قصيده فالرد على اقتراح تقسيم السعوديه

[شاعر متواضع]

السلام عليكم ورحمه الله وبركاته
سمعت عند أحد الأخوه في شريط اسمه روابي نجد - وكان تسجيل لمحضاره قام بها الشيخ عايض القرني والشيخ عبدالواحد الزهراني - هذه القصيده للشاعر - كما لقب - الضويحان - قال : صغتها عندما اقترح أحد أعضاء الكونغرس تقسيم المملكه فقلت أرسل عليهم طائره هم اللي صنعوها طيب أرسل سياره هم اللي صنعوها فقلت أرسل عليهم الجمل اللي معوادنا عليه - يقول الشاعر :
راكب اللي لا ضعيف و لا صخيف و لا بدانه ----- مطوعاني لا زعوب و لا رموح و لا هبودي
لو طمر من مبركه كن أربعه صارت ثماني ----- وان مشى مثل الغزال الذاير الجفل الشرودي
وكن جمرات الغضى يكدح سناها من عيانه ----- و النحر يمكن ذراع و نص ما بين العضودي
منظره يعجب من خطامه ليا ثفنه بطانه ----- من سلايل جيش عربين المذاهب و الجدودي
هو تواصلنا قبل عصر التطور و التقانه ----- و نقدر نعود عليه ان صار فالدنيا نكودي
يركبه رجل سعودي ممتلي عرف و ذهانه ----- عارف درب الصدور و عارف درب الورودي
و ينحره فالديره اللي لا قيم و لا ديانه ----- ماصخ خلى شعبها سوات مصخ القرودي
و هي مريكا جعلها البركان و يزيد غليانه ----- و جعلها زلزال مدمر سنه ماله ركودي
يارسولي و كل الله و التوكل لك حصانه ----- و أنت في موقفي فرق بين بيض و بين سودي
و ان وصلتوا ديره فيها الفساد و عنفوانه ----- ازهم الجمهور اللي صار للعالم نكودي
وبعد تجمعهم بوسط الكونغرس من كل خانه ---- أبد رغبتنا صريحه مالنا عنها ردودي
و بلغوا بوش الابن و الديك و أبواش الخيانه ----- لا يحسبون الخيانه طبع فالشعب السعودي
طبعنا لن كان ما يدرون به نوضح بيانه ----- و يحفظه كل النصارى و المسيحي و اليهودي
يحفظونه صم شوف العين خل الترجمانه --- التراجم يمكن يجي في بعضها نقص والا فيه زودي
ويارسولي بين واشنطن وبين أهل الأمانه ----- قل ولد بربره حنا ترانا فالوجودي
شعب صافي كل من فالمملكه حسبه خوانه --- ما يفرقنا تعداد القبايل و البدودي
شعبنا لن عودة للغطرسه والا اللعانه ----- يفركون الميسم الحامي على كبد الحسودي
يدرس التاريخ لين انه يصحصح من جنانه ----- لا يحسب انا أفغانستان و خبول الهنودي
خابر السفييت ناحرناه من وثبه حصانه ----- يوم جا غازي على الاسلام ولعنا الزنودي
و قام فتيان يبون الله يدخلهم جنانه ----- يدعمونه بالرجال و يدعمونه بالنقودي
لين فككناه من عزه و حطمنا كيانه ----- فوق ستطعشر سنه متراسهم بسمر الحيودي
ويوم طاوعت اليهود أهل الخباثه والعفانه ------فوق راسك هدوا البرجين ما فيها جحودي
يثبتون انا أهل الأفعال نضمنها ضمانه ----- لن بغيناها صباح و لن بغيناها هجودي
وخل توني بلير مع شارون تعطيك الرطانه -----بعد أمنكم ضاع يالأنذال في كل الحدودي
نعنبوكم ماتعرفون ان دار العرض ماترضى الاهانه--واحد منا عن ألف و نص من حمر الجلودي
مسلمين و حدك مسالم مواثيقك مصانه -----و ان نكثت العهد ما نلزم بتوثيق العهودي
وقل له أعماك التغطرس والجهاله والبطانه-----وصرت كلب (اعزكم الله ) لليهود تقاد لايمكن تقودي
وحربك اللي معلنه لك عام ماله عاد خانه-----أعلن انك منسحب وأجل اسحب جيوشك يالرشودي
و لا تلحقها حروب فالعراق و فالكنانه-----ثم نعلنها جهاد من اليمن حتى الكرودي
وقبل ماترجع لنا نقول قل له يعدل لسانه-----و يعتذر منا ترانا نعتبر شوك الكبودي
ثم عود في مكانك و الجمل رده مكانه-----بيض الله و جهك و تسلم لنا يا أطلق سعودي
قد يكون فيها نقص أو زود فالأبيات لكن هكذا سمعتها من شاعرها والصوت لم يكن واضح
صحيح فالسياسه راحت العراق والسبب في صدام لكن الله يعز السعوديه وحكامها وشعبها
( لاتحسبوني ارهابي سمعتها مع أحد الاخوان وحبيت أوردها لما لها من معنى جزل )
أرجو انها حازت على رضاكم
نشوووفكم على خير
أخوكم : شاعر متواضع

[فواز الشيباني]

اخي شاعر متواضع

يعطيك العافيه على النقل الطيب

وصح السان الشاعر

ولاهنت

[غشام نجد]

	السلام عليكم ورحمة الله وبركاته يعطيك العافيه على النقل الطيب وصح السان الشاعر ولاهنت

[ابـن نـعـيـس]

شاعر متواضع

يعطيك العافيه على النقل الطيب

لاهنت


تحياااااااااااااااااااااااااااااااااتي

التوقيع

[شاعر متواضع]

العذر والسموحه على التأخير فالرد
أخي فواز الشيباني :
الله يعافيك وهذا من ذوقك
صح بدنك
ولا أنت
أخي غشام نجد :
وعليكم السلام ورحمه الله وبركاته
الله يعافيك وهذا من ذوقك
صح بدنك
ولا أنت
أخي ابن نعيس :
الله يعافيك وهذا من ذوقك
ولا أنت
تحيااااتي وتقديري للجميع
مشكوورين وتسلمون على المرور والرد
أتشرف بوجود اسمكم في موضوعي
أخوكم : شاعر متواضع
نشووووووووفكم على خير

[روق والسماء فوق]

مشكوووووووووووور اخوي شاعر متواضع


وصح لسانك

[شاعر متواضع]

العفو أخوي روق والسما فوق
صح بدنك
مشكور وتسلم على المرور والرد
تشرفت بك يا عزيزي
أخوك : شاعر متواضع
نشوووووووفك على خير