قصيده اجتماعية

[ابو حسام الغنامي]

* * * * * * * * * * * قصيدة اجتماعيه*
اول القاف يالله طالبك ياعظيم وياكريم
استر الحال واحفظنا بحفظك من ابليس الرجيم
وطالبك جنة الفردوس يالله وجنات النعيم
* * * * * * * * * * * * عاشت القدس وسرائيل من هاويه في هاويه
ثم نذكر رسول الله صلى عليه الله وسلم
صفوة الناس جاه الوحي ثم قام بالصدق وتكلم
كيف ننسى رسول الله وهو للبشر اكبر معلم
* * * * * * * * * * *عاشت القدس وسرائيل من هاويه في هاويه
آه من وقتنا اللي راح كله عجايب في عجايب
كل من عاش في ذا الوقت شاف الهوايل والغرايب
العداوات كثرت والمشاكل تجيك من القرايب
* * * * * * * * * عاشت القدس وسرائيل من هاويه في هاويه
الريال انخفض سعره وسعر المعيشه في زياده
وان شكينا على المسؤول والله مانلقى فياده
كيف بنعيش وسط المملكه ياعربنا في سعاده
* * * * * * * * *عاشت القدس وسرائيل من هاويه في هاويه
دامت التاجر يقول التجاره من انواع الشطاره
زود السعر ماهو خايف من الموظف في التجاره
والمواطن معاريضه تجي من وزاره في وزاره
* * * * * * * * *عاشت القدس وسرائيل من هاويه في هاويه
والشباب انحرف ماهو محصل عمل ولا وظيفه
راحوا لساحة التفحيط وبيع المخدر بالنصيفه
زاحمونا الأجانب في الوظايف وهذي اكبر كسيفه
* * * * * * * * *عاشت القدس وسرائيل من هاويه في هاويه
واتجه بعضهم ياناس يسعى لتشجيع النوادي
واحد يشجع الأهلي والآخر يقول أنا إتحادي
المراجل بوادي والشباب اتجه عنها بوادي
* * * * * * * * * * * عاشت القدس وسرائيل من هاويه في هاويه
والبدو راحت اسعار الغنم عندهم والله فضيحه
الطلي عندهم والتيس غالي عسى الله لا يبيحه
واكثر الناس مايقدر يضوي لضيفه لو ذبيحه
* * * * * * * * * * * عاشت القدس وسرائيل من هاويه في هاويه
وإن ذكرنا الاراضي صارت اسعارها جنان وخيالي
ماتجيب المتر بعض المناطق ملايين الريالي
كيف نشري ونبني وكيف نسكن بها ياويل حالي
* * * * * * * * * * عاشت القدس وسرائيل من هاويه في هاويه
والمهر مرتفع والبنت في ابوها بنت عانس
صار ابوها يبيع ويشتري في الولد والراس يابس
وده بجمس مع مشلح يوصل عياله للمدارس
* * * * * * * * * * * عاشت القدس وسرائيل من هاويه في هاويه
ثم تجيك امها وتقول لازم تسكنها بجنبي
وراتب البنت ماتأخذ منه لو ريال ولا تخبي
هذا ذنبك قبلت اشروطنا ياولد ماهو بذنبي
* * * * * * * * * * *عاشت القدس وسرائيل من هاويه في هاويه
وكمل الناقصه ساهر يجي كل يوم النا بقسيمه
قام يندس في الصبات ويقول نيتنا سليمه
يعلم الله ظليمه مابعدها يمين الله ظليمه
* * * * * * * * * * * عاشت القدس وسرائيل من هاويه في هاويه
روح الراتب المحسوب مابين ساهر والقسايم
والتقاسيط في بنوك الربا بالخساير والهزايم
وآخر الشهر ماتلقى بجيب الموظف من غنايم
* * * * * * * * * * * عاشت القدس وسرائيل من هاويه في هاويه
ويش اعدد لكم ياكثر مافي الزمن هم وبلاوي
والشكاوي كثيره والله اللي يحل النا الشكاوي
والدعاوي مثلها تتعب اللي يدور للدعاوي
* * * * * * * * * * * عاشت القدس وسرائيل من هاويه في هاويه
وعذروني عن التقصير ياللي تسمعتوا قصيدي
اختصرنا مشاكل وقتنا والتشكي مايفيدي
والصبر زين ياهل العقل والفكر والرأي السديدي
* * * * * * * * * * *عاشت القدس وسرائيل من هاويه في هاويه
* * * * * * * * * *@@@@@@@@@@@@@@@
* * * * * * * * * * @@@@@@@@@@@@@@@
* * * * * الشاعر /
* * * * * * * * * * * عبدالرحمن محمد الثبيتي

[بيرق خثعم]

صح لسان الشاعر

ياليت ادري على اي بحر القصيدة

[ابو حسام الغنامي]

صح بدنك وشكرا على المشاركه
اما بحر القصيده فهي من نوع المجالسي

[ابن ركيبين]

من اروع ماقرات هذا اليوم

[ابو حسام الغنامي]

شكرا على المرور ولك جزيل التقدير