رباعية رائعة " حبيب " و "زيد " و "الشهيب" و "العطياني"

[سميجر]

السلام عليكم ورحمة الله وبركاته
هذي محاورة رباعية شارك فيها الشعراء :
عواض الشهيب # وصل العطياني # حبيب العازمي # زيد المطيري
وكانت المحاورة بتاريخ 2 شهر 3 في قصر زهرة الشرق بمكة

الشهيب :

ليلة فرح يا اهل الفرح وافرحوها=بالطيب يااهل الطيبات ابرحوها
حفلة مناحي ناجحة نجحوها = واللي يقدم طيب لا بد يلقاه
ابتدا الموال يا شعار = وابتدا دور الرباعية

العطياني :

مبروك يا سامي ومليون مبروك=حضرت من شأنك وتقدير لأبوك
يا مناحي اقرب دوك جاك السعد دوك = واللي يقدم طيب لا بد يلقاه
دونكم ما يعذر المعذار = جيتكم والنية النية

حبيب :

يا اهل القلوب اللي يغذيها الايمان = العفو عند المقدرة فضل واحسان
ادعوا عشان قبلان يعفو لبدهان = واللي يقدم طيب لا بد يلقاه
يا مناجي من عذاب النار = اعف عنا وادفع السية

زيد :

الله يقوم حظكم يا مناحي = وادعي لسامي بالفرج والصلاحي
ما فيه طيرٍ طار ماله جناحي = واللي يقدم طيب لا بد يلقاه
طب في سوق الخيار اختار = وانت بين الشمس والفية

الشهيب :

مشكور يا حبيب بكل المساعي=وانا ادري انك صاحي الفكر واعي
عسا الدعى مقبول من كل داعي = واللي يقدم طيب لا بد يلقاه
قلتها يا طيب الافكار = فالقنوات الفضائية

العطياني :

انبادلك تحيةٍ في تحيتك = و إدع وعطاك الله على قد نيتك
والناس ما يرجون شمسك وفيتك = واللي يقدم طيب لا بد يلقاه
اشترينا غالي الاسعار = ما حسبنا للشريطية

حبيب :

انا بلايه دمعة الشايب اللي = يبدو لي انه من زمانه مولي
ينخى ويسترحم وانا جيت كلي = واللي يقدم طيب لا بد يلقاه
قلتها واعيدها تكرار = والرسالة رقمها مية

زيد :

يا وصل جايٍ فيك ريبة وشكة = تقولها ما كننا وسط مكة
لكن صك الباب هذاك صكه = واللي يقدم طيب لا بد يلقاه
طايرة طارت بلا طيار = حمّلت بذخيرةٍ حية

الشهيب :

ماهو لحالك كل واحد يشوفه = شايب وجعل الله بحاله يروفه
يبكي وفي جنبه تباكى ضعوفه = واللي يقدم طيب لا بد يلقاه
والله اللي يعلم الأسرار = يمكن الدعوى سياسية

العطياني :

الشكّ حولك يا ملخبط فالأرقام = تبغى تقدّم بارد الحيل قدّام
دفع البلا ما كنّ في قلبك إسلام = واللي يقدم طيب لا بد يلقاه
لو ما حشمة كبار مطار = ما تركتك فالسعودية

حبيب :

اللي يا عواض دوب استوى الجو = لا عاد لا تلجو ولا عاد نلجو
نسمع علوم الناس لو كان ما جو = واللي يقدم طيب لا بد يلقاه
اذكر الله وإعرف اللي صار= للبضاعة والحرامية

زيد :

وصل يسولف بالخبر ما يهمه =والعلم ما يعرض على غير عمه
حنا لنا شيمة وقيمة وذمة = واللي يقدم طيب لا بد يلقاه
ميّز المدخال والمضهار = خل لك روحٍ رياضية

الشهيب :

