وسمها من بني روق

[$$العريدي$$]

حناش قلبي من عناء البعد محروق= معاد له في باقي الايام طوقه
تشربكت دنياه من عوق في عوق =تجبعت من قاع طايل سبوقه
قامت تقلبه على كل طاروق= وعيا الدهر ياخوك يوفي حقوقه
كني سجينن يرتجي واحد فوق= صكو عليه وزاد جوفه حروقه
وهو عليه الحكم صادر وموثوق =قام يتحرا والليلي لحوقه
عيو هل المقتول عيو عن السوق= وان فتحت البيبان نشة عروقه
كم شيل جنبه تالي الليل مدروق =ماخوذ للتنفيذ عسكر تسوقه
والا كسير رايح الساق دقدوق =ماله امل في حطة الجبس فوقه
والنوم عن عينه الي اطراه مسروق= ورجله عن الممشى خطيرن تعوقه
عزي لقلبي محتسب لذة الشوق =والبعد حائل بين قلبي وشوقه
شوقي وريف القلب في شوف مخلوق =ورع بدويين شق قلبي بموقه
ورع بدويين في ا لخلاء يتبع النوق =يم الرماحيه يخايل بروقه
ماحطت المكياج واستلمة السوق =شوقي لشوفات الخرايم شفوقه
تصالي الشموس وكنها لون غرنوق =ولازين يذكر غير هيه تفوقه
ورع بدويين جب في القلب معلوق =وألحق على باقي الضمائر ألحوقه
سكر على قلبي وفكر بصندوق =ولاعاد لي في باقي الازوال توقه
ماعاد قلبي يرجهن منه ماذوق= لين اتوجهله معقب خنوقه
ورع بدويين كامل الفن والذوق= ومن الخلاء مكتال فنه وذوقه
يتلي نياقن وسمها من بني روق= وسم العطاوي فوقهن تشوقه
تكفون ياربعي من الحال ملحوق =كثرة على قلب الثبيتي فدوق
كثرة فدوقه من عناء البعد مطفوق= يالله تلمه يالولي بمعشوقه

[ابو ضيف الله]

العريدي صح لسانك مليون اشهد انها قصيدة رائعة بمعنى الكلمة

كني سجينن يرتجي واحد فوق =صكو عليه وزاد جوفه حروقه
وهو عليه الحكم صادر وموثوق= قام يتحرا والليلي لحوقه
عيو هل المقتول عيو عن السوق =وان فتحت البيبان نشة عروقه
كم شيل جنبه تالي الليل مدروق =ماخوذ للتنفيذ عسكر تسوقه

(وان فتحت البيبان نشت عروقه) تصوير من ابدع التصاوير
والله ذكرتني بقصة رجال كان ينتظر الاعدام ويسولف على ربعه
بمثل ما ذكرت والظاهر انك تعرفه يا العريدي

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[محمد العتيبي]

صح لساااانك يالعريدي صح لساانك

قصيده رائعه ومؤثره جدا ..


تحيتي واعجابي
...

التوقيع

للتواصل عبر twitter تويتر al_bargawy@

[ابو محمد الدعجاني]

صح لساااانك يالعريدي صح لساانك

قصيده رائعه ومؤثره جدا ..



...

[فواز الوذيناني]

صح لساانك وتقبل المرور

[$$العريدي$$]

قائل هذه القصيده ابن مسيب من العرده من ثبيت محصن وثبيت ابنا ء ثابت ابن سعد ابن هوازن جميعهم من من هم في الحجاز وفي نجد وهم الشجره التي نشأة منها برقا وروق ومنها حليمه السعديه شجره مباركه سميت بعتيبه ثناء من رسول الهدي كما انها احتضنته بعد رفضه للمرضعات نشا منها كثير من المشائخ والفرسان منها مالك ابن نصير وابن احميد وابن ربيعان وابن هليل والبراق صاحب المارج واصبحنا نسمع في الاونه الاخيره من كثير من الناس ثبيت برقا وثبيت الروقه ثما زاد المزاد بانقسام ثبيت الحجاز الي لصه وصرار وهذه امور لانعرف رموزها انما الجمع ابناء ثابت ابن سعد ونشاتهم الاولي من ديار بني سعد السحن وهناك راويه كبير لهذه القبيله الام وهو الراويه محمد سعيد واعود واقول ان قائلها من سكان محافضة عفيف وله الكثير من الابداع في الوصف
ونحنو مازلنا نختلس منه في الخفاء بعض مقولاته التي يرفض نشرها

آخر تعديل $$العريدي$$ يوم 19-Jun-2009 في 09:40 AM.

[برنس 666]

صح لسانك الله يعطيك العافيه

دمت بوند


تقبل مروري