الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > ديار قبيلة عتيبة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

موضوع مغلق
أدوات الموضوع انواع عرض الموضوع
غير مقروء 01-Mar-2007, 08:50 PM رقم المشاركة : 41
معلومات العضو
بدراني دوسري
عضو فعال
إحصائية العضو





التوقيت


بدراني دوسري غير متواجد حالياً

افتراضي

الاخ خالد

العتبان هم اللي ادخلوا الدواسر مع القحاطين في مناخ دلعة ويقولون برواية الخضيري ابن عبيد راعي القصيم اللي يروي من العتبان انفسهم حيثه نازل معهم

الدواسر انفسهم ما يعرفون ويش هي دلعة؟؟؟!!!!!!

اقول يجوز ان فيه بعض الدواسر مع قحطان في المناطق اللي حول معركة دلعة
حيث قحطان هي اللي تسود وسط نجد ذاك الحين

لكن الهزيمة تعتبر عار !!!! على كل حال

...............................................

ثم تذكر اخوي القحطاني عشرين معركة هزمتوا فيها الدواسر
فمن باب الفائدة ، اطلبك تذكرها لي وبالمصادر لان هذا تاريخ ولا نجحد ان قحطان هزمونا في معارك وحنا هزمناهم في معارك غيرها والعرب غالب ومغلوب!!!

ثم حنا ما نذم قحطان والف نعم بكم
بالعكس انا قلت وارجع اقر ردي:

((والسببب :
بعد بلاد عتيبة عن بلاد الدواسر
الظروف السياسية حيث ان قحطان من القبائل الموالية لابن رشيد بينما الدواسر مع ابن سعود وكذلك عتيبة وهذا مما اثر في قوة قحطان)))

.................................................. ..............................

وتقبل اطيب تحياتي يا صبي قحطان

اخوك

البدراني الدوسري















غير مقروء 01-Mar-2007, 11:15 PM رقم المشاركة : 42
معلومات العضو
خالد القحطاني1
موقوف لمخالفة الأنظمة
إحصائية العضو





التوقيت


خالد القحطاني1 غير متواجد حالياً

افتراضي

يعني مصمم على كلمة عار

خلاص خلني اذكر عوراتكم يالدواسر ..!!

مثل ما طلبت

.................................................. ...........


وبعدها بسطر تقول العرب غالب ومغلوب وما فيها شي ؟؟؟
انا ما توقعت منك انك ترد عشان تناقشني لا ولله
توقعت انك تقتنع بكلامي وتسحب كلامك اللي ما يجوز

ونعود الى موضوعنا تفضل اخي مدام انك مصمم على كلمة عار
مع كل الاسف خليتنا افضح عوراتكم (أخاطبك على حسب مفهوميتك)

980 هجري

في هذه السنة تناوخوا الدواسر وال مغيرة على الحرمليه ومع ال مغيرة ال كثير وسبيع والسهول ومع الدواسر ال مسعود من قحطان واقاموا في مناخهم اكثر من عشرين يوما يغادون القتال ويراوحونه طرادا على الخيل ثم انهم اقتتلو قتالا شديدا وصارت الدائرة على الدواسر.
وهنا اول ذكر جاء للجحادر في نجد مما يشير الى ان اول من نزل نجد حسب ما اشارت اليه المصادر.


سنة 1023 هجري

وفي هذه السنة تناوخوا الدواسر وقحطان على الرين واقاموا في مناخهم نحو عشر ايام ومشوا على بعضهم وصارت الدائرة على الدواسر وتركوا اغنامهم وما ثقل من بيوتهم وامتعتهم فغنمها قحطان وقتل من الدواسر مرسال بن بدن وحويل بن ربيع ومن قحطان شافي بن ثواب ومرزوق بن حموان.

