جـــــــــــــــــــلاده(الشاعر عـــابد المقاطي

[محب الهيلا]

ياهلا باللي توسـع بالخفـوق اشـداده=واكتمل في خافقي بالصيف والمرباعـي
كل يـوم يمرنـي حبـه يزيـد زيـاده=وانقشه وابصم على حب الغلا باصباعي
لازهمته مثل ضبـيٍ رد عـن معـواده=فز له قلبي وكسر لي ثـلاث اضلاعـي
من يلوم الشيخ ابن حثلين فـي جـلاده=حبها ساطي على شيخٍ طويل اذراعـي
لايلوم اللي سواتـي ماهتنـا مرقـاده=عقب ماصابه صوابه من عيون وساعي
راح والذكـرى معلقهـا عـلاه اقـلاده=يحمل الذكرى وهو من همهـا ملتاعـي
مابقي لي غير ذكـرى نـاره ومقعـاده=والحزن منهـا مخلينـي بليـا راعـي
ليت يرجع بي زماني واستعيد امجـاده=واكتبه وادونه لو كـان مالـه داعـي
ليه ياوقتـي تفـرّح فوقـي الحسـاده=وانت تدري عن نوايا غايتي واطباعـي
ياسحابه لاوصلتي فـي حـدود بـلاده=هلي الماء لين يروى ضلعها والقاعـي
علمه يابـرق ياللـي سابـقٍ رعـاده=قله ان البعـد يقتـل سيفـه البتاعـي
وقله ان الوقت عقبه مانعـرف اعيـاده=حال حولي والهوى يصفق علي اشراعي
مثل طيرٍ هد واقفى ماعـرف مطـراده=ولا لقا فالأرض لاماكـر ولا ميقاعـي
المنيـه ليتهـا جتنـي قبـل ميـلاده=استريح من العنا والهـم والأوجاعـي

[الاصمعي]

صح لسان عابد المقاطي

لاهنت

[أبونواف]

من يلوم الشيخ ابن حثلين فـي جـلاده=حبها ساطي على شيخٍ طويل اذراعـي
لايلوم اللي سواتـي ماهتنـا مرقـاده=عقب ماصابه صوابه من عيون وساعي

صح لسان شاعرها

[بدر الكريزي]

صح لسااان الشاعر / عابد المقاطي ..


و لا هنت يا محب الهيلا على الإختيار الرائع..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[محب الهيلا]

مشكورين على مروركم الكريم

[مزيد العصيمي]

[محب الهيلا]

مشكور على مرورك الكريم

[محمد العتيبي]

الله الله
قصيده رائعه جدا للشاعر / عابد المقاطي
الف شكر ياغالي
...

التوقيع

للتواصل عبر twitter تويتر al_bargawy@

[محب الهيلا]

مشكور اخوي محمد


على مرورك الكريم

[عزارم]

صح لسان عابد المقاطي


وشكرا لك ياطيب