الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 26-Jan-2004, 08:41 PM رقم المشاركة : 1
معلومات العضو
نجد
عضو ادارة سابق
إحصائية العضو





التوقيت


نجد غير متواجد حالياً

افتراضي يأهل العقول الزاكيـه دوركـم ويـن. ..للشاعر هاجد بن جايد العتيبي

قصيده للشاعر هاجد بن جايد المقاطي العتيبي

اعجبتني واحببت نشرها
يقول فيها
[poet font="Simplified Arabic,4,orange,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
بأسـم الالـه المستـعـان استعـنـا = رب السمـاء والأرض رب الثقلـيـن
الواحـد اللـي قـال كونـوا وكـنـا = بشر وابونـا آدم خلقتـه مـن الطيـن
أن كان ممشانـا علـى الحـق أعنـا = وأرحم وجنبنا الخطـأ كـان مخطيـن
الذنـب زاد ووقـف القـطـر عـنـا = وأهل النفاق اكثر عدد من هـل الديـن
وأهـل الحسـد يمشـون منـا ومنـا = واهـل الريـاء تعـدهـم بالملايـيـن
وأهـل الربـاء ياكثرهـم فـي وطنـا = وأهل الحيل والكذب والكبـر ماشيـن
وأهـل الحبـوب مصـرع الله يمنـا = لاشفتهـم تـقـول مـاهـم بحيـيـن
افعالـهـم واشكـالـهـم يخلـعـنـا = وفيهم صفاةٍ مـن صفـات المجانيـن
والكـذب فينـا والملاقـيـف مـنـا = وأهل النمايـم فرقـوا بيـن الاخويـن
والمغـريـات بشرهـنـه غـزنــا = صرنا معـاد نميـز الشيـن والزيـن
وليادعانـا داعــي الـحـق جـنـا = حبايـل الشيطـان سبـق السراحيـن
وعـن الطريـق المستقيـم احرفـنـا = وتلاعبـن بعقولنـا والجهـل شـيـن
عـن العبـاده كـل يــوم يحـدنـا = علـى القلـوب اللينـه مابهـن ليـن
وليـا تذكرنـا الضعـيـف وزبـنـا = نلقى مـن الأعـذار تسعـه وتسعيـن
ونصرفـه بأسلـوب راقـي وفـنـا = ماحـدٍ يعينـه لـو يـذوق الأمريـن
ولآ القـوي فيـنـا مغـيـر أيتمـنـا = وجميع مايطلب على الـراس والعيـن
وأبكي على وصـلٍ ارسومـه غدنـا = اقفا عليها السبـت مـع درب الاثنيـن
وصـل القرابـه حـق مافيـه ضنـا = مايعرفـه كــود العـبـاد التقيـيـن
وجحـدان بــر الوالـديـن يغبـنـا = قولـوا لهـم معـاد هـم بالمبـديـن
وعـن اليتيـم ودمعتـه ويـن حـنـا = مايشعـرون بخصتـه حتـى الادنيـن
والعـود والرمـلا لـهـم مافطـنـا = عـن برهـم حنـا كثيـر متعالـيـن
شريـحـةٍ مالله جعـلـهـا تـهـنـا = مـن مجتمعنـا ذاقـوا العسروالليـن
وحنا مايلقـون العشـاء فـي صحنـا = مانلتـفـت بقلـوبـنـا للمسـاكـيـن
والأمـر بالمعـروف فيـه استهـنـا = قومٍ عـن الحـق المصيـب متحاديـن
النصـح حـق وواجـبٍ فيـه لـنـا = يأهل العقول الزاكيـه دوركـم ويـن
لاتحسبـون أن الخطـأ مـن زمـنـا = تـرا الخطـأ منـا ياطيـب المقريـن
والله بـكـل صعـيـبـةٍ يمتـحـنـا = حتـى يعـرف الصايميـن المصليـن
وبقعـاء تراهـا كـل يـومٍ تضـنـا = تضحك لهـا ساعـه وتبكـي نهاريـن
عينـت نـاسٍ فـي عصـورٍ مضنـا = عاشوا لهم مـده وراحـوا عزيزيـن
أبيوتـهـم كـانـت هنـيـا تـبـنـا = واليوم بـس اطـلال ورسـوم باقيـن
راحـوا وحنـا مـن بعدهـم سكـنـا = والصبح نلحقهم مع الركـب عجليـن
باكـر مـن الدنيـا يقـفـي ضعـنـا = نمشـي وينـزل بعدنـا نـاس ثانيـن
اسمـع كلامـي يـازبـون المجـنـا = ثم علـم اللـي عنـه ماهـم بداريـن
ولآ قلـيـل المعـرفـه ماشـحـنـا = لامفـلـحٍ دنـيـا ولامفـلـحٍ ديــن


الشاعر/ هاجد بن جايد المقاطي العتيبي

[/poet]















رد مع اقتباس
غير مقروء 28-Jan-2004, 12:39 AM رقم المشاركة : 2
معلومات العضو
ابن مشيب
إدارة أقسام القبيلة

الصورة الرمزية ابن مشيب

إحصائية العضو






التوقيت


ابن مشيب غير متواجد حالياً

افتراضي

مشكور ياخوي نجد , وقصيدة اكثر من رائعة فهي قوية الالفاظ و تحمل كثيراً من المعاني , وياليت تزودنا انت والاخوان بقصائد الشاعر هاجد المقاطي.......


تحياتي....















رد مع اقتباس
غير مقروء 28-Jan-2004, 06:50 PM رقم المشاركة : 3
معلومات العضو
مطر العضياني
ضيف
إحصائية العضو




التوقيت



افتراضي

نجد مع التحيه
مشكور على ماقمت بنشره من قصيدة رايعه تحمل وتعبر عن الكثير
من الواقع في هذا الوقت كماء نشكر قايلها على المعنى الجزل
والشرح الواضح في ابيات هذه القصيدة















رد مع اقتباس
غير مقروء 28-Jan-2004, 10:19 PM رقم المشاركة : 4
معلومات العضو
الراااااسي
عضو نشيط
إحصائية العضو






التوقيت


الراااااسي غير متواجد حالياً

افتراضي

صح لسان الشاعر و تسلم يمينك

نجد أشكرك على مجهودك الطيب

وتقبلوا تحياتي















رد مع اقتباس
غير مقروء 28-Jan-2004, 11:25 PM رقم المشاركة : 5
معلومات العضو
((الدلبحي))

رابطة محبي الهيلا

إحصائية العضو






التوقيت


((الدلبحي)) غير متواجد حالياً

افتراضي

يعطيك العافيه يانجد وصح السان الشاعرهاجد بن جايد المقاطي العتيبي















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »06:55 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي