رباعيه العتبان ..والمطران في منتدى المطران

[ابو سعود الجذع]

اعزائي اعضاء هذا الصرح ..الشامخ
انقل اليكم ..هذه المحاوره التي جرت في موقع
مطير قبل فتره التي كان اطرافها
الصارم البتار مجندل الشعار <<<الفالح
والصمرقع <<سلطان الجذع

مع سامي القعياني ورجم النايف (فايز الميموني )
اتمنى ان تنال اعجابك



سامي القعياني ..

إلا يادرع جني صلبّ جدي صامـل الوقفـاتّ=نبا نسري على العتبان لين يروحون شتـات
وأقوله وحتمي قولي وانا (سامي ولد صنهات)=(يقولون الرجال إلـي يسرحهـا يضويهـا)

بعد ما شاشّ راسي قمّت فوقّ الصارمّ البتار=أبسوقه وأنا سامي بحدّ السيـف شامانـي

..
..
فايز الميموني

بدينا والعلوم يجي لها طاري مـع العربـان=خصوصا لاحتمى الميقاف للمطران والعتبان
على شان الشعيب الكل منهم ماسك الضلعان=يقولون الرجـال إلـي يسرحهـا يضويهـا

والاياربعنا اللي من ورى خشم الجبل ويسار=تبونا نشعـل النيـران ولا نحيـي العانـي

.
.
.
.
.
.
.
الفالح

ليا ناديت ابن عمّك نجيك انا وابن عمّي=ووقفتنا ليا قمنـا تـزوّد همّكـم همّـي
ونعمٍ بك لو انّك ما تغثرب صافي الجمّي=يقولون المواقف ما حماها غير راعيها

انا الليله نويت اسري عليك بقاصف الاعمار=وراك الموت كيف يشوش راسك يالقعيانـي

سلطان الجذع

وألا ياجر قلبك من معاليقه يابـن ميمـون=ديون جيت تطلبها يبا يغدي وراها ديـون
لكن أغسل عن النصر المؤز يدك بالصابون=يقولون المواقف ما حماها غيـر راعيهـا

عساها تشتعل بيني وبينك نار بن عمار=ترى مايقبل المسلم يجي عانيه نصراني

.
.
.
.
.
.
سامي القعياني

تسوق الرجل للموت الحمرّ ياضايع النيه=هذا والي نبت لك يابن ثعلي دوب حمضيه
أنا عندي خبرّ ولا أنت لا هذي ولا ذيـه=يقولون الرجال الي يسرحهـا يضويهـ

تبا تبلش يابن ثعليّ مادام أن الشبوح أقصار=تنفخ في ذروبك وأنت ابن معتوق عتقانـي

فايز الميموني

من اول وانتم الهيلا وسرد الخيل مسروجه=لاشك الوقت هذا والزمن تستاضق فجوجه
ماعاد انميّز الهيلا من عتيبه هل العوجـه=يقولون المواقف ما حماها غيـر راعيهـا

تراك انته وابن عمار كل خشومكم بالنار=ابن عمّار الاول وانت عقبه خشمك الثاني

.
.
.
.
.
.
.
.
الفالح

نرد حوض المنايا فالملاقا ما نهاب الموت=لكنّك لا تورّد لك كلامٍ مـا عليـه ثبـوت
نصيحه يالمطيري تعتدل قدّام اشوتك شوت=يقولون الرجال اللي يسرحهـا يضويهـا

يا بين اللي شبوحه قاصره من وافي الاشبار=عن المطران دافع يا طعام الذيب سرحانـي

سلطان الجذع

أذا من كلمـة العوجـاء دخلـك الشـك والريبـي=ترى (العوجاء ) يابن ميمون هي (عوج العراقيبي)
تعرف ان أهلها (الهيلا) و(راعيـن المناصيبـي)=يقولـون الرجـال اللـي يسرحـهـا يضويـهـا

لكن انته يابن ميمون خشمك دخله فالغـار=وعط سامي من اللي تكسبه ياذرب الايماني

.
.
.
.
.
.
سامي القعياني

نهار الحرملية شاب راسك من فعول مطير=وابن جبرين يالصارم مطلق حرمة الحنتير
وحنا لدهنا السير يابن الناس غصب يسير=يقولون الرجال اللي يسرحهـا يضويهـا

حرام أني مافكك لو تجيب اليوم صك أعسار=بعد ماجابك الله في يديّ جايع وعطشانـي

.
.
فايز الميموني

اهل عوج العراقيب الرجال اللي لهـم هيبـه=منزّحت الحريب اليا عوا ذيبا علـى ذيبـه
ماهي لمّّّسح الجوخه على الجوخه وابو ذنيبه=يقولون الرجـال اللـي يسرحهـا يضويهـا

ياراع البير خل السانيه تمشي على الجرّار=اذن الماء يجيكم من بطون الارض مجّاني

.
.
.
.
.
.
الفالح

تسنوى وانت مالك فعل ثابت مع هل الافعال=ترى عدّ العلوم الناقصه عيبٍ على الرجال
نسيت الحفر والعصلا نسيتوا شربة الفنجال=هذا عدّ الفعول اللي تبيّض وجـه راعيهـا

وش اعدّ اوش اترك من فعايل عزوتي فمطار=وهذي تعتبر مثل انتهاك حقـوق الانسانـي

.
.
سلطان الجذع

هل البل ربعي عتيبه ..غنايمها بمغزاهـا=لكن اللي تخون اصحابها وش تملك أيداها؟
تعيش أيامها وتشيب ..عند أذناب معزاها=يقولون المواقف ماحماها غيـر راعيهـا

والا يالمهنه اللي دوب دقت بأول المسمار=على الخطين جايك مطلبك لو قلت ماجاني

.
.
.
.
.
.
.
سامي القعياني

ذبحتة بالغدر يالمرشيدي معروف يالخـوان=يابن تينيك وانته حاسبينك من حساب الضان
يمين الدرب يالصارم نعرف الزود والنقصان=هذا عدّ الفعول اللي تبيّض وجـه راعيهـا

ابن ثعليّ كبر سنه وأظنـه للقبـر حفـار=يجيب اعلوم من عنده كبار أطويق وشفاني

.
.
فايز الميموني

فريق البحث جاب النا تقارير وكـلام يقـول=يقول الارض فالبحرين لاغـازاً ولا بتـرول
يجيها من شمال سطولها ومن الجنوب اسطول=يقولون المواقـف ماحماهـا غيـر راعيهـا

عليك من الزمن ميل وعليك من الليال ستار=تطب السوق وتجيب الجمال بقيمة الظانـي

.
.
.
.
.
.
.
الفالح

ترى فاجر هو اللي يالمطيـري جنـدل تراحيـب=على وضح النقا والغدر ماهـو طبعنـا يالذيـب
من اول كنت ابا اسولف معك وانته حدرت شعيب=وخليت العلـوم اللـي تبيـض وجـه راعيهـا

ترانا يالمطيري مانبوق ولانخون الجار=تذكر فالقدايم سالفه جـار العضيانـي

.
.
سلطان الجذع

تقاريرك تشيل الكذب والتظليـل والتزويـر=مافي ديرتك خير وتحسب البحرين مابه خير
دخيلك لاتلخبط فالسوالف يابن عـم العيـر=يقولون المواقف ماحماهـا غيـر راعيهـا

ترانا فالعلوم الناقصه مانلفت الانظار=واظنك ماتحمل كلمه وحده من لساني

[فالح الكرنافـ]

صح السانـ الشعار

ومشكور على النقلـ الرائعـ

اخوكـ

فالح الكرنافـ

[علي فلاح العضياني]

ابو سعود ...اشكرك جزيل الشكر
على نقل المحاوره ..لاشلت يمناكـ
ياابيض الوجه ...




والى اخواني المشرفين ..تبقى المحاوره
في هذا القسم ...

التوقيع

(( رأس الحكمه مخافة الله ))

[ناصر الجلاه]

..

ابوسعود

..

شكرآ على النقل الجميل بالغااالي

وصحت ألسنت ابطالنا : (( الفالــح ,, وسلطان الاسطوره ))

ولاهانوا المطران

محاوره جميله ونقل اجمل

لاهنت يابوسعود

..

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[خالد المقاطي]

الله الله


كلام كبييييييييير

" " "

العمالقــه :: الفالح :: سلطان الجذع

يعلم الله انهم ماعينو خااااار



الفالـــح ابكــ انت علامكــ


وش اعدّ اوش اترك من فعايل عزوتي فمطار
وهذي تعتبر مثل انتهاك حقـوق الانسانـي

ههههههه


للـــــــــه دركم

ولاهانت يالجذع على النقلـــه الطيبــه ..

[سهم جده]

مشكور ابوسعود الجذع وصح ألسان الشعار والمحاور ممتازه جدا وطبعن الفالح و سلطان الجذع من أفضل الشعار في منتدى عتيبه ويشرفون عتيبه خارج منتدى عتيبه أفضل التشريف ولاعليهم قصور شعار عتيبه الاخرون وعلى العين وراس

[الوليد الحافي]

الله الله الله الله ....

محاوره اكثر من رائعه لاتذكرني الا

بمباره السعوديه والالمان 8/0 الله لايبلانا

القعياني لخبط الدنيا كلها .(المرشيدي ) (بن تينيك )

ولكن زين رد الفالح (من اول كنت ابا اسولف معك وانته حدرت شعيب)


مااقول الا للعرف والشعر أهله

ونعمٍ بك لو انّك ما تغثرب صافي الجمّي<< لاتعليق ههههه

دخيلك لاتلخبط فالسوالف يابن عـم العيـر<< ..نفس الفئه هههههههه





لاهنت على النقل ياابو سعود

[محمد العضياني]

شهادتنا مجروحة في العملاقين

الفالح وسلطان الجذع

صحت السنتهم وبيض الله وجيههم

ولاهنت يا ابو سعود على نقل المحاورة

وصحت السنة المطران ماقصروا

[مرزوق حمدان العتيبي]

..
.
محاوره تستحق الاشاده
ابداع من العملاقين الفالح وسلطان
... وكذلك من اخوننا المطران
...
والله لايهينك يابو سعود
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالعزيز بن جودان الرويس]

الفالح والجذع
انشهد انكم ابدعتو من غير قصور في شعار مطير



الله الله
بيت رائع ياسلطان
دخيلك لاتلخبط فالسوالف يابن عـم العيـر

صحت السنتكم جميعا

التوقيع

godan3@hotmail.com