واااحد عصبي فتح منتدى شوفووا شرووطــه>>

[الحنتووشي]

واحد عصبي فتح منتدى تعالوا نقرأ شروطو..


لقد تغيرت شروط التسجيل في المنتدى وتم تغيير مسمى المنتدى لتواكب مرحلة ما بعد الحرب الباردة.

اعرفوا الشروط زين وافهموها .
واللي ما يبي هالشروط جعل اصابعه اللي طقت على الكيبورد الكسر .
ولو ما عليه كلافه يطق راسه باقرب جدار حنا ما نلعب.
واللي يبينا حياه الله بيننا فهمتوا.
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع فاللي يبي يسجل معنا يوافق على الشروط من ورى خشمه والشروط هي:



1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس قايلكم حنا ما نلعب.


2_اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وبرضخ به على خوص نخله...علشان ما يعود لها. قايلكم حنا ما نلعب.


3- انتم اعضاء لكم تكتبون بس ولااحد فيكم يسوي لي فيه مراقب مانبي مراقبين فهمتوا ولا افهمكم.


4- مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا صح ولا ماهو صح...قولوا صح لابارك الله بالساعه اللي جمعت هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسع طعش ساحتنا وحنا حرين فيها.



5- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ وبنكويه من علبااااه..وبعدين بناخذه لأقرب جليب وبنغطسه وبنطلعه ونغطسه ونطلعه الين مايقول اشهد ان الددسن سياره قايلكم ما نلعب.



6- قريتوا الشروط.
هاه عجبتكم فهمتوها...
طيب ما عندنا تسجيل هالايام .
واللي يبي يسجل معنا يرسل لي ايميل على التلفون حقي اللي ماني ذاكره لكم لان الدعوه عناد واللي براسه حب ما انطحن تراي ابطحنه له واذا فيه خير يقابلني وين ما يبي.



ملاحظه: اللي بنكتشف انه رجال مشورب ويكتب باسماء بنات .ولا بنات تكتب باسماء رجال هذولي بنخلي خششهم كلمات متقاطعه يصعب حلها. .والله ما يضرب بعصا يا سرع طيحتهم.



موافق


غير موافق

واللي فيه خير يكتب غير موافــــــــق.......
*اتمنى تعجبكم *

[ابو مشـعل]

اذا سمحت باضافة شرط ربما سقط سهوا :

اي عضو ينتقد موضوع كاتبه مشرف قديم او مستجد ( قصدي المشرف ) هذا بنحذفه هو ومشاركته . حتى لو كان نقده موضوعي وموثق . ولكن ردعا له ولامثاله لانه تجرأ على عضو في حكومة المنتدى .

[فايز بن سرحان الثبيتي]

هذا والله حموقي صدق




لاهنت يالبناخي "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[محمد بن ساعد الثبيتي]

اخليه قرد ما قد ذاق الموز هههههههه

يعطيك العافيه

[الحنتووشي]

اللـــه يعــإأآإأآإأفيــــكم**ومشكووورين على الردوود

[الحنتووشي]

المشاركة الأصلية كتبت بواسطة ابن سرحان الثبيتي

هذا والله حموقي صدق




لاهنت يالبناخي "

ولا انت يا خــآآآآلــــي..صدقت هههههه

**دمــت بود**

[أبو عمر الأسعدي]

وأزيد عليه شرط من عندي
هذي شروط منتداي واللي مو عاجبه الباب اللي جا منه يرد معاه
العضو اللي تجي عليه شكوي أبفقع وجهه تفقيع ثم باب المنتدي ياسع العنكبوت

[فهد العازمي العتيبي]

ههههههه

الله يعينه على نفسه ...

التوقيع

للتواصل على تويتر https://twitter.com/falotaibi5115 ،،

[االكريزي]

ههههههههه

واظاهر يبي يقد بالمنتدى الحاله

الله يعطيك العافيه