مجاراه بين @ سفر الدغيلبـي + مقعد الدغيلبـي @

[مقعد الدغيلبي]

	هاذي القصيده وصلتني قبل أسبوع لشاعر المحاوره والنظم المعروف الشاعر/ سفر سعد الدغيلبي مسّندها علي ورديت عليها برد يمشي حاله لأأن مجارات شاعر في حجم سفر الدغيلبي تصعب علي والاعتراف بالحق فضيله @ أترككم مع القصيده والمجاراه وارجوا أن تنال أعجابكم واستحسانكم علماً بان النقد مقبول ونتقبله برحابت صـــدر يقول سفر العلم جاني مع ثقات المراسيل=اللي لهم فالشعر واهله علاقه قالوا ولد عمك يمجدك بالحيل=يمدح ويبعثلك من الورد باقه أعطوني الموجز ولامن تفاصيل=الا الأسم مقعد بحسب البطاقه في منتدى الهيلا زحول الرياجيل=بيت القبيله والنشاما رواقه يزينه حرصه لجزل التماثيل=ويميزه نبذ العلوم الدقاقه فالمنتدى لخيار ربعي مداهيل=اللي يعشقون المعالي عشاقه والله لو إن ظروف وقتي تساهيل=وألا أقدر أسرق من فراغي سراقه لآرد قراح عذب واعذب من النيل=لو ماخذ الا من حلاته ذواقه ذوقه يكفيني عن القال والقيل=ويطر هواجيس الزعل والحماقه لآكن كيف أسلا ووقتي غرابيل=ماسهل حضور الهم ماصعب فراقه أتبع سراب آمال فاليوم والليل=وابغى الرواقه مير مامن رواقه ويوم إن مقعد ساق زمله محاميل=جبرني آشيل الحمل والوساقه واسايره واعجل على الحط والشيل=ولا قبل مالي على الكود طاقه إلك الشكر ياموفي الوزن والكيل=الوقت مانساك حق الرفاقه رفيق وموالي ونشمي وحلحيل=وزودن على قرب الرفاقه صداقه ياترثت محمد عذاب المعاميل=فايز وحايز للكرم واللباقه ذبايحه لظيوفه العّقر الحيل=وعطاه للمحتاج حاشي وناقه سوالف الأجداد جيلٍ بعد جيل=من راس عودن قاسيٍ عظم ساقه والا سفر ماكابد الجيش والخيل=بس يتشفق هالسوالف شفاقه ويعدل المعنى عن النقص والميل=بعد أعجبه فعل أبن عمه وشاقه

	رد مقعد يامرحبا واعداد وبل المخاييل=أللي من المنشاء صدوقٍ حقاقه برسالةٍ فيها من النور قنديل=من شاعرإ فالشعر عنده لياقه والحض طيّب والليالي مقابيل=وعندي على حمض الطواريق فاقه يابو سعد مافالحقايق مداخيل =ماينفتح للشك بابٍ وطاقه شاعر وتشهد لك زحولٍ مشاكيل=في نجد يومنه رفيعٍ مواقه اللي لهم فالعرف دقه وتحليل=ويميزون الراهيه والشلاقه واشوف فالشعار والشعر تظليل=كلٍ يحاول قظبته واعتناقه مابين تحديث وحداثه وتحثيل=والصحّف تعطي رخصةٍ للسواقه صحافتن عمياء وجمهور تطبيل=وأللي ينافق قربوه لنفاقه يابو سعد شيٍ نشوفه تهاويل=الشعرتال الوقت يشكي البواقه عينن على صف الثقات الدواليل=وعينن على من ظيّقوبه خناقه وصية أهل البن والكيف والهيل=أيحذرون من النياه وحراقه وانته سفر مهما تطول الاقاويل=درب المراجل مهنته واشتياقه ترثت سعد سم الكبود المعاليل=أحفاد(مسفر) طيّبين العراقه ترعابهم فالخوف عرّبن مشاميل=في ظفهم ماذيرت بصطفاقه والآد منعر محتمين الدواخيل=عدوهم منهم يشيل الاعاقه منزالهم في عاليات المنازيل=بالغصب مافيها عقود أتفاقه وحنا لنا مجدإ صعّيب المناويل=موتي برقّك يالكفوف الرقاقه وحنا عتيبه بالسيوف المصاقيل=حريبنا دايم يزّود أرتهاقه برقاء وروق اللي كما الجدي وسهيل=في نجد يوم البيت يرفع رواقه من لآيح العارض ليا حرت هذيل= بعلط الرماح وبمهات التفاقه واليوم في فية طوال الاشابيل=أمن ورخاء ونحارب الانشقاقه

