حدد شخصيتك

[ابو حسام الغنامي]

يالله ياللي كل حي ترجاه=ياواحد( ن ) معبود مذري الهباهيب
ياموزع(ن)خلقه مطيعين وعصاه=تشفع لنا يارب يوم الملاهيب
هذا الزمان الشين من عاد يبغاه=فكرت في الدنيا وجتني التحاسيب
يعيش فيها الرجل ويروح مثواه=والناس فيها ساليه بالتلاعيب
واحد تغدابه والاخر تعشاه= ولا بد للمخلوق ياخذ تجاريب
قسمت ان اصحابي حسب ما لقيناه=عرفت صاحيهم وعرفت المعاطيب
ومن قدم الدعوه يبرهن لدعواه=واصحابنا صنفتهم بالتراتيب
رجال مايسوى ولو كان محلاه=ورجال حطه فوق الاجراح وتطيب
بعض العرب يخدمك من دون تنخاه = وبعض العرب يندس وقت المواجيب
وبعض العرب يازين زوله وحلياه=وليا فتشته بانت لك العذاريب
وبعض العرب وقتك يحدك وتنصاه=ويقوم في لازمك اسرع من الذيب
وبعض العرب تنصاه وياشين مضواه=من كثر ما يهرج نسيت المطاليب
وبعض العرب سالم ولا تعجب خطاه=وبعض العرب تمشي ولو هي مصاويب
وبعض العرب ودك علي الخشم تاطاه=ولا ظنتي تكفيه فرس العراقيب
وبعض العرب لو مات ماظن تنساه=ينفعك فعله لومن ارجال اجانيب
وبعضالعرب حي(ن) ويفشلك طرياه=ما ودك بطاريه لومن الاقاريب
هذا حسب عرفي وترى العذر يقفاه=مما جرالي في دروب الاصاحيب
وختامها صلوا على خير مرضاه = شفيعنا المحبوب سيد المناديب

الشاعر/ ابو حسام الغنامي

[زياد المزرمي]

الله الله

صح اللسانك يابو حسام

ابيات في قمة الروعه

متابعين

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[سلمان المرشدي]

صح لساااااااانك يالغانمي كتبت فابدعت طال عمرك

[محمد الذيابـــي]

,,


صح لسااااااااااانكــ يابو حسام.


قصيدة رائعه بكل ماتعنيه الكلمه

كل الشكر لك.

,,,,,

التوقيع

التوقيع محمد الذيابـــي

[سيف نت]

صح لسااااااااااااااااااااانك

[ابو حسام الغنامي]

صحة ابدان الجميع

[عايض جزاء العصيمي]

صح لسانك يابو حسام

[محمد@الجعيد]

صح لسانك جزله من جزل

[ابو حسام الغنامي]

الاخوان/

عايض جزا العصيمي

محمد الجعيد. صحة ابدان الجميع ومعذرة على التاخير