ياراكـب اللـي مـجهزللمـطاريـشـــي **** بـمواصـفات الخـليجـي جاك مـن داره
اذا وقـف وقفة اللـي ينثـر الريـشـي *** حــراً على وكـره موحـي صـوت صقاره
اللي علي كبود الفقارا مـعاطيشي *** فــكســار والتـي عـلامة رمز وشعــاره
اليا انطلق كنه الربـد المخاريـشــي *** يــذب روس الـعــروق ويــطـلع الـقــاره
مهـوب شـبهه اليا مر التفاتيشـــي *** مـركـب رجــال الــوقــار وراعـي تجــاره
يزين مشيـه مع وقت المغابيشــي *** فــــوقـه رجــال لقـطـع الــبيـد جــبــاره
ما تسمع الا للهواء جاله وشاويشي *** تــقول ورقـن عـلـى الاغـصـان هـداره
يبعــدك عـن اوجيـه معـامـيـشــي *** اهـل وجــيـه غـسلـهـا ابـليـس بــوزاره
اهل النمايم مكثرة الوشاويشــــي *** ثـــعـالـب فــي زمــان الــيــوم مـكــاره
تلقا العوض غيرهم قوم مداغيشي *** ذبــاحــة الــحيـل اهــل الـبـن وبـهـــاره
ذباحة الحيل واهل الخيل والجيشي *** اســود وقـــت اللــزوم وهــدة انـمـاره
معهم يطيب الكلام ومطيب العيشي *** عـز الــخوي والــرفيق وعــزن لـجـاره
خصن اليا صار بعد نو الهشاهيشــي *** في وسط روض سقاه الغيث بامطاره
من غب سيله قفر ولابعد نيــشـي *** يــداعب الــنود نبــت الـروض وازهـــاره
الروض مثل الزوالي اللي مفاريشي *** الــكــيف جـنــب الــغـديـر مـولــعً نــاره
الجــو غايم وقافــيه رشـاريــشـــي *** مــاعاد يــطــري عليك الوقـت وغبـــاره
لو قال عــندك عماره قلت حتيشي *** شـوف الفــيافـي حياة الروح وواثماره
ماأبغى المكيف ولا طقت الفيشي *** ببعد عن الــصجه اللــي داخـل الــحاره
ســج القـدم كـان ودك تعيـشــي *** لاتستمع فــي لبـيـب الــدار واشــواره
« آخـــر الـــمـــشـــاركــــات »
22-Nov-2008, 11:04 PM
اليا انطلق كنه الربـد المخاريـشــي
العرض العادي
