معركة عقاب بن محسن بن نحيت مع عبدالعزيز بن رشيد

[فيصل فهد الحربي]

بسم الله الرحمن الرحيم


و الصلاة و السلام على أشرف الأنبياء و المرسلين نبينا محمد وعلى آله و صحبه أجمعين ، أما بعد :
إعترض الشيخ : عقاب بن محسن بن نحيت وهو شقيق الشيخ الكبير : حجاب بن نحيت ، حيث إعترض عقاب حملة للأمير : عبدالعزيز المتعب الرشيد وكانت قادمة من أحد البلدان المجاورة وتحمل أرزاقاً ومؤن أخرى ، وكان من ضمن الحملة التي إستولى عليها الشيخ عقاب بن نحيت حملة رصاص و سلاح ورسائل مهمة بين بعض شيوخ القبائل و الأمراء البارزين أمثال : أمراء القصيم وبعض الدول المجاورة التي تساند بن رشيد ، فقام عقاب وسلم هذه الحملة إلى أخيه حجاب ، والشيخ : حجاب قام بدوره بتسليم هذه الحملة إلى الملك عبدالعزيز رحمه الله ، فقال الملك عبدالعزيز ( يا شيخ حجاب لو ماجاني من هذه الحملة إلا الرسائل لكفاني ، لحيث أن الرسائل عندي أهم من السلاح وغيره ، لأنني سوف أتعرف على عدوي من صديقي ) ، فلما علم الأمير : عبدالعزيز المتعب الرشيد عن إعتراض عقاب لحملته غضب وقال : ( والله إني سوف أقتله إذا قبضت عليه وأجعله عبرة لمن خلفه ) ، فأمر على بعض قبائل شمر الذين كانوا عنده وقال : ( ترانا غازين على إبن نحيت وقبيلته بني سالم تجهزوا للغزية ، والله عطاكم مهلة أربعة أيام تجهزون فيها ) ، فأشار عليه الأمير : حمود بن عبيد الرشيد وقال : ( أنا ما أشير عليك يا عبدالعزيز في هذه الغزية لأنك تحاول أن تقبض على الحكم و الحكم يريد أمور سياسية وليس بالعنف ، فأنا أشير عليك بأن تترك بن نحيت وقبيلته وتأخذ الأمور بحكمة و تعقل ) ، فقال عبدالعزيز بن رشيد : ( والله يا شخصٍ إعترض حملتي إني لأحاربه ولو على قتلي ) ، فقاموا شمر وعلى رأسهم الأمير : عبدالعزيز بن رشيد بالغزو على بني سالم وحصلت معركة شرسة إنهزم إثرها إبن رشيد ومن كان معه ، فلما وصلوا إلى حائل تكلم الأمير : حمود بن عبيد إبن رشيد على الأمير : عبدالعزيز بن متعب بن رشيد وقال : ( ليتك طعت شوري وسلمت من هالغزوة يا ولد عمي ، اطلعت حشمك على حرب وجيت مهزوم ) فقال الأمير : عبدالعزيز بن رشيد هذه القصيدة التالية التي تعتبر شاهداً لحرب ولهذه الغزوة :

جــريــت مــن حــمــر الـطـعــامــيــس شـــمـــر
مــمـــيــلــيــن الـــعـــقــل فــــوق الــطـــواقــــي
مــعــهـــم ســـلاحٍ يــرهـــب الـلـــي يــشــــوفــه
نــطــعـــن بـــه قــلـــوب الــعـــدا بـالــمــلاقـــي
وصــكـــوا عــلـــيـــه مــتــعـــبــيــن الــســبــايــا
إجــهـــار مـــا نــضـــرب دروب الــمــتـــاقـــي
وعــقـــب طــلـــوع الــشــمــس جــريــت غــاره
نـــبـــي وضـــحٍ عــــلـــيـــهــــا الـــعـــــراقــــي
جـــيـــنــــا كـــمـــا ســـيــفٍ شــطـــيـــرٍ حـــــده
وجــــونـــا كــمــا ضــلــعٍ بــلــيـــا مــــراقــــي
نـــاسٍ تــعـــزوي الــعـــزوة الــســـــالــمــــيــــة
مـــاهــــم مــحـــوشــت الـــغــنــم بالــمــتــاقـــي
تــلـــومــنـــي يـاحـــمــــود وأنــت إمـــتـــريــــح
عــنـــد الــعـــذارا مـــســـتـــريــح إتــخــــاقـــي
والله لـــولا ســــــابـــــقــــي فـــــززت بــــــي
تــفــــزيــــز ربـــــداً ذيـــروهـــا الــطـــراقــــي
إنــي لــروح إقــطــع مــن ضــرب شــلــفــهــم
شــلــف تــشــيــل الــراس عـــنـــد الــتـــراقــــي