الجو صافي يا مغنّ القصايد = ما تترك العادات قوم العوايد
والرجل يعرف عند وقت الشداد = واللي يقدم طيب لا بد يلقاه
أذكر الله وانت لا تحتار=صيدة القناص مشوية

العطياني :

ذمتك يا زيد العضيلة وسيعة = تسيّر اللي ما شرعته شريعة
قطع الرجا هذا يا مال القطيعة = واللي يقدم طيب لا بد يلقاه
البعير اقفا به الجزار = قسّمه بين الشقردية

حبيب :

سباحنا اللي فالبحور العميقة=يغوصها بالثانية والدقيقة
هو ما درى ان القرش قاضب طريقه = واللي يقدم طيب لا بد يلقاه
حسبي الله والبحر غدّار =والعمل مقرون بالنية

زيد :

إسمع ووصّل هرجتي للجماعة=كل يقوم ونجدته من ذراعه
ومن ضاع يعرف ويش سبّة ضياعه = واللي يقدم طيب لا بد يلقاه
استدارت والفلك دوّار=والسبب قدرة إلهية

[سميجر]

الشهيب :

سباحكم غيره من الناس سباح=والبحر تصفق به ذعاذيع الارياح
يالله تستر من قنوات الاصلاح= واللي يقدم طيب لا بد يلقاه
دوب دقـّت ساعة الإنذار=والمعارك نارها حية

العطياني :

ترى نهايتها ما اخذتوا غنيمة = قسمك مع القوم البدو طنب خيمة
طنبٍ سرقته بالغدر والظليمة= واللي يقدم طيب لا بد يلقاه
والنهاية طير شلوى طار= وإنكم لا ذي ولا ذية

حبيب :

متى شعوب الهند زادت على الصين= حاضر ومستقبل وماضي وذلحين
بمبي هي بمبي بكين بكين= واللي يقدم طيب لا بد يلقاه
أحسب الدلة عليها بهار = اثرها دلة عزوبية

زيد :

تبا تحرّف حاجةٍ ما تحرّف= رقدت عنها لين كلٍ تصرّف
ماني حرامي يا وصل يا مشرّف= واللي يقدم طيب لا بد يلقاه
إحكر الدلة يا ابو عمار= وانتبه للطبخة النية

الشهيب :

مافيه زايد والقضية بسيطة=ما انته لوحدك عايشٍ فالبسيطة
السرّ ما بين الوسيط ووسيطه = واللي يقدم طيب لا بد يلقاه
العرب جابوا ثلاث مهار=وانت بين الشمس والفية

العطياني :

أقول ما حنا بضعفة فلسطين = حتى تسوّي كنق يا اسحاق رابين
حنا سلاطينٍ سلايل سلاطين= واللي يقدم طيب لا بد يلقاه
رحت بالموتر يمين يسار= رخصتك ماهي عمومية

حبيب :

إن كان عندك يا ثبيتي تليفون=لازم يصير الشعر فالارض مدفون
هذا السنة جايٍ للأسلاك مجنون= واللي يركب سلك يصبح ما يلقاه !!
يقطع الأسلاك بالمنشار= ثم قال اعطال فنية

زيد :

ياللي قسمت العلم عدة تقاسيم = الناس ماهي جاهلة فالمفاهيم
ومن طاح قالوا فزعته فزعة الضيم= واللي يقدم طيب لا بد يلقاه
باب مكة ياسع الزوار = والقضا باحكام شرعية

الشهيب :

السالفة ماهي سلوك وهواتف=السالفة فالعلم كله مخالف
راحوبها قوم الوتر والمعازف= واللي يقدم طيب لا بد يلقاه
بدلة الجندي بدون زرار=لو لبس غترة وطاقية

العطياني :

اخذتها يا زيد بالغدر والبوق=والاّ عتيبة حظّهم معتلي فوق
نعمين يا برقا ونعمين يا روق= واللي يقدم طيب لا بد يلقاه
مستحيل تزيّف الأخبار= والخلل فيكم ماهو فيـّه

حبيب :

النا على بعض الرياجيل مشروه=اللي على إسمٍ يرفع الرأس سمّوه
والا الردي ما سرّ لا امه ولا ابوه= واللي يقدم طيب لا بد يلقاه
عوّدت ما بين جار وجار=كنها حربٍ نووية

زيد :

يا وصل غنّ وحكّ راحة براحة=وكمل علوم الغبن فالاستراحة
هدّيت لك طيرٍ كسيرٍ جناحه= واللي يقدم طيب لا بد يلقاه
بندقٍ ثارت بدون عيار=والعرب فيهم شهامية

الشهيب :

يالعازمي يا كثر عد المشاريه=حتى البناخي يشتكي من بناخيه
والطيّب اللي ما تغيّر مباديه= واللي يقدم طيب لا بد يلقاه
ما يهدّ البني غير الفار=من على وقت الهلالية

العطياني :

لو انها بالفعل ما جيت حيدي = اخذتها يا زيد تلٍ بالايدي
مير البلا لحّق رصيدك رصيدي= واللي يقدم طيب لا بد يلقاه
انت مثل الثعلب المكار= كل يوم تجيب دربيـّة

حبيب :

الصبر طيّب والليالي طويلة=والأمر لأصحاب النظر والفضيلة
والكحل يطلع فالعيون الكحيلة= واللي يقدم طيب لا بد يلقاه
كان علمك ما عليه غبار=وش تبى بالدبلوماسية

زيد :

يوم انها بالفعل والرمح والسيف=حنا هل الردات نحمى المواقيف
واليوم تبغاها ما جت لك على الكيف= واللي يقدم طيب لا بد يلقاه
نصكم يمكن يزور شهار=والخلل حاجة طبيعية

وسلامتكم

[سعد الحارثي]

مشكور وبيض الله وجهك على طرح المحاورة 0

وهذي المحاورة كاملة فيديو :

الجزء الأول

الجزء الثاني

[@المقاطي@]

تسلم والله ياسعد


مبدع كعاااااادتك



تحياتي لك

[الجـذع]

لاهنت ياسميجر

..

وبيّض الله وجه الحارثي

..

يوم جابها فيديو

[مدسم الشوارب]

لاهنت ياسميجر
لاهنت يا لحارثي

تحياتي

[وصل العطياني؟؟؟]

مشكور اخوي سميجر ..

ومشكور أخوي سعد ...

ولكم كامل تقديري واحترامي ..



تحيااااااااااااتي

التوقيع

na111na@hotmail.com

[ابن نميان]

بيض الله وجهك ياسميجر



وبيض الله وجهه سعد


بارك الله في الجميع


محاورة, من, أروع ,مايكون


جمعت أفضل شعراء المحاوره


دمت يود

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[مرزوق حمدان العتيبي]

..
ابو مشهور ابن بار لهذا المنتدى ...
اعطاه من وقته الشي الكثير ...
...

لاهنت سميجر ...
ولاهان المبدع سعد ...
ومحاوره رائعه بكل المقاييس
ابدع فيها ابو مشهور ممثل منتديات عتيبه الهيلا
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خلف بن مرزوق]

...
..

لو انها بالفعـل مـا جيـت حيـدي
اخذتـهـا يــا زيــد تــلٍ بـالايــدي
مير البلا لحّق رصيدك رصيدي
واللـي يقـدم طيـب لا بــد يلـقـاه
انـــت مـثــل الثـعـلـب الـمـكــار
كــــل يـــــوم تـجــيــب دربــيّـــة


بيض الله وجهك ياسميجر وبيض الله وجه سعد الحارثي

سبقتني على نشرها

صح لسان شعارنا وعزالله بدع ابومشهور مثله دائما

وظني مايتعودها زيد

مودتي
.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn