قصيدة سعد بن عماش بن خرصان الحافي- في الأمير فيصل الفرحان

[ابن خرصان]

ســـلام يــــا حــر مخـالـيـبـه تـصـيد= و أبـطــال نجـد لخـدمته تـتبع رضاه
سـعـد مـقـر الجـود مثـل ابـن الـولــيد= قـايـد رجـال الحـــق يـوم الله عــطاه
يـا مـرحـبا يـا راعـي الـرأي الـسـديد= الـجـيـش كــلــه يـفـتخــر به يوم جاه
حــزة قدومه للحرس في العـمر عـيد= يـوم الـحـرس حـقـقـت له غـاية مناه
عـلـى المدينـة طـالـع الـبـدر الـجــديد= الـلــي سـعـى بـالـمجـد لين إنـه بـناه
سـيـد الأسـود يلـيـن له قـاسي الحـديد= ابن الـمـلـيـك اللي حكم نجـد وحـماه
لـيا جاء نهار الضـيق والطيّب يــزيد= نـعم باهل العوجاء مطوِّعة العِــصاه
نعم باهل العوجاء اهل البأس الـشـديد= عـز الـمطـيع وعـلة العـاصي عـماه
نعم باهل العوجاء اهل الفعـل الحـميد= دسـتورهم شرع النبي عـاشوا عـلاه
و صـلاة ربـي عـد مـا هـز الجـــريد=عـلى النبي الهـاشـمي بأفضل صلاه

• أثناء زيارة أحد مسئولي الحرس الوطني في السبعينات الهجريه الامير ( سعد الفرحان) للفوج السادس عـشـربالمدينة المنورة اللذي كان الشاعر سعد ابن خرصان احد منسوبيه 0
قالها/ سعد بن عماش بن خرصان الحافي

[مشل]

صح اللسانك وبيض الله وجهك

[ابن خرصان]

صح بدنك

ويعطيك العافية يارب

[ابوبندرالشيباني]

اخوي ابن خرصان
صح لسانك ولسان الشاعر سعد الحافي
قصيده رائعه
مع تحيات اخوك ابوبندر

[ابن خرصان]

صح بدنك ياأبو بندر