سنة 1024 هجري

تناوخوا قحطان والدواسر على الرويضة وحشدت قبائل قحطان والدواسر واقاموا في مناخهم نحو خمسة عشر يوما يغادون القتال ويراوحونه طرادا على الخيل وصارت على الدواسر هزيمة خفيفه وتركوا بعض اغنامهم وما ثقل من بيوتهم فغنمها قحطان وقتل من الفريقين عدة رجال ومن اشهر ما قتل من الدواسر سعيد بن وهق شيخ المساعرة وخالد بن وقيان شيخ ال ابا الحسن وسلطان بن سالم ومن قحطان عبدالله بن وشنان شيخ الفهر وفهاد بن معيضة.

1050 هجري

وفي هذه السنة تناوخوا الدواسر هم وقحطان على البخرا واقاموا في مناخهم عدة ايام يغادون القتال وصارت الهزيمة على الدواسر وتركوا اغناما كثيرة ومن مشاهير قتلا الدواسر قحيصان بن زايد المخاريم ومفرج بن هجاج وشمروخ بن نادر ومن قحطان فالح بن ذياب ال مسعود


1060 هجري

وفي هذه السنة تناوخوا قحطان هم والدواسر على الحرملية الماء المعروف بالقرب من القويعيه واقاموا في مناخهم نحو عشرين يوما يقع الطراد بينهم على ظهور الخيل وصارت الدائرة على الدواسر وغنم منهم قحطان غنائم كثيرة ومن قتلا الدواسر فيحان بن بجاد شيخ جماله وفهيد بن علوش وهجاج بن سالم.

1064 هجري

وفيها صادف قحطان غزوا للدواسر على مغيرا تبعد نحو ثلاثين كيلو شمال الحرمليه فاخذوهم وقتلوهم عن اخرهم وهم نحو خسمة وثلاثون رجلا عقيدهم مناحي بن صلال من الشكره

1068 هجري

وفي هذه السنة تناوخوا الدواسر هم وقحطان في الخرج ومع قحطان سبيع والسهول ومع الدواسر ال كثير واقاموا في مناخهم قرابة شهر يغادون القتال على ظهور الخيل ومشى بعضهم على بعض وصارت الدائرة على الدواسر وغنمت قحطان ومن معهم ةغنائم كثيرة ومن قتلا الدواسر طلب بن حواش وضيدان بن مسفر ومن ال كثير مزيد بن هلال وملحان بن سند

1089 هجري

تناوخوا قحطان والدواسر على الحرمليه وصارت الهزيمه على الدواسر وتركوا غنائم كثيرة وكانت قحطان ومن قتلا الدواسر طاحوس بن معجب وخلف بن كريديس ومن قحطان وازع بن سفر.

1090 هجري

وفيها صادفوا قحطان غزوا للدواسر فاخذوهم وقتلو منهم نحو عشرين رجلا وذلك بالقرب من الخرج.















غير مقروء 01-Mar-2007, 11:19 PM رقم المشاركة : 43
معلومات العضو
ابن مشيب
إدارة أقسام القبيلة

الصورة الرمزية ابن مشيب

إحصائية العضو






التوقيت


ابن مشيب غير متواجد حالياً

افتراضي

عزيزي بدراني لاشكر على واجب , واهلاً بك اخ ومشارك في منتدى الهيلا

نرجع لبعض النقاط التي ذكرتها في ردودك السابقة , رغم تداخلها وعدم ترتيبك لها بالشكل المطلوب , وكذلك وقوعك في أخطاء سوف اعرج على مايخدم موضوعنا , واما مالا يعنيني ولا يعني موضوعنا , فلا حاجة لي بها , لانها لاتخدم الموضوع.

ومما جاء في ردك رقم ( 34 ) , قولك:

اقتباس:
المشاركة الأصلية كتبت بواسطة بدراني دوسري مشاهدة المشاركة
ذكرت ان قبيلة قحطان نزلت الى نجد في 1200 هـ

والذي اعلمه من واقع مخطوط تحفة المشتاق انهم في نجد من سنة 881 هـ حيث ذكر ان قحطان قتلت عامر بن سهاج شيخ المساعرة
انا لا اقصد ذكر اسماء وعشائر من قحطان كانت لها مشاركات في نجد , انا اقصد نزول قحطان كاقبيلة لها ثقلها ووزنها في نجد , تحت قيادة الشيخ هادي بن قرملة , وكانت هذه القوة والثقل , في بداية القرن الثالث عشر , اي في بداية 1200هـ , وقد ذكر ذلك ابن بليهد في كتابة صحيح الاخبار , عندما تطرق لازاحة قحطان لمطير من بعض اراضيها بنجد.

اقتباس:
المشاركة الأصلية كتبت بواسطة بدراني دوسري مشاهدة المشاركة
ومع هذا بقي الهضب يعرف بهضب ال زايد والمكان لا ينسب للقبيلة الا اذا كانت القبيلة متمكنة منه من مئات السنين فعرفت به ونسبت له مثل جبل شمر وحوطة بني تميم
ليست دليل ولاحجة , فهذه عقلة الصقور , سميت بإسم الصقور من عنزة عندما كانوا بها , واستولت عليها قبيلة حرب , وبقيت على مسماها عقلة الصقور , وهي من بلاد قبيلة حرب.

اقتباس:
المشاركة الأصلية كتبت بواسطة بدراني دوسري مشاهدة المشاركة
وما اطلعنا ان قحطان اخذوا الهضب او احتلوه
فياليت اخي الكريم تاتي لنا بمصدر !!!!!
قلنا لك ياعزيزي , بعد نزول قبيلة الشيابين من عتيبة كان توسعها جنوباً بتجاه الهضب , وكانت الحروب بينهم وبين قبيلة قحطان على تلك المنطقة , ولم يذكر لقبيلة الدواسر اي ذكر في هذه الحروب لادفاعية ولاهجومية , واستدللنا على ذلك , بابيات الشيخ هذال بن فهيد الشيباني , مثل قوله:

ياراكب من عندنا ثنتين=يم الجنوب مناحيٍ تلقاه
يحرم عليه الحزم الضيرين=والهضب مايشرب برايد ماه

وقد ذُكرت في اكثر من مرجع وكتاب , ومنها معجم الجزيرة العربية لابن خميس , وعلية نجد لابن جنيدل , وحداء الخيل للعريفي , وغيرها.

وكذلك قول الشيخ هذال:

نرعى الحمل بمذلق العيدان=ديرة عشق وهديف بن عبود
والشيخ ينزل منزله عجلان=وشيخ الفهر عن ديرة مطرود

وذُكرت في اكثر من مرجع , سواء بيت منها , او كامله , عند ابن جنيدل وغيره.

فهذه المقارضات والتحديات من الشيخ هذال , في هذه المناطق كانت لشيوخ قحطان , فلماذا لم يأتي ذكر لاحد من الدواسر؟؟؟؟

اقتباس:
المشاركة الأصلية كتبت بواسطة بدراني دوسري مشاهدة المشاركة
ذكرت ان الدواسر انزاحوا للجنوب والشرق ؟؟؟!!!!
الازاحة للجنوب وين يعني ؟؟؟
جنوب منطقة الهضب

__________________________________________________

اما في ردك رقم ( 36 ) , قلت:

اقتباس:
المشاركة الأصلية كتبت بواسطة بدراني دوسري مشاهدة المشاركة
ذكرت اخي الكريم

ان الدواسر تحالفت مع قحطان في مناخ دلعة وان هذا لايقاف زحف عتيبة !!!

كم عدد الدواسر في هذا المناخ ؟؟؟ ما مصلحة الدواسر ان يشتركوا كلهم او اكثرهم والبلاد التي اخذت من قحطان لا تعني الدواسر
لم يُذكر في اي مناخ او معركة عدد المقاتلين , ولكن في هذه المعركة كما ذكر :

1- ابن خميس في كتابه معجم جبال الجزيرة , الجزاء الثالث , صفحة 163

2- المعجم الجغرافي للبلاد السعودية , عالية نجد , القسم الثاني , من حرف ( خ - ظ ) , تأليف سعد بن عبدالله بن جنيدل , ص 708


ذكروا ان اغلبية القتلى في هذا المناخ هم من قبيلة الدواسر , وهل هم اكثر من قحطان او اقل , بكل صراحة لا ادري , ولكن هذا دليل على ان قبيلة الدواسر شاركوا بثقل في هذه المعركة.

قلت كذلك:
اقتباس:
المشاركة الأصلية كتبت بواسطة بدراني دوسري مشاهدة المشاركة
صبحا - السرداح - الرشا - الدخول كلها وغيرها في محافظة القويعية والدوادمي ليست من بلاد الدواسر
بخصوص الدخول هي في منطقة الهضب , وبعيده عن صبحا والسرداح والرشاء , وقد نلتمس لك العذر , لانك من اهل سدير والمحمل , ولاتعرف عن اماكن هذه المناطق , البعيدة جداً عن بلادك.

ومن الخطأ ان تقول بلاد الدواسر , ولكن قل هضب ال زايد , لان البلاد ماوقع في اليد لهذه القبيلة , ام التسمية , فكما اشرت التسمية لهذه القبيلة او لهذا الشخص , ولكنها ليست دليل على انها ملك له , كما دللنا بعقلة الصقور وقبيلة حرب.



اقتباس:
المشاركة الأصلية كتبت بواسطة بدراني دوسري مشاهدة المشاركة
ذكرت ان الدواسر ليبس لهم اي احتكاك مع عتيبة بعد دلعة !
الحرب بين قحطان وبين عتيبة فما علاقة الدواسر بذلك حتى تقحمهم في الامر؟؟؟
في مناخ دلعة كانت قحطان والدواسر في خندق واحد ضد عتيبة , واشرنا للمصادر سالفة الذكر.


اقتباس:
المشاركة الأصلية كتبت بواسطة بدراني دوسري مشاهدة المشاركة
بل العكس الحرب بين الشيابين والمخاريم لم تحصل سوى في الزمن القريب عندما اصبحت عتيبة قريبة من بلاد الدواسر بعد ان ازاحت قحطان عن الاجزاء الشمالية من الرقاش
اقتباس:
المشاركة الأصلية كتبت بواسطة بدراني دوسري مشاهدة المشاركة
نعم العرب غالب ومغلوب لكن الدواسر ما يتركون ثارهم ابدا ولهذا عندما اراد الشيابين الاستيلاء على الظيرين كانت المعركة التي اصيب فيها ابن جهز ثم تدخل الحكومة بطمر الابار
فكان لزام على الدواسر الدفاع عنها وهي كما ذكرت سابقا من الرقاش والضيرين وجنوب
نعم ياعزيزي هذه هي الحقيقة , ان الدواسر لم تحصل بينهم وبين الشيابين اي مشكلة او تنافس على هذه البلاد غير في هذا العهد , ولكن ليس ثأر كما ادعيت , فهذه دلعة لم يأخذو بثأرها , وهذه بلادهم التي يتحدى فيها هذال قبل الحكم السعودي الاخير قحطان , لم يتجرؤ على قتال قحطان فيها قبل الشيابين , او قتال الشيابين فيها بعد قحطان.

ولكن لان الدواسر كان اعتمادهم على قوة الواسطة والاحتماء بإسم الدولة , لان من كان يدعمهم هو خالد السديري ومحمد اخيه , وهم اخوال ابناء الملك عبدالعزيز الملوك والامراء ( فهد رحمه الله , سلطان , عبد الرحمن , نايف , سلمان ( حفظهم الله ) ).

وحتى بعد حدوث هذه الحادثة , والفشل الذريع بالإستيلا وإنتزاع هذه الابآر من يد الشيابين , بداء السديري يحرض ابناء اخته على ان يعطوا هذه الابآر قبيلة الدواسر , وبعد الحاح منه , ارادو ابناء اخته , الإصلاح بين الطرفين , فإستدعوا الشيخ سلطان بن جهجاه بن حميد رحمه الله , وحضر لمجلس الامير سلمان , فحصل نقاش بين الطرفين , واحتدم هذا النقاش , حتى ان قال الشيخ سلطان للسديري جملة قللت من مكانة السديري , وقد اغضبت الامراء , فأمروا بعد هذه الجلسة , ان تبيض وتهدم هذه الابآر , ولا تعطى لاي طرف من الطرفين.

______________________________


واما في ردك رقم( 37 ) , تقول:
اقتباس:
المشاركة الأصلية كتبت بواسطة بدراني دوسري مشاهدة المشاركة
فلو صدقنا الاشعار والشعراء يتبعهم الغاوون
واعتقد هذا هو سبب الخطا اللي انتم فيه

فمخلد القثامي قدام ابن رشيد يقول انه والجنوب الوادي رعيناه فبالله عليك وانشد اللي يصدق معك متى عتيبة نزلت الوادي ورعوا فيه؟؟؟؟ لان هذا من المستحيلات اللي ما سبق احد من القبائل ولا ابن رشيد ولا غيره من الملوك فعل هالشئ بالدواسر
للتصحيح مخلد القثامي لم يقل رعيناه , بل يقول قرياه , وانت تقصد البيت القائل:

وجنوبنا وادى الدواسر قرياه=وشمالنا شرق المدينة يميني

وهذا البيت هو الصيغة الصحيحة وليس رعيناه , وذكر ذلك الدكتور حمود بن ضاوي القثامي في كتابه شمال الحجاز ج2 ص298

وهو صادق في ذلك , فامنطقة الهضب اللتي يقطنونها الشيابين , جنوب منها وادي الدواسر.


_________________________

وفي ردك رقم ( 38 ) , تقول:

اقتباس:
المشاركة الأصلية كتبت بواسطة بدراني دوسري مشاهدة المشاركة
لعل المناخ اللي اذكره بين الدواسر وعتيبة هي معركة الخرمة سنة 1223 هـ على ما اتذكر

حيث ان الشريف غالب شريف مكة هاجم الخرمة ثم بيشة وهزم قحطان بزعامة هادي بن قرملة

وتعرض لبعض الدواسر واخذ ابل لهم

فاجتمع ربيع بن زيد المخاريم بالدواسر وعزموا على غزو الشريف وهو في الخرمة واجتمهوا الدواسر من الالفلاج للوادي و انظم معهم فريق من القحاطين وكان جيش الشريف اكثره من قبائل الحجاز وعلى راسهم عتيبة والحارثي وبني سعد وهذيل وغيرهم
وانتهت المعركة بانتصار الدواسر- وهي المشارك الرئيسي - ومعهم قحطان - تاريخ الفاخري وابن بشر وغيره

ولا تقل ما اشتركت كل عتيبة بل الحقيقة ان اكثرهم مشترك بها الغزوة
حسب ماعندي من مصادر , وغزو الشريف للدواسر ومعه من جيشة عتبان , وماورد في تاريخ نجد لابن بشر , ومخطوطة النجم اللامع للعبيد , وليست كما ذكرت.

1- في كتاب ابن بشر ج1 ص242-243

(( وفيها اقبل من بيشة " يقصد الشريف غالب " ونزل الخرمة القرية المعروفة قرب تربة " حتى قال " ثم ارسل عبدالعزيز " يقصد سعود " الى هادي بن قرملة ومن لديه من قبائل قحطان , وربيع بن زيد امير الوادي ومن معه من الدواسر وