تركي ابن حميد يستفزع بأهل الغلبا

[عتيبـــــ ولد ــــــــة]

المشاركة الأصلية كتبت بواسطة طنيان

ولد عتيبة الروقي اللي مايضرب للرجال حساب الرجال ماتحسب له وحنا اللي مازكانا ابن رشيد يوم انه زكاكم قال الشيخ عجران بن شرفي
كل ذاق سم سيفه وطاوع الا سبيع والسهول ويام
وبالمقابل انظر وش قال ابن عمك فراج التويجر الدماسي ولايحقر الرجال الا ادناهم واللي حط له الله عقل يستعمله بما ينفعه ولا يرد على شيئ الاهو متاكد ماهو سمعت الخبول يقولون فقلت وصفة الباحث ماتطلق على رجال يعجن السوالف على بعضها بهوى نفسه وان لم تستحي فاصنع ماشئت وفعلكم هذا جعل اغلب القبائل ترد عليكم واولهم شمر فان كنت باحث او رفقيك باحث فردوا عليهم ورونا بحثكم ماهو السبيعي اللي يحامي عنكم عند شمر
ولايستشك ياحسين كود الرديين والا ترى الطيب وسيع بطانه

لو إنه زكانا كان ماسمعنا بمعارك بين ابن رشيد وعتيبة لأنه زكانا ..!!!


في حيث إن معاركه جلها مع عتيبة ..!!!



وفي المقابل لا يوجد ولا معركة بين ابن رشيد وسبيع ولا حتى جيش فيه سبيع (الا ان تكون في صفه) ..


بل ولا سمعنا بمعركة فيها سبيع الا وتكون وسط جيش مالها ذكر فيه مثل معركة طلال ..
دولة ضد الروقة (نصف عتيبة) ..


الخليفية من الشيابين لو هجموا على ديار سبيع ماعاد في الدنيا شي اسمه سبيعي ..
أو الفهيدات لحالهم كان نفوكم عن بكرة أبيكم ..


كيف عاد عتيبة كاملة (روق وبرقا) ..!!!


حتى الخوالد مافككم منهم بعد الله سبحانه وتعالى الا مجمع قبايل ..!!!
هذا وهو رد لكرامتكم وحريتكم ما أخذتوه الا بمجمع قبايل (كالعادة) ..


كيف تحمون عتيبة الي فكتكم بعد الله سبحانه وتعالى من قهر "قحطان" لكم ..


بعدين تقول "قحطان" تعلق العاني عليكم ..!!!


ومتى فكرت فيكم قحطان ..!!؟


قحطان الي ليا مرت عليكم زوجة "ابن هادي" شيخهم _ الله يرحمه _ قمتم تطامرون عليها بالهداية ذل منها ..!!!


وانشد أبوك عنها ..


ما أقول الا الله يرحمك يا ابن عريعر ..


والله يرحمك يا ابن حميد ..


بعدين بالنسبة لـ"باحث" ما شاورناك يستاهلها ولا لا ..!!!



تقبل مروري


والســـــــــــــلام ,,،



ولد عتيبة الروقي

[عباس مشعل الشيباني]

عــــوده جديده ونآسف للتاخير

قد نتاخر لضروف وانشغالات ولاكن ناتي بالمفيــد لكي نفيــد


لقد رجعنا اخي الكريم طنيان واستقرئنا ماكان منك علينا في غيابنا


ولاكن لسنا من نرد على العيال .. [ بمقولتك على نفسك ] الا باللطم


وها انا هنا لكي اثبت لك وقائع وحقائق ياعزيزي


انظر هنا

77777
7777
777
77
7




هذي بيتين بان سبع قبايل ضد احدا فروع عتيبه وليست من اكبرها وهي من الشيابين وكان ندها سبع قبائل .؟؟

عصرية في شعيب الضال=غـط القبايـل عجـهـا
مخبلك يالي حارب هذال=سبـع القبايـل هجـهـا

تمعن بها جيدا لكي نرى ان سبيع تضد عتيبه وتناصرها



وهذي قحطان بنيخيكم الي تقولون ان عتيبه تزبن منهم

شيخ الجحادر في شعيب عصيل=مـن رمـح سعديـه قــزى
تعلمـت فيهـم بقلـع الخيـل=والشـيـخ فالهـضـبـه وزى

ولتعلم ان الذي ضدها هي اصغر قبائله عتيبه وهي الشيابين



وسجل هذي عندك ياعزيزي ابن رشيد الذي يزكي قبائل الجزيره ينخى هذال ابن فهيد احد شيوخ قبيله عتيبه بان يفزع له ويطوع له قبائل عده

دن القعـود ونحـره دار الأخـيـار=عـروى يمينـه والرويضـه يسـاره
وليـال مابيـن الفريقـيـن يخـتـار=مايبـرك إلا عنـد راعـي المنـاره
هذال ذكـره شـاع مابيـن الاقطـار=يعرف كما تعـرف بالاريـاف واره
ابو جهز هو مكرم الضيـف والجـار=تعـرف مراكيضـه نهـار الكـراره
يابو جهز خذ منـي الـراي والشـار=تـرى محمـد تحـرز الضـد نـاره
صر له رفيق وخذ على نجـد تحيـار=وطـوع قبايلهـا بمـثـل النـمـاره
وهد الصقور وصر على الوكر صنفار=واقلع ضعون الاجنبـي عـن ديـاره

واحفظ هذي لديك تستفيد منها مستقبلا

اهقو لنا ياراكبين العياسيب =هقولنا وين اشقر الريش ناوي
لعاد من حايل لنجران اصاحيب =الا عتيبه مخلفين الهقاوي

وبالله عندك هذي لاهنت قد تفيدك ايضاء

انحرو برقا منحية الزحوم =من خيول بريه ولا خيل يام
ثم نصوهن ليا شيخ اللزوم =شيخ برقا بالمنازل والزحام
يم ابن هندي عسى عمره يدوم=سلمو لي واجهدو لي بالسلام

وعلى طاري ابن رشيد نبي نشوف من الي يقلع خيله .؟

خيال بوش(ن) يوم لحقوه شمر=هل المهار اللي تلاعج ثيابها
والخيل يوم اوحت صياحه وعزوته=تقلعت من كل فج اطنابها

وهذي زبده الموضوع


اغارت قبيله من قبائل سبيع بقيادة بن سلوم

على إبل المعاليه من الدعاجين.... وكانوا غير متواجدين في ذلك الوقت.

في مكان يقال له الضحوي .. وعندما اغاروا سبيع على الابل ..

كان خزام ومعه سبعه من الفرسان حول ابل الدغالبه.. وقد رأى القوم

فاراد ان يحمي ابل ابناء عمومته في غيابهم ...

وعندما رأ ان عدد خيل القوم المغيره كثير.. امر احد الفرسان

من الدغالبه وكان مشهور بقوّة صوته ان يسبقهم على الابل ..

ثم يصيح باعلى صوته لكي تتفرق الابل


ويتفرق فيها فرسان القوم..

ثم امر السبعه الباقين بأن يمسكوا اماكنهم ولايتحركون حتى تتفرق الخيل المغيره مع افتراق الابل ..

وكانت هذه خطه لقلة الفرسان الذين معه مقارنةً بعدد القوم .. وبعد ماتفرقت الابل


وتفرقت خيل سبيع فيها امر كل فارس يتجه الى جهه ويهجم بكل قوّه وشجاعه...على الذين امامه وقد تحقق له
فقتل من قتل وهرب من هرب .. وردت الابل ..

وجرح ابن سلوم اثناء المعركه واخذ اسيراً..وقد قلع خزام وربعه 14 فرس من الاصايل ...

وبعد انتهاء المعركه ذهب خزام لبن سلوم وقد كان طريحا وهو لايعرفه.. وعندما سأله

من انت قال انا بن سلوم.. فحمله وبقى مع الدغالبه حتى شفي ثم عاد الى قبيلته...

وقد قال بن سلوم هذه الابيات :

الله حسيبي على العتبان=طعنهم بالقنا مسموم
راحت الخيل بالسبعان=ماثنوا دون بن سلوم

وقد وصل الخبر الى بن رشيد وكان من المعروف ان الخيل اذا قلعت

وهي غازيه من خارج الكما...تؤدى لبن رشيد الاصايل منها...

وكانت كل القبائل تفعل ذلك...

فارسل مرسوله الى الدغالبه بان يدّو الاصايل وعندما وصل الى خزام

فقال له خزام .. قولته المشهوره ...

"سلم لي على بن رشيد وقله مايقلعنا من ظهور الكحيلات "

"الا واحد يقلعنا مثل ماقلعنا منها اهلها .."

ثم نزح بالدغالبه الى الجنوب.... ثمان سنين.. واحتفظ بالخيل ...

وقد قال شاعر عتيبه في ذلك الوقت..

فراج التويجري الدماسي من عتيبه..

يانجد وين محيلين الثنيّه

(( حيث ان الدغالبه يحيلون الفرس حتى تعدا ثنيّه... لكي تكون جاهزه للطراد في اي لحظه..))

يادار وين محيلين الثنيّه=منزحه عن نجد دقلات الاجناب
هذي مشب اضويهم تقل حيه=مثل الخدوش اللي تقروالها اسلاب
قفوا من الحاكم عليهم ادعيّه=والحر يشهر لين يدعيه جذاب
اقفياكم ياخزام كره عليّه=واقبالكم يفتح لقلبي مية باب

وهذي من تاليف ابن عمك وكتاب باحثكم .


غزاء الشيخ جهز بن فهيد , وخالة الفارس حصيبان بن مسيفر شيخ القرافين , ومعهم بعض الشيابين لايتجاوزن الخمسة عشر , وكانو قاصدين الصنادلة من سبيع في وادي رنية (( كماذكر ذالك الحضبي في كتابة )) , ووجدو بعض الابل ومعها بعض الفرسان , قتلو بعضهم ولما رأو الاخرين انهم لان يصتطيعو فك الابل لوحدهم ذهبو لأخبار جماعتهم , واستاق الشيخ جهز وخالة حصيبان ومن معهم الابل , وكان طريقهم يمر بجبال , وطريقهم يسلك احدى مضايق هذة الجبال اسمة المصيدة , لاضيق هذا الطريق المحوط بالجبال , وهذا الطريق هو اقرب طريق للوصول لأهلهم , وبعد وصولهم هذا المضيق , كان بعض السبعان لدية خبر بطريق عودة الغزاة , وانهم سوف يسلكون هذا المضيق , فتوجهو لة قبل ان يسلك هاؤلا الغزاة هذا الطريق , وكانو مسلحين ببنادق , وعند وصول الشيخ جهز وخالة حصيبان وربعهم هذا المضيق المسمي بالمصيدة.........

قالوا المتحصنين في هذا المضيق , سلمو انفسكم ومن تعدى منكم والله مايسلم من رصاصنا......

و لما سمع الشيخ جهز وربعة ان المضيق محوط بالرماة , كثرت الأراء فبعضهم قال لابد من تغيير الوجهه , والبعض الاخر قال نبادلهم الرمي حتى نجد طريقة اخرى للخروج مع هذا المضيق , وختلفت الاراء...........

ولماء راء الفارس حصيبان بن مسيفر كثرت الاراء , وعدم رضائة بها , لانة يعلم ان الوقت ليس من صالحهم , فهم في ديرة سبيع وسوف يأتي مدد من ربعهم السبعان , فوضع اصابعة في اذنية , وانشد هذة الابيات , يقول:

ياخايفين مـن المنايـا=من جاه سو الموت مات
الموت ماخلى الصبايـا=دعج العيون المترفات

وبعد الانتها من انشاد هذة الابيات , قال هذة العبارة:

(( اهلنا وراهم , والدرب ياطاهم ))

فهجو ماكسبوة من الابل امامهم , وهم خلفها يصيحون عليها كي تسرع ويرمون ببنادقهم تجاة من يروة , كي يرتبك الرماة , وبالفعل تمكنو من سلك هذا الطريق حتى خرجو منة ولم يمت منهم احد , وغنمو الابل , وكانت اصابات الرماة من سبيع في الابل.

وقد ذكر المؤلف عبدالله الخضبي السبيعي , في كتابه سوالف الطيبين , القصائد التي دارت بعد هذه المعركة , حيث كان البدء , للشاعر مناحي الصندلي , عندما قال:

جـــانا جهز مرذي طوال النسانيس=طيراً على فرس اللحم مستسني
جـــانا بربـعة كـــاسبين النواميس=كـــــــم فاطراً خلو ولدها يحني
وركبو هل البل فوق مثل القرانيس=وكــــم ابلجـاً قرب جوادة يعني
لحقو بصمعـــــــاً كنهن المحاسيس=صويبهن يبطي بكـــــونة يوني
ذيب المصِيدة نـــــاد ذيب العلاقيس=تلقى العشى ياذيب في وردهني
تلقى العشى عفراً سوات المقابيس=وصفر علــــى حوض المنايا يحني

فرد علية جهز بن هذال هذة الابيات:

سلام يامنهو هـــرج هرجة القيس=بافعالنا وفعالة الي مضني
ركبو وحدونا على الواد ابوقيس=العفو يــوم اقفن ثم اقبلني
نلوعهم بم الرصاص الدلابيس=ويلوعنا مــن عندهم مثلهني
والعلم عود لمهات المشاقيس=ياطيب اهلهـــــن وياطيبهني

مصدر الابيات: سوالف الطيبين , تأليف عبدالله الخضبي السبيعي , الجزاء الثاني , صفحة 141و142.



وهنالك المزيد والمزيد هذا مما تجود به الذاكره


ننتظر عيال اخر وشكرا

[مشاري الحبردي]

ياناس يقولون ان عتيبة نزلت من الحجاز بمساعدة الباشا !!
هذا قول القحاطين !!! وقول ثاني انهم جاعوا وهلكهم الظما
وانا اقول:

عمركم سمعتم بقصيدة لعتيبي او لقحطاني قال القصيدة بمعنى ان الباشا ساعدنا في نزوح قحطان عن ديارهم؟؟؟؟؟

او ان من المعقول ان قبيلة تشد من القحط وتجي قبيلة ثانية تحل مكانها الي فيه القحطوفيه قصايد تثبت نزوح قحطان مثل وادي الرشا

[طنيان]

.................................................. ..............................
.................................................. .............................................
.................................................. ....................................
.................................................. ............................


سرد بطولات من غير مصادر

الإدارة

[مهنا البرازي]

لاحول ولاقوة الا باالله

الرجل قال قصيده وجاب المصادر

وطرتو باالعجه

وحطيتو سبيع رعيان لابن عريعر وكن مالهم قوه ولاسطوه

اقول سبيع الغلباء عصابة راسي اكبر من هاالسوالف اللي حطيتوها

وارجعو لله قبل اي شي ثم للتاريخ وترى الواحد مسؤل من الله قبل اي شي بيسئل يوم القيامه


سبيع ضاربه بعمق التاريخ ولو انها ضعيفه او كما حجمها بعض الاعضاء اللي ردو لوجدتها محصوره بمكان معين
بل سبيع تبسط نفوذها على افضل المراعي باالجزيره العربيه وتتربع على افضل جغرافيا كالدهناء و الصمان الجيان (التريبي / الهجريات/ الدحول/ ام عقلا الشملول ) اكبر فياض باالجزيره فيضة خريم وفيضة التنهاه


على العموم ياطينان
انت كبير والكبير الله البدي قبل كل شي

ياللـي تحذفـون الجبـل بالفناجيـل = مـدري تغرفـون البحـر بالبيـالـه

غنوا علـى مـوال مطولـك ياليـل = واخذوا على عض النواجـد وكالـه

المجد في حـد السيـوف المصاقيـل = والا الجمـوع اللـي تقاتـل بسالـه

تنقص من دونـه شـوارب رياجيـل = وتسقط جلالـه لجـل هيبـة جلالـه

علمٍ يحفظـه جيـل ويعلمـه جيـل = واطرف جواب لمـن عطانـا سؤالـه

وقفاتنـا تشـف الكبـود المغالـيـل = ورجالنـا ينطـح قبيـلـه لحـالـه

نميـل للبـارود فـي عجّـة الخيـل = مثـل الشمالـي يـوم ميّـل عقالـه

نارد على حوض المنايـا مصاطيـل = مـن الدجر معطينها للثمـالـه

لنا مـن الهيبـه فيالـق واساطيـل = ولنا مـن المجـد الاصيـل الاصالـه

ولنا من السطوه وش طيـور ابابيـل = الا مـع ابابـيـل عـمـه وخـالـه

اللي تسوي فـي العروبـه اسرائيـل = حربٍ على الملـه وبطـش وضلالـه

واللي نسوي عدلـة الميـل بالميـل = جهـالـةٍ تــرد كـيـد الجهـالـه

حنا هـل الغلبـا الدهـاه الحلاحيـل = عدونـا يقعـد علـى الارض عالـه

اليـا رضينـا للعـدالـه مداهـيـل = واليـا زعلنـا مانـعـرف العـدالـه

ياللي كيانـك مـش حالـك وتظليـل = اسرع من ارماشـة عيونـك زوالـه

اقرب مثل ماعاش ( توقيع ابا الخيل ) = عاش المليك وصورته في رياله



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

الشعر يوصل الشيء الكثير بشيء يسير

[بعيـد المرامع]

لاجديد..استجد.

ضعف في الاستقراء..وكلام صفيق..وضرب من السفه..

و محاولة ..تغيير و تجيير ...يائسه ..وبائسه ..ركيكة المحتوى..والمستوى..

فتركي بن حميد...وعتيبه كافه ..اكبر من انهم يستفزعون ..بالغلبا..وغير الغلبا..

و مسئلة..امن ..وامان..واضفاءه.. اكبر من حجم سبيع..

فسبيع تفتقده..وهي له احوج..

فالتاريخ..سجل..والجغرافيا..انزلت...

والقصيده..تهكميه..ساخره..على يوم الحويّه..

يوم الحويه ما أمنتكـم عهـوده = رمى وصبحكم جنـودٍ مراديـف

عندما غزا الخال بن هادي بقحطان على البناخي سعد بن قطنان وسبيع.. بعد اعطاءهم العهود والمواثيق..وأمنهم من بطشه..ثم..رمى بالمواثيق..وصبحهم.. بجنودٍ مراديف..

وقبلها ..رفض تزوييج ابناء..سعد..

فالاجدر..ان تأمن.... وتفتك سبيع حلتها...وتنجو..


بدلا ...من ايجاد..امجاد..بالتزييف...والدجل..

الم نقل لك...انكم للتأمين والامان...احوج..


القصيده جليه..

فتمعن ابيات الامير تركي بن حميد..وفخره بنفسه و بربعه..

أنـا ليـا كـلٍ تمصلـح بقـوده= نصلح بشلفٍ فوق قبٍ شواحيـف
.طريحنا سحم الضواري تـروده=لامن ركبنـا لينـات المحاريـف

ويردف ..
نزلت بهم القهب باوسط نفوده ...

نزل..وتوسط بقومه وبسطوتهم...ولم ينزل..بغيرهم..وفي ديار سبيع..

والقهب من ديار سبيع..شمالي رنيه..

ولايفوتنا ..وصف خيل سبيع..بانهن يلعبن الغطاريف...

وغطرفي ياحمامه الوادي...فاليوم صار الجو لك هادي..

ولو كنت واعي وفطين..ماوردت القصه..ولا اطريتها..




بعيـــد

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[صنهات المحياني]

أنا ما أدري وش فيهم القبائل تحاول دائما اثبات قصص خيالية على قبيلة عتيبة العظيمة بالانتصار عليهم أو غيرها مثل هذا الموضوع وخاصة في منتدياتهم يذكرون تلك القصص الغير موثقة

ففي الأمس قبيلة مطير واليوم قبيلة سبيع ولا ندري من يأتي بعدهم

ومع ذلك منتدانا لا يذكر إلا الأشياء الموثقة حتى لو كانت على قبيلتنا بخلاف المنتديات الأخرى التي تتعمد ذكر أشياء لا حقيقة لها إلا عندهم ويحذفون مالا يردونه ولو كان موثق وصحيح مئة بالمئة
وتبقى قبيلة عتيبة ومنتداها منبر حر لمن يحضر المعلومة الموثقة الصحيحة