مساكم الله بالخير جميعا
هذه احدى المحاروات الجميلة التي جرت بين الشاعرين العملاقين والكبيرين الشاعر / مطلق بن حميد الثبيتي ( رحمه الله ) والشاعر / صياف بن عواد الحربي ( البسه الله ثوب الصحه والعافيه ) في مهرجان الجنادريه عام 1408 ه وتمتاز هذه المحاوره بالنديه بين الشاعرين وبقوة المعنى وجزالة الابيات وهي لا تخلو من الفكاهه كما اعتدنا من الشاعرين .
صياف الحربي
سلام الله سلامن باول المشوار نبدي به = على من يرفع الرايه ويركزها ويحماها
انا اشوف الثبيتي قام يطلع لي مخاليبه = احط اله الحدود المستقيمه وايتعداها
ـــــــــــــــــــــــــ
مطلق الثبيتي
هلا يامرحبا والضيف في حكمة معازيبه = عدد وبل السحابه يوم هلت وانتثر ماها
تبي تعلج وتعرش والسنون البيض تركيبه = تعشاك الذياب اللي تبي بكرة تعشاها
ـــــــــــــــــــــــــ
صياف
نزلنا وسط سوق نبيع به ساعه ونشري به = ومن يبغا العلوم الطيبه يتعب ويلقاها
انا اعرف الصديق اللي يودي العلم ويجيبه = ورجالن يقابلنا بنصف الكف ماابغاها
ـــــــــــــــــــــــ
مطلق
معي سيفن يسلي خاطري واعرف مضاريبه = لكن ام الكباير سرع ماقصيت علباها
نبي برقن نسير مع دهاليزه ونسري به = ولو فيها العقارب والحيايا السود ناطاها
ــــــــــــــــــــــــ
صياف
تراك اتعبت عود الخيزران اللي تومي به = وغيرك من يجيب الخيزرانه ثم وطاها
انا لاشفت لي مجنون ابا اقطع عراقيبه = ولا اخليه يرثع فالاوادم ويتحداها
ـــــــــــــــــــــــــ
مطلق
يبي يرجع ولد تالي زمانه عود للشيبه = ويبري كتب وجهك بالمصاحف لين تقراها
ابو زيد الهلالي لا تهمه حرب وعتيبه = معه رمحه وفرسانه نهار الغب ينخاها
المصدر
ديوان الشاعر الكبير / صياف الحربي
تحياتي
« آخـــر الـــمـــشـــاركــــات »
28-Aug-2005, 01:00 AM
محاوره بين الشاعرين الكبيرين مطلق الثبيتي و صياف الحربي !!!
العرض الشجري