طلت حبيبي كنها طلت سهيل \\ جديد

[رائد العصيمي]

السلام عليكم
صباحكم خير :zz23:
قصيدة جديدة ليّ يارب تحوز على رضاكم
يقول

طلت حبيبي كنها طلت سهيل=يبطي لكن شوفه يجيب البرادي
يمطر على نيران قلبي مخاييل=وأما الجفا يصبح هشيم ورمادي
ويحيل شوقه والمحبة كما السيل=يسيل في قلبي كما سيل وادي
ينبت بها زرع الهوى والمواصيل=وثمر السعادة من مطرها حصادي
هذا ترى وصف(ن) بسيط وتحليل=بس أعذروني لو يقل إجتهادي
هذا أمير الحب يحتاج تدليل=واليا بغى يأمر بليا عنادي
لالا تلومون العقل يارياجيل=مابه مثليه بنظري وإعتقادي
في ذمتي أنه وحيد(ن) بذا الجيل=الكل عادي بس هو غير عادي
يازين شوفه فأول وتالي الليل=والجو هادي والهوى صار هادي
أنا أحبه حيل بل أعشقه حيل=لأنه على زين الغنادير سادي
قولوا له أنه في عيوني كما سهيل=لكن طلبته لا يطول البعادي

وسلامتكم

تقييمكم لها إذا كانت تستحق

رائد

[علي الثبيتي]

صح لسااااااااااااااااانك والتقييم منتاز

التوقيع

ماني بلا روقي ولا برقاوي = انا ثبيتي جد روق وبرقا

[عثمان الثبيتي]

الله يكثر امثالك يارايد انت شاعر رائع واكثر من رائع
اغلبيت الشعراء على الساحه ما جبو مثل قصيدتك
الا ان كل قصيده لابد يوجد عليها ملاحظات مهما
كان شاعرها فهذه القصيده انتاج شاعر بما تعنيه كلمة شاعر
صح السانك

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 27-Feb-2012 في 07:39 PM.

[محمد الذيابـــي]

..


صح لسااانكـ , يامبدع.



.....

التوقيع

التوقيع محمد الذيابـــي

[عايض جزاء العصيمي]

صح لسانك يا رائد

مافيه شك انها اعجبتنا القصيده


تقبل مروري

[فهيد مقعد الرويس]

صح لسانك

تقبل اطيب تحيه

[فيصل مطر]

صـــــح لســانـكـ

ماقصرت يارايد

ابيات جميله ولايقل مستواها عن ماقبلها, من ماوجدت لك قبل كذا على ماعتقد

شكرا تقبل

مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)