من قصايد رجـــم الــنــايـــف

[رجـم النـايـف المطيري]

بسم الله الرحمن الرحيم

هذه القصيده قلتها قبل يطلع نجم سهيل بخمسة ايام وكنا وقتها نازلين فالبل غرب من الصداوي وكانت الديره دهر وتضيق الصدر -المهم ماراح اطولها عليكم : تمشيت وشفت الحلال لقيت احوال البل ماهي ذاك الزود وقلت هذه القصيده ومسندها على جدي الشاعر {بطحي بن دحيلان الميموني}

الصيف زل ونحتري طلعة سهيل=يابو محمد وش بقى عن طلوعه
ذكره قريب ولا عرفت التفاصيل=حتى الشهر يمكن مايكمل سبوعه
بس الوكاد اللي موكده بالحيل=عيني على الهدهد واراقب وقوعه
يمرنا بالعصر وادباحة الليل=كنه يبشرنا بشكله ونوعه
ابرك من حساب العجيري بودربيل=العود ضايع بين كوعه وبوعه
قام يتخبط والسوالف تهاويل=عطوه قروة خير ولا نقوعه
محلا من حساب البدو بالتماثيل=قدام نجم سهيل يلمع لموعه
يعطونك النشره على كل تحليل=وامثال في ضرب الكلام ورموعه
ويحكون عقب سهيل لاتامن السيل=لا عاد تنزل فالشعيب وقشوعه
خوفن عليك اليا غشتك الهماليل=وتروح مرواح الشريف وجموعه
ياجد ما فالارض هذي محاصيل=الدهر خيّم والليالي قطوعه
امس العصر دوجت فيها ليا الليل=اخذت لي سجّه ولاهي متوعه
لقيتها بحصه مثل ساحة الخيل=جربوعها ماعاد يشبع شبوعه
من الصداوي وغرب رد الاقاويل=مافيه عوداً مرتكز فوق قوعه
واهل الحلال اللي عليها منازيل=النوق ضمّر والشياه مهلوعه
حتى البعير اللي يشيل الدهر شيل=لو يعترض لك عرض تحسب ضلوعه
الدهر مايفرح وجيه الرياجيل=ومن لا احتسى للدهر يعلن خضوعه
وترى السنين الشهب حل وتراحيل=تثّر على اوضاع النفوس القنوعه
وترى الصدوف اليا صدفت تخلف الكيل=امّا بأمان الرجل ولا جزوعه
وترى الليالي غيبها غيب ويهيل=تلمس حكيم الراي ويطير شوعه
الله يبدّل حالة الارض تبديل=عقب التويبع مامضى من تبوعه
الارض تشحذ والليالي مقابيل=من واحداً ماتغتني عن نفوعه
جعل السحاب يعّلها عل ويطيل=من الربوع اسبوع حتى ربوعه
اليا ادلهمت كنها داجي الليل=يدفّها ريح الجنوب وتطوعه
غرىً تكاشف برقها بالمخاييل=تلمع لميع سيوفنا فالنزوعه
وحنا الرجال اهل السيوف المصاقيل=تاريخنا ماهو مرقع رقوعه
لا جا نهاراً للعمايم تناطيل=وكلاً يفتح للعزاوي سموعه
{ميمون}رجحان الرجال المشاكيل=حمّاية التالي ومن فيه روعه
نزّالت العد المطرف حلاحيل=من فعل {ابن شرار} وباقي ربوعه
ومن عد ميموني بعشرة رياجيل=ابعد عليه النصر من حب كوعه

وســــــــــــلامــــــتــــــــــكــــــــم

[سلطان الجـذع]

الله الله يارجم النايف

حجز ((1))

[مرزوق حمدان العتيبي]

..
خوفن عليك اليا غشتك الهماليل
وتروح مرواح الشريف وجموعه
..

تشبيه رائع


..
لقيتها بحصه مثل ساحة الخيل
جربوعها ماعاد يشبع شبوعه

..
جزاله ومعنى ..
..
حتى البعير اللي يشيل الدهر شيل
لو يعترض لك عرض تحسب ضلوعه
...
والله مدري وش اقول يابو جزا
الاكيد انها دره ثمينه تستاهل عليها الاشاده
والشكر .... ابدعت ابدعت من غير مجامله
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[النا د ر]

رجم النايف تعجز الكلماااات عن وصف ابداعك يابن ميمون

ابدااااع تميز مدهش معبر جزل جميييييييييييييع الكلمات لاتوفى ابداعك


انا من اشد المعجبين فيك فالمحاوره والان بهذه التحفه اعجب فيك فالنظم وبشده


صح لسانك يابوجزااا وسلمت يداك على التحفه الذهبيه

تحياااتى لك

اخوك النادر

[أبن عيد]

جزله مايوردها الى جزل

صح السانك ولاهنت

[مقعد الدغيلبي]

المشاركة الأصلية كتبت بواسطة رجـم النـايـف المطيري

بسم الله الرحمن الرحيم

هذه القصيده قلتها قبل يطلع نجم سهيل بخمسة ايام وكنا وقتها نازلين فالبل غرب من الصداوي وكانت الديره دهر وتضيق الصدر -المهم ماراح اطولها عليكم : تمشيت وشفت الحلال لقيت احوال البل ماهي ذاك الزود وقلت هذه القصيده ومسندها على جدي الشاعر {بطحي بن دحيلان الميموني}

الصيف زل ونحتري طلعة سهيل=يابو محمد وش بقى عن طلوعه
ذكره قريب ولا عرفت التفاصيل=حتى الشهر يمكن مايكمل سبوعه
بس الوكاد اللي موكده بالحيل=عيني على الهدهد واراقب وقوعه
يمرنا بالعصر وادباحة الليل=كنه يبشرنا بشكله ونوعه
ابرك من حساب العجيري بودربيل=العود ضايع بين كوعه وبوعه
قام يتخبط والسوالف تهاويل=عطوه قروة خير ولا نقوعه
محلا من حساب البدو بالتماثيل=قدام نجم سهيل يلمع لموعه
يعطونك النشره على كل تحليل=وامثال في ضرب الكلام ورموعه
ويحكون عقب سهيل لاتامن السيل=لا عاد تنزل فالشعيب وقشوعه
خوفن عليك اليا غشتك الهماليل=وتروح مرواح الشريف وجموعه
ياجد ما فالارض هذي محاصيل=الدهر خيّم والليالي قطوعه
امس العصر دوجت فيها ليا الليل=اخذت لي سجّه ولاهي متوعه
لقيتها بحصه مثل ساحة الخيل=جربوعها ماعاد يشبع شبوعه
من الصداوي وغرب رد الاقاويل=مافيه عوداً مرتكز فوق قوعه
واهل الحلال اللي عليها منازيل=النوق ضمّر والشياه مهلوعه
حتى البعير اللي يشيل الدهر شيل=لو يعترض لك عرض تحسب ضلوعه
الدهر مايفرح وجيه الرياجيل=ومن لا احتسى للدهر يعلن خضوعه
وترى السنين الشهب حل وتراحيل=تثّر على اوضاع النفوس القنوعه
وترى الصدوف اليا صدفت تخلف الكيل=امّا بأمان الرجل ولا جزوعه
وترى الليالي غيبها غيب ويهيل=تلمس حكيم الراي ويطير شوعه
الله يبدّل حالة الارض تبديل=عقب التويبع مامضى من تبوعه
الارض تشحذ والليالي مقابيل=من واحداً ماتغتني عن نفوعه
جعل السحاب يعّلها عل ويطيل=من الربوع اسبوع حتى ربوعه
اليا ادلهمت كنها داجي الليل=يدفّها ريح الجنوب وتطوعه
غرىً تكاشف برقها بالمخاييل=تلمع لميع سيوفنا فالنزوعه
وحنا الرجال اهل السيوف المصاقيل=تاريخنا ماهو مرقع رقوعه
لا جا نهاراً للعمايم تناطيل=وكلاً يفتح للعزاوي سموعه
{ميمون}رجحان الرجال المشاكيل=حمّاية التالي ومن فيه روعه
نزّالت العد المطرف حلاحيل=من فعل {ابن شرار} وباقي ربوعه
ومن عد ميموني بعشرة رياجيل=ابعد عليه النصر من حب كوعه

وســــــــــــلامــــــتــــــــــكــــــــم

رجم النايف
ابو جزا

والله مالقيت فيها اي بيت
انسخه او اقتبسه 00كلها شامخه
وجزله00ومذهله00ماقول الا لله درك
من مبدع وهذا القصيد اللي له روح ومعنى
جزل يابو جزا والله جزل دايم وبيض الله
وجهك على هالشاااااااامخه ولاتحرمنا من
ابداااااااااااعاتك000وتقبل عجابي وخالص مودتي

التوقيع

[رجـم النـايـف المطيري]

سلطان الجذع

ومرزوق العتيبي

تحياتي لكم على مرورك

واتمنا ان القصيده تحوز على رضاكم واعجابكم

وشكرا

[رشيد النقريني]

رجم النااااايف المطيري

صح لساااانك قصيدة رااائعه


وبيض الله وجهك يالقرم


ودمت بود

[عمرالروقي]

رجم النايف
صح لساااانك
ملياااااااااااااار
00000000000
فعلا كلمات جزله 000
ومعاني 0 وافيه 00000
وصور جماليه في غاية الروعه
00000000000000000000
0
0
0
سجل اعجابي

[رجـم النـايـف المطيري]

ابن عيد

صح بدنك ولا هنت على المرور

تحياتي لك