 |
|
|
 |
 |
 |
03-Apr-2012, 06:22 PM
|
رقم المشاركة : 1 | |||||
|
الله وكبر
لله مـن قلـبٍ همومـه تـلاطـم
مسيل سيلٍ سال من عقـب ديمـه تقفـي وتقبـل بـه تفـرق وتلتـم تفرحـه مـره ومــره تضيـمـه موجٍ تدافع فوق مـع غبـة اليـم عوجٍ تولج القلـب مـع مستديمـه اصبر على الحسرات ياكـم وياكـم واللي يكن الصـدر ربـي عليمـه واليـا بـدر منـي خطـاي اتنـدم ومن خلقتي والله مااحـب النميمـه ولا امدح الممدوح وابعد عن الـذم واربوا بنفسي عن دروب الذميمـه واليا دعاني داعيٍ قلـت لـه سـم احـب هقـوات النفـوس العظيمـه احب سمح الطبع والـراي الاسلـم احـب سمحيـن النوايـا السليمـه ولا اقول للي يمشـي التايعـه تـم ولا صغير رايٍ من عقـولٍ سقيمـه ولا بان لي بعض الجفاء من ولد عم ادمح لـه الـزلات واذكـر قديمـه والشمـل لابـده كمـا قيـل يلتـم مـدام حانـن والليالـي مقيـمـه منـي لابـو سلطـان اللـي تقـدم فالماقف الغصاب وارغـم خصيمـه شعره كما البلسم ومره كما السـم وياقف مواقيف الرجـاال العديمـه من الصخر ينحت ويجذب من الجـم وبالصدق تبين لـه فعـولٍ قديمـه بين العرب مفهوم ماقـال قـد عـم ويشهد على ماقالـه الكـل قيمـه والنور بان وسـاج بالليـل الاظلـم والصدق يقهر كـل راعـي ظليمـه وماكنه الخاطـر يبيـن مـن الفـم ويبين لك نوا الفتـى مـن نديمـه ويضيع معنى العلم في مجمع اللـم وتبين بارقـاب البكـار الوسيمـه وسلم على من شيف للقرم واسلـم سلامي ياللي توصـل العلـم تيمـه ياذياب جانـي منـك خـطٍ منظـم وقصيـدةٍ فالوقـت هـاذا يتيمـه خطٍ على شتـى القوافـي مترجـم ومعناه ينبي عن شهامـه وشيمـه فيه الكلام اللي على اهداف ومهـم واعز واشرف من كلامه زعيمـه اللـي بجـزلات القوافـي تكـلـم واعوج من عسرات القوافي يقيمـه مهيب بدعه لك بالاعـلام مسهـم وانته حفيد اللـي يجنـدل غريمـه ياذياب جدك راعي الغـوج الادهـم اللـي لاركبـه يفـك الزعيـمـه اللي لا حثه علـى الخيـل واسهـم مايسنح الكردوس يضرب صميمـه بشلفاٍ مضريها علـى نثـرة الـدم دمٍ عزيـز مـن صـدورٍ حشيمـه من الآد عاصم فاللقـا والمهاجـم يرخون لأرقاب المهـار الشكيمـه لا جاء النهار اللي جموعه تلاكـم حريبهـم يصبـح تناعـا حريمـه قومٍ لهم عـادات وسلـوم وشيـم ويلـوذ بحماهـم كبيـر الجريمـه ركنٍ من الهيلا هل الصيت الافخـم اللي بنوا في منبـر المجـد خيمـه يـوم القبايـل والقبايـل تـزاحـم حريبهـم يصبـر بغبـن الهزيمـه حريبهـم باحلـى المنـام يتحلـم يشوفهـم بالقلـب والعيـن نيمـه مركاضهـم فيـه الفقيـر يتغـنـم لاحضـر تقسيمـهـم للغنيـمـه ويشبعبها السرحان والطير الازقـم كـلٍ ينـادي صاحبـه للوليـمـه يا ما نحوا عن نجد من جمعٍ ارخم وتجـرع الذلـه وكبـر الثليـمـه وياما انكسر من دونها سيفٍ اعسم عقب علج بمتون خطـو الصتيمـه وعندك خبر يـوم الثلاثـه تحاشـم والكـل منهـم ضربـوه الخريمـه عسى السحاب اللي قنوفه تهاشـم يضفي على مثنـاة نجـدٍ هديمـه جعله علـى مثنـاة نجـد يتـرزم وتسيل وديانـه ويحيـي هشيمـه من ظلم لأطراف البـلاد الموشـم ومن المخامـر للصراديـح ديمـه يسقي الديار اللي بها الجار يحشـم ولا طالت ايامـه يـزود اتحشيمـه ولا هوب لا يظلم ولاهوب يهضـم ويقلط على راس وفقـار العزيمـه والضيف في لوذات الاسعار يكـرم لامـن كـلٍ قـام يكـرب بريمـه لا من بعض المجتمع قال لـه قـم نصا الديار اللـي بااهلهـا كريمـه دارٍ بهـا الهيـلا تحكـم وتنـعـم بالامـان والايمـان يالله تديـمـه مدحتني ياذيـاب عقـب المسـاوم وعقب انتهى صبر العقول الحليمـه عندي خبر كشف المغطـى محـرم ولانـي بحلـل حرمتـه وتحريمـه لكن بعـض النـاس قـام يتطشـم وصلت مكاتيبه وشفـت اتعميمـه كتبت لـه مكتـوب قبـل الملغـم وعلمت من لا سر فيـه اتعليمـه قال ادخل الميـدان والبـادي اظلـم ومن مات يذبح لـه وليـه تميمـه ويومن مقباس المشاكـل تضخـم وصارت علاقات قصارنـا وخيمـه حطيت لي في منبر الحذف مرجـم وشاركت في نسف الهدف واتحطيمه الرجل لا نابـه مـن النايبـه هـم يضرب على سيم المحاله بسيمـه والبيت له بيبان والثـوب لـه كـم والسيل منبع قوتـه مـن يديمـه وانا ورثت الشايب الذيـب الاسحـم مودع معاشير الدعـاوي عقيمـه دحيـم لا قامـت ركبهـم تـداحـم مثل الجمال اللي على الماء محيمه يدحم بجنبٍ لا تزعـزع ولا اهتـم جنبـه متيـن وحجتـه مستقيمـه لو كان حبل الخصم مبرم ومحكـم لدحيـم حجـه فالمحاكـم حكيمـه وان جـاه محتـاجٍ جـداه يتهضـم وهذي فالوقـت الاشهـم جسيمـه كم واحدٍ لاضامـه الوقـت ينضـم لدحيم حيث انـه يزيـل الهضيمـه مانـي مثـل دحيـم مـار اتعلـم اخذت لي من بحر عرفـه قسيمـه اليـا طرالـي ماقـفٍ فالمخاصـم يزود عنـدي فالعزيمـه عزيمـه هـذا الجـواب وبالتحيـة مخـتـم مسك الختام ازكى السلام اتختيمـه |
|||||
|
 |
 |
 |
|
|
|
|
|
03-Apr-2012, 07:03 PM
|
رقم المشاركة : 2 | |||||
|
صح لسانك ولاهنت على الطرح الراقي
ودي واحترامي |
|||||
|
|
|
|
|
|
|
|
|
|
|
03-Apr-2012, 11:17 PM
|
رقم المشاركة : 3 | ||||||
|
اقتباس:
مشكوووووور والله يعطيف الف عافيه |
||||||
|
|
|
|
|
|
|
|
|
|
|
04-Apr-2012, 12:05 AM
|
رقم المشاركة : 4 | |||||
|
صح لسانك ولسانه
قصائد رائعه لاهنت تحياتي |
|||||
|
|
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
