 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
21-Jul-2009, 08:47 AM
|
رقم المشاركة : 11 | ||||||
|
اقتباس:
الله واكبر عليك يابوفايح الحين صارت وجهة نظر هاك اليوم في موضوعك قلت صياف افضل من مستور ماقلت لي وجهة نظر علي طول هاجمتني وقلت افضل من ابن شلاح عموما عبدالله المسعودي ليس محل نقاش امر مفروغ منه |
||||||
|
|
|
|
|
|
|
|
|
21-Jul-2009, 08:57 AM
|
رقم المشاركة : 12 | |||||
|
صدقت بكلامك ياوحي العقل وعبدالله المسعودي يقولون انه اسطورة وهذا اللي نقصده لايوجد شي اسمه اسطوره !!
فهو ماخُلق وهو مولود بشعره فالشعر موهبة وتتطور ولو وصل عبدالله المسعودي وصل لتلك المرحلة فاكيد غيره يقدر يوصل مستواه ويتعداه لكن في وقتها لم يكن افضل الشعراء لكن افضل شعراء هذيل فقط اما ساحة المحاورة فلكل قبيلة شاعرها الافضل لكن حتى لو وضعنا مقارنه بينهم فسنأخذ كل محاورة ونصنف وعبدالله المسعودي كان نطاق شهرته في الحجاز وماعطاه دفه الاسطورة الا قبيلة هذيل الذي لم ترى احد يخلفه لذلك رأت انه الاسطورة والافضل على الاطلاق . لذلك اود من قبيلة هذيل القريبة من قلبي بدل من اطلاق هكذا تصاريح ان تحفز شعراء قبيلتها لان يحققوا مستويات افضل واخيرا انا لا اؤيد الاسطورة على كل المجالات وبالأخص الشعريه لانه موهبة ماهي بحكر على أحد يتسيدها كل مجال مفتوح للابداع والفن والمهارة التي قد يصل لمستويات عليا ونجاحات كبيرة |
|||||
|
|
|
|
|
|
|
|
|
21-Jul-2009, 09:07 AM
|
رقم المشاركة : 13 | |||||
|
عبدالله المسعودي الله يرحمه شاعر علم
ولكن فيه شعار كبار مستحيل نقول انه اكبر منهم او انهم مايوصلون الى مستوى المسعودي امثال مطلق الثبيتي صياف الحربي شليويح بن شلاح رشيد الزلامي مستور العصيمي مصلح بن عياد حبيب العازمي كم المحاورات اللي وصلت للجمهور لعبدالله المسعودي ؟؟ منهم الشعار اللي كانو يلعبون معاه ؟؟ كم محاورات المسعودي في السنه ؟؟ ومنهم جمهور المحاوره في ذاك الوقت وجمهورها في الوقت الحالي ؟؟ في الوقت الحاضر هل محاورات حبيب مع رشيد او مع مستور او مع مصلح زي محاوراته مع شعراء اخرين ؟؟ اكيد لا لان هذولا اخصام عنيدين ولازم المحاوره تكون قويه معاهم القصد عبد الله المسعودي الشعراء اللي كانو يلعبون معاه اقوي ومحاوراته المشهور والمعروفه كلها مع شعراء كبار والمحاوره ماتتوقف على شاعر واحد ولكن فيه شعراء لهم بصمه في هذا الفن مطلق الثبيتي وصياف الحربي وحبيب العازمي لهم اسلوب خاص وخدمو شعر المحاوره فتره طويله من الزمن وقدمو للمحاوره وجمهوره محاورات نادره وقويه الله يرحم الاموات ويبقي الحي على الطاعه والاعلام كان مساعد لهم في توثيق محاوراتهم اكثر من غيرهم وكل قبيله فيها رقم صعب ويرون انه اقوى الشعراء بحكم انه شاعر قبيلتهم ومن حقهم ((وكل لحيه دون شاربها)) عبدالله المسعودي في قبيلة هذيل فيصل الرياحي في قبيلة البقوم وصياف الحربي في قبيلة حرب الله يرحمهم جميعاً واموات المسلمين والموضوع يبقى طرح وجهات نظر اتمنى من الاخوان تقبل الاراء بصدر رحب وبالتوفيق للجميع آخر تعديل النايف 1 يوم 21-Jul-2009 في 09:16 AM.
|
|||||
|
|
|
|
|
|
|
|
|
21-Jul-2009, 09:13 AM
|
رقم المشاركة : 14 | |||||
|
اي احد عقب او زعل ترى وحي العقل ماتكلم عن التقليل من عبدالله المسعودي هي وجهة نظره صحيحة
هو يتكلم .. من قال انه اسطورة شعر المحاورة : اي من ذلك الوقت الى هذا الوقت لم يوجد من هو افضل من عبدالله المسعودي وهذه النقطة قمة الخيال اما بقية كلامه هو تأكيد لانه ماهو باسطورة وحتى القصص التي تتواجد في ساحات النت جعلته خرافه اقرب للاستحالة ويبقى هو شاعر هذيل الافضل وابرز شعراءها ورغم انها قبيلة شعر لكن الآن لم تقدم الا اسمين تقريبا وصلوا لنطاق خارج نطاق الحجاز ولم ولن يصلون لمستوى عبدالله المسعودي كما يرون |
|||||
|
|
|
|
|
|
|
|
|
21-Jul-2009, 09:33 AM
|
رقم المشاركة : 15 | ||||||
|
اقتباس:
اولا قبيلة هذيل موطنها الحجاز ماهي مثل مطير وعتيبه منتشره من الحجاز الي نجد الي الرياض وهذا سبب عدم خروجهم عن نطاق الحجاز اما مطير وعتيبه وحرب منتشرين ويدعون شعرائهم في مكان تواجدهم مما ادا الي انتشارهم خارج الحجاز والدعوه ماهي كثره الدعوه شعر لو الشعر يحكم بالكثره ماكلينا مع عتيبه اعيد واقول الدعوه شعر محمد المسعودي عن خمسين شاعر من الموجودن فالساحه لعبه هادي ومعناه حار |
||||||
|
|
|
|
|
|
|
|
|
21-Jul-2009, 09:42 AM
|
رقم المشاركة : 16 | |||||
|
ديب عروا
محمد المسعودي عن خمسين شاعر ؟؟؟؟؟؟ وحبيب العازمي أقوى من مطلق رحمه الله؟؟؟؟؟ هي رقعها |
|||||
|
|
|
|
|
|
|
|
|
21-Jul-2009, 09:58 AM
|
رقم المشاركة : 17 | ||||||
|
اقتباس:
انت تاخذ اول العلم وتترك اخره انا قول الشعار اللي فالساحه الان محمد المسعودي عن خمسين شاعر منهم ما قلت عن خمسن شاعر من رشيد ولا حبيب ولا اسوار الذهب افهم العلم افهمه وماقلت حبيب اقوي من مطلق قلت جيب محاوره تفوق فيها مطلق علي حبيب وتقييم القوه اتركه للجمهور وبعدين انا ماتعرضت حرب ريح ملايكتك وكلام وحي العقل ينطبق علي شعراء حرب ماينطبق علي شعراء هذيل ماعندكم غير صياف وراح ولو اني افضل رجالله الحربي عليه لكن الحظ ماحالفه |
||||||
|
|
|
|
|
|
|
|
|
21-Jul-2009, 10:07 AM
|
رقم المشاركة : 18 | |||||
|
الشيء الي لازم يعرفه الجميع واقولها بكل حيادية ودراية بالامور
سابقا في عصر الثمنينات والتسعينات الهجريه في شعر المحاوره في الحجاز تحديدا من هو الشاعر الذي تتوجهه له الانظار ويشار له البنان في تلك الفتره ؟ الجواب هو الشاعر الذي يجاري شعراء عتيبة ويبلي بلاء ٌ حسناا !! وأي قبيلة يصل شاعرها لهذا المستوى يعتبر اسطوره زمانه وخذ من القصص والخرفات والمبالغات مالله به عليم ,, كانوا شعراء عتيبة في نظرهم مثل الاشباح اي شاعر يحس انه تفوق على شاعر عتيبي حتى لو كان شاعر نص ونص وغير معروف .. تحصل الخبر واصل القبيله حقته كلها ويشوف نفسه كأنه ذابح نمر ويمكن ليلته ما نامها من الفرحه ولاحظوا القبائل