[عبدالرحمن الهيلوم]

ومليااااااااااااااااار نعم بحرب حرابة الدول ولا تكفيهم

شكرا للغالي الايضاح

[فيصل فهد الحربي]

ماعللللللللللللللللللللليك زووووووووووووووووووووود يالغالي
هذا من طيبك وانا اخوك

[هايس القعيط]

الجنازة ليس بشاعر ولم يقل قصيدة في حياته
والمعركة المذكورة ليس لها ذكر الا عندك

اما فعايل ابن رشيد بحرب فتراه بينه وابن نحيت امير صغير في حرب وهومن توابع ابن رشيد وكان يدفغ الخاوة الباج سنع حرب كلهم
وبعدين خل الرشيد بحالهم
راحوا وانتهوا يوم كان دورهم ما رفعت راسك والحين طلعت بظل السعود الله يعزهم

[وثاب]

ومليار نعم بحرب حرابة الدول وشمر الطنايا ولا تكفيهم

قبيلتين غاليه عليناومن اعز القبايل

لاهنت

[سرحان الشيباني]

ونعم والله بقبيلة حرب ومشكور يافيصل

[فيصل فهد الحربي]

الجنازة ليس بشاعر ولم يقل قصيدة في حياته
والمعركة المذكورة ليس لها ذكر الا عندك

انا معاك ان الجنازه ماهو بشاعر بس الجنازه قال قصيدتين في حياته وهذي وحده منهم
وماله داعي للسب والغلط وانا اخوك
وبعدين ياهايس بقولك شي محد عاون الملك عبدالعزيز الا ابن نحيت وربعه والتاريخ يشهد وانا رافع راسي قبل ماشوف الشنب الا على وجهك




وثاب
ماعليك زوووووووووووووووووود يالغالي وعلى راسي من فوق ونعم بحرب وشمر


سرحان الشيباني
ماعليك زود ونعم بحالك ونعم بلاتبتن انت منها وانا اخوك

بس صراحه في ناس ..... ماخدتهم العزة في النفس كثير وانا عن نفسي ماقدر اغلط لان اخلاقي ماتسمح لي ابد ابد

[عتابه يارفاقه]

الاخ فيصل قبل الملك عبدالعزيز حرب كانت خاضعة لابن رشيد وهذا الامر معروف
ولكن بعد مادخل الملك عبدالعزيز على الخط غيرت حرب ولاة مثل اهل القصيم بضبط

وقبيلة حرب ونعم فيه محد يقدر يجحدة حقة
وابن رشيد ونعم كان حاكم ولم يكن حكمة ياهايس القعيط على شمر بل كثير من المناطق ولم يكن جيشة كذلك من شمر بل من تميم وحرب واهل القصيم وشمر والرشايدة وغيرهم الكثير

التاريخ نستفيد منه وحسب
وبارك الله فيكم جميعا

[فيصل فهد الحربي]

سيف عز الله انك كفو وبيض الله وجهك عز الله انك ردك يبرد القلب تبريد وانا اخوك
والله لو انت قدامي لاحب على خشمك يالذيب
لاهنت وانا اخوك وبيض الله وووووجهك وترى والله العظيم لو نترك العصبيه شوي بس وناخذ التاريخ فقط للمناقشه والاستفاده من اخطاء الاوليين والاستفاده من فراستهم نكون بالف خير

[سرحان الشيباني]

بس صراحه في ناس ...... ماخدتهم العزة في النفس كثير وانا عن نفسي ماقدر اغلط لان اخلاقي ماتسمح لي ابد ابد

الاخ الغالي فيصل خير علاج لهذه الظاهره هي التطنيش وترا مايتكلم ويشتم فالقبايل الا شخص فيه نقص ويعاني من خلل اجل احد يرضى بالفتنه اللي قال عنها الرسول صلى الله عليه وسلم ( الفتنه اشد من القتل ) ماااااااااافيه