيبة لهذا العلم الكبير والرمز الشعري

غازي بن عون

تحياتي















رد مع اقتباس
غير مقروء 14-May-2010, 07:21 AM رقم المشاركة : 12
معلومات العضو
خلف الروقي

رابطة محبي الهيلا

إحصائية العضو





التوقيت


خلف الروقي غير متواجد حالياً

افتراضي

والله ومن اروع القصايد بقوة جزالتها وصح السان الشاعر الكبير غازي

ومن معه من الشعراء ! كلها درر من ذهب

يستاهل والله غازي ماقدمتو له بيض الله وجيهكم




شكراَ لمن عطر الموضوع بالاضافة


والشكر لك يامحمد كفييت ووفيت يالغالي


..


و















رد مع اقتباس
غير مقروء 15-May-2010, 11:59 AM رقم المشاركة : 13
معلومات العضو
كاش التميز
عضو فعال

الصورة الرمزية كاش التميز

إحصائية العضو





التوقيت


كاش التميز غير متواجد حالياً

افتراضي

محمد العتيبي اشكرك على الطرح المتميز وصح السان ابن عون شهادتي فيه مجروحه















رد مع اقتباس
غير مقروء 15-May-2010, 02:56 PM رقم المشاركة : 14
معلومات العضو
سلطان نايف العضياني
عضو مميــز
التميز 
إحصائية العضو






التوقيت


سلطان نايف العضياني غير متواجد حالياً

افتراضي

غازي بن عون بحر من بحور الشعر لاتمل قصائده















رد مع اقتباس
غير مقروء 28-Jun-2011, 07:05 PM رقم المشاركة : 15
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