التوقيع

[تركي البرّاق]

وحنا عتيبه بالسيـوف المصاقيـل
حريبنـا دايـم يـزّود أرتهـاقـه
برقاء وروق اللي كما الجدي وسهيل
في نجد يوم البيـت يرفـع رواقـه
من لآيح العارض ليا حرت هذيـل
بعلـط الرمـاح وبمهـات التفاقـه

اول شي السلام عليكم ورحمة الله وبركاته

كفو والله وسبعة انعام يامقعد وسبعة انعام بابو سعد وكلكم اعلام ورموز من اعلام القبيله

والله انك خطير ماشاءالله يامقعد وصح لسانك ولسان ابو سعد ويشرفني اني اكون اول من تصفح ورد وتحياتي
اخوك...

[مقعد الدغيلبي]

لاهنت
يامروي الشطير
وشهادتك أعتبرها
وسام
وتقبل مووووودتي
وخالص تحياااااتي

[خلف بن مرزوق]

حجز فقط لي عووووده بعد الاستمتاع

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[مرزوق حمدان العتيبي]

...
.

بسم الله ماشاء الله
صوت من شاعر غني عن التعريف وفوق كل اشاده
فصح لسان ابو سعد
...
وصدى ولا اروع منك يابو فيصل جزل ولمعنى الجزاله صرت عنوان
..

لاهنتوا ودمتوا ودام ابداعكم ياعصابة راسي ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

اييييييييييييييييييييه يا ذيبااااااان هذا اكلام

صح السااان ابو سعد شاعر غني عن التريف ومن اطيب الشعراء صراحةٍ

وصح السااانك يا شاعر الهيلا ابو فيصل بيوت محكمه وجزله يالغالي

سلمت وسلم ابو سعد

ودمت للابداع..

..
اخوك..
.

التوقيع

.....

[السميــــــري]

...

’

مااقول الا ماشاااااء الله تبااارك الله ..

صح لساااانك يامقعد مليووون .. مااستطيع ان ازيد على ذكر الله عليهااا..

جزله من جزل ..

والمفروووض ماتشاااورنااا عليهاااا ..

وصح لسااان سفر فهو شاااعر له مكااانته المعروفه ..

أخوك السميري..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[علي الثبيتي]

الاخ العزيز ابو فيصل
لا يوجد اي ملاحظات
ذهب صافي

تسمحلي يابوفيصل
اسمك الجديد في منتدي عتيبه الهيلا

جنيه الذهب



ولي عوده

التوقيع

ماني بلا روقي ولا برقاوي = انا ثبيتي جد روق وبرقا

[فيصل المسعودي]

صح لسان الشاعر المعروف / سفر الدغيلبي


وصح لسان شاعرنا واخونا الغالي والمبدع / مقعد الدغيلبي


ونعم والله فيكم ياعيال عمنا وفي عزوتكم يا ألاد منعر


فعلاً رأينا الجزاله بعنوانها


واستمتعنا بمحتواها


دمتم للإبداع


تقبل تقديري وإحترامي


اخوك


فيصل المسعودي

[أبن مسلم]

بسم الله الرحمن الرحيم


لايمكن أن أزيد على ماكتبوه الزملاء فالحقيقه واضحه كوضوح الشمس


في منتصف النهار وكلاكم شعار بارعين في الشعر والقصيدتين من وجهة نظري


أكثر من ممتازه أتمنى لكم التوفيق وشكراً