بشكل عام الي ماعندهم غير شاعر واحد .. يقيسون شاعرهم بشعراء عتيبه واسمع سوالفهم عن شاعرهم وتعرف .. مرات يقولك سرٌا اربع شعار من العتبان ومرات يقولك العتبان بيذبحونه .. ومره يقولك العتبان اذا شافوه في ملعبه تركوها وراحوا وش معنى العتبان بس وكل السوالف والخزعبلات حقتهم يحطونها في العتبان وحتى مو في الشعر بس حتى في الرمايه والصيد واشياء كثيره .. ومو قبيله وحده كل القبائل الي مشهوره في الحجاز بالمحاوره او الجيران لعتبان الحجاز بشكل عام .. نفس القصص والخزعبلات بس كل قبيله بسم اسطورتهم ولا تسمع فيهم واحد يذكر مثل هذي السوالف في القبائل الثانيه لانه لو سواها مايتعبر سوا شيء .. يعتبر اسطوره شعر او بواردي رماية او شجاع فارس اذا سوا شيء في العتبان بس !! وهذا دليل ان العتبان ذاك الوقت لهم هيبه قويه علشان كذا كلن ينفخ في قربته لو بالظلم والزور والبهتان على غيره .. المسعودي شاعر علم والجميع يحترمه ولا هو اسطوره غير عند ربعه مثل مايكون صياف اسطوره عند ربعه ومطلق اسطوره عن ربعه والجبرتي اسطوره عند ربعه لكن في النهاية كلهم شعراء لهم بصمه في الشعر لهم ايام عسل وايام بصل لهم ابيات تسوى ذهب وابيات تسوى هلل .. لكنهم يبقون الافضل في تاريخ المحاوره |
|||||
|
|
|
|
|
|
|
|
|
21-Jul-2009, 10:07 AM
|
رقم المشاركة : 19 | ||||||
|
اقتباس:
صدقت والله بكلامك عن انتشار القبيلة بس انا كنت بأستدل بشعراء قبائل الشمال صاروا يدعون بنجد والحجاز مثل منيف منقره وشاهر العنزي لكن خفت استدل بهالشي وافك ابواب اكثر واكثر ويتشعب الى مسألة الانتشار اما عن محمد المسعودي معروف عندهم وله شعبية بس فيه ناس يقولون اعتزل وفيه ناس يقولون بيرجع لكن خله بعيد عن الحكم لانه بالهوقت ماهو متواجد بشكل نجعله يكون الافضل على هذيل اما مسألة مطلق وحبيب كلهم عينين برأس ولاتحاول تتجنى على مطلق لان هالموضوع فيه الكلام عن عبدالله المسعودي وبعدين انا ماني بأخذ بكلام ذيب عروا باخذ بكلام شاعر مطير بن شلاح اللي مدري انت او احد غيرك قال مايحب يلعب مع مطلق اكثر من شليويح واللي اعتزل المحاورة بعد وفاة مطلق الله يرحمه وحتى لايتشعب ياذيب عروا لو عندك شده تناشبني  وانا اناشبك نفتح موضوع اخر سواء عن انتشار الشعراء بالنسبة لمساحة التواجداو ان كان عن الحديث عن مطلق وهذا وقتها بخليك انت تفتحه وانا برد عليك وماهو عن مسالة مطلق وحبيب بالاخص لانه لو كذا مابينفع لاني احس مطلق الافضل بحياته وحبيب العازمي الافضل بهالوقت لكن اطرح موضوع عن مطلق بشكل عام وابدي رأيك وبرد عليك آخر تعديل ناصر حامد الثبيتي يوم 21-Jul-2009 في 10:09 AM.
|
||||||
|
|
|
|
|
|
|
|
|
21-Jul-2009, 10:10 AM
|
رقم المشاركة : 20 | ||||||
|
اقتباس:
عادتك اللي ماتكبها من موضوع تدخل في موضوع على شان تبرر كلامك |
||||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