السلام عليكم ورحمة الله وبركاته

هذه القصيدة للشاعر الكبير غازي بن دخيل الله بن عون

يامل عيـن ماتهملـج علـى النـوم=ليا طرى بالقلب بعـض الطـواري
لناموا اللي مونسوا حـزن وهمـوم=غدى بسوق القلـب بايـع وشـاري
وليا طرالي فايـت فـات واعلـوم=اليوم راحت مثل وصـف الهـذاري
مالوم قلبي لـو يهوجـس ولا لـوم=عيني ولو جـادت بكثـر العبـاري
تطريلي أوطان بها أمثال وارجـوم=مدهال سلفان ربـوا فيـه ضـاري
دار سلفنـا حرروهـا مـن القـوم=عنها الضديـد مشددينـه إجبـاري
دار خذوها قبـل حاكـم ومحكـوم=ماجت بسلـم المشتـرى والعـواري
ولا جت بحبة روس واجباه واخشوم=جتهم عقب ضرب النمش والشباري
كم سيرت فيها مـن اقـدام شغمـوم=وكم تيهوا فيها عـراض السمـاري
أهل جهـام لانتشـر كنـه غيـوم=هجنٍ هميمـات وعبيـد وجـواري
وأهـل مهـار ماتبـي زود تعلـوم=معلـمـه ومولـمـه للـطـواري
وأهل بيوت تحتضن كـل مضيـوم=وساع الربـاع منقشـات المـذاري
ليـا زبنهـا خايـف صايبـه لـوم=يامـن بضـل مشيـدات القـواري
يفرح بها اللي بات مـاذاق مطعـوم=من الجوع والخرمه بوجهه مـواري
يبشر برسلان على ليفهـا كضـوم=ونجر يجاوب جايعـات الضـواري
وصفر نثيلـة نارهـا كنهـا كـوم=يديرها قرم علـى السهـر ضـاري
ويوم الزمان اللي على الناس مشئوم=وقتٍ جعل بعض الحمايـل وقـاري
وهم يذبحون الحيل والفطـر الكـوم=للضيف وللرمل النسـاء والـذراري
وقصيرهم دايـم مكـرم ومحشـوم=مـن حشمتـه كـل لحقـه يـداري
وان سنعوا دار مـن القـدم ماسـوم=ماداج فيهـا الا الضبـا والحبـاري
زاروه لو دونه مفـازات وحـزوم=بشقح البكار اللي تبوج الصحـاري
ولخذوا لهم وقـتٍ مقـدر ومقسـوم=وحف النبات وجت ليال الحـراري
ثم قيل قهموز الشفا صابـه افعـوم=منه الشعيب وكل مشبـوك جـاري
شالوا على شقح تهوم الوطـا هـوم=تمشي النهار وتشمطـه بالمسـاري
يبون من وادي الدعيكـه لام الـدوم=وماطمنة سفـوه وهـاك المحـاري
ولا شيف نبت الصيف فتكله اكمـوم=وقفى السحاب وجف نقع الخبـاري
وردوا ركايا طلحهـا كنهـا الـدوم=لفقورها في الضلع الاشهب مجـاري
عدٍ رهيٍ مـاه لـو كـان مزحـوم=ماتنقصه فالقيـض سـود المقـاري
واخذوا ثلاث شهور والشمل ملمـوم=ولا للشديـد وللمحاويـل طــاري
ولقالوا الصفري له ايـام مصـروم=واقفى المقيض وجت ليال الصفاري
راحوا من المقطان شتـان واقسـوم=كـل بمضهـوره لشولـه يبـاري
يبون ريـفٍ فـي مناديـه كيهـوم=لربد الحباري والضبا فيـه اثـاري
وعابين لاجوال الحما كل صـاروم=طوال العواتق بـارزات الـزواري
كل أفدعٍ تقـول بعضامـه اعثـوم=من الريش جسمه مثل ماقيل عـاري
واصابعه حرشٍ على جـل الابهـوم=وصوايده تشـدي حـداد المبـاري
لا روحوا به لانتهت حـزة الحـوم=واثرهـن بالخـد آخذاتـه حـواري
بارضٍ خـلا ومرثـعٍ فيـه بقـدوم=وهـن فالكـاك يلقطـن الغـراري
ثم طلعوه العصر في راس مرجـوم=ثم بان في وجهـه لطلعـه شـواري
ثم فاع مثل اللي من النـوم منهـوم=وليا الحباري وقم نـوز السـواري
لادلى من اللجه على الخرب ملـزوم=من صايده يفـرى ثناديـه فـاري
وان كان عند الخرب هقوات وعزوم=ثم قام يجذف مثل جـذف الهـواري
لحقه بالملحاق لـه طبـع واسلـوم=اللي بطيب الجري مالـه امجـاري
اما عثـره بصايـدٍ منـه مسمـوم=ولا ينزلـه نـزول اضـطـراري
وهاك العشي من فعله الجول مثلـوم=مثل الشجاع اللـي لربعـه يثـاري
عبرت عـن شـيٍ موكـد ومفهـوم=نباه شـاع مـع العلـو والحـداري
واليوم راحت كنها اضغاث واحلـوم=بلاقـعٍ منهـم فجـوج الصحـاري
حتى المنازل مالها اطلال وارسـوم=بنت عليها عقـب اهلهـا الـذواري
يوم اذكر اهلها امس واشوفها اليـوم=ينزف صوابي عقب ماكـن بـاري
وينهار عزمي وانفجع وازري اقـوم=وادري ان ماجاهم على الروح جاري
مابـه حيـاة دايمـه دايـم الـدوم=لابد منهـا مرتحـل مثـل غـاري
كلٍ عليه تـراب الاجـداد مـردوم=في شبتـه ولا ليـا صـار هـاري
لو عالجوا من صابه القـدر بسهـوم=وجابوا الطبيب الماهر الاستشـاري
ماله عن اللي لـه مقـدر و مقسـوم=لو هو بصرح له حصون وسـواري
مار انصح اللي فالمتاهـات منجـوم=ليا متـى وانتـه بغـدراك سـاري
وشلون تعصى واحـدٍ حـي قيـوم=وانته عن الموت وعن النـار داري
اذكر نهـار فيـه مبعـد ومرحـوم=وتجزا بما سويـت شـرٍ و خـاري
فمن صار عن ديد الملذات مفطـوم=ولا باع في سوق المرابى التجـاري
لا جا اختبار فيه ماهـوب مضلـوم=احدٍ رسب واجـدٍ بفـوزه يمـاري
يُعطى لـه كتـابٍ بيمنـاه مرقـوم=وذولاك عطيوا كتبهـم باليسـاري
وليا اصبحوا قسمين معطى ومحروم=به قسـم جنانـي و قسـم نيـاري
فازوا هل الجنـه بكـادي ويشمـوم=وبقاصرات الطرف هيم الخصـاري
وشربوا رحيقٍ من شذا المسك مختوم=وعليـه دانيـةٍ قطـوف الثمـاري
واهل جهنم فـي ضريـع وزقـوم=تجرعوا كـاس النـدم والحسـاري
يعذبون الـى اجلـس غيـر معلـوم= يعلم بـه ربٍ صمـد فـرد بـاري
يالعبد وقتك كلـه اخـداع ووهـوم =لا تنخدع به واخـذ منـه الحـذاري
بزكاة مالك والصلوات والصوم=وتطبيق ماجاء في صحيح االبخاري
واسلك طريق اللي عن الميل معصوم =اللي سنـا هديـه ينيـر الغـداري
كودك تفوز برفقـة ابـن أم مكتـوم =وأو عبيـده وابـو ذر الغـفـاري
ابديت قيل فـي الصناديـق مكتـوم =ولاهمنـي منقـود نـاقـد وزاري
منتوج فكـرٍ للعواريـف منضـوم= عساه ينفـع كـل سامـع وقـاري
وصلوا على اللي للشفاعات زيـزوم= ماهجرساً فوق الغصـون القمـاري
«®°·.¸.•°°·.¸¸.•°°·.¸.•°®»وتقبلوا تحياتي وطالبين العذر كان فيه أخطاء«®°·.¸.•°°·.¸¸.•°°·.¸.•°®»















رد مع اقتباس
غير مقروء 28-Jun-2011, 08:59 PM رقم المشاركة : 16
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

لاهنت يامحمد على النقل الرائع















التوقيع
التوقيع

محمد الذيابـــي
رد مع اقتباس
غير مقروء 29-Jun-2011, 05:03 PM رقم المشاركة : 17
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆ°

واهنيك في حياتـك بالهنـا يالورقـا=واهنيك تلعبين السامـري مسـروره
واهنيك ماانكوى قلبك بنـار الفرقـا=ولاحنى الهجران حالك حنية الباكـوره
ولا غرق جيبك وكمك من هميل الزرقا=ولا انتبهتي هود ليل الكرى مذعـوره
ولا سرابك هاجس الخلان غرب وشرقا=من هزيع الليل لين الصبح يبدي نوره
مثل من دنياه بالحيلـه درقتـه درقـا=من كثر غاراتها ضـده تهشـم زوره
في النحر فرسانها دايم طعنهـم زرقـا=وصار جيشه منهزم وجيوشها منصوره
ما مرادي من هوى خطو العنود الطرقا=لو تبين قدمـي المكيـاج والحمـوره
حالي اللي سمها واللي سرقهـا سرقـا=شوف دار كانت بسكانهـا معمـوره
يوم اسيِّر في ربوع اوطان روق وبرقـا=شوفها يحزن بعـد سكانهـا مهجـوره
منهم اللي هاجروا بديار حضر الورقـا=ومنهم اللي في ثراها اجسامهم مقبوره
ما بقي في مرحهم غير الشنون الحرقـا=والاثاثي والرحى والبرمـه المكسـوره
كل ما اشتاق لمباديها المنيفـه وارقـا=قام فلم الذاكره قدمي يعيد الصـوره
وانزل وجيبي وكمي من دموعي غرقـا=ولو تعل العين الارض بدمعها معـذوره
ليت ذكرى ذكرها في وسط جوفي عرقا=تمّحي مثل الطباشيره مـن السبـوره
وليت جرحي بالعلاج وبالقرايـه يرقـا=مـار جرحي مزمنٍ يحتار بـه دكتـوره

تقبلوا خالص تحياتي
أخوكم عزارم















رد مع اقتباس
غير مقروء 01-Feb-2012, 11:27 PM رقم المشاركة : 18
معلومات العضو
عزارم

رابطة محبي الهيلا


الصورة الرمزية عزارم

إحصائية العضو






التوقيت


عزارم غير متواجد حالياً

افتراضي

صح لسانه وشكرا لك ياطيب















رد مع اقتباس
غير مقروء 05-Jul-2016, 04:41 AM رقم المشاركة : 19
معلومات العضو
saad7985
عضو

الصورة الرمزية saad7985

إحصائية العضو





التوقيت


saad7985 غير متواجد حالياً

افتراضي

صح الله لسانك وعز الله انه جزل ماشاء الله

أرسلت من lg-h960 بإستخدام تاباتلك















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »08:23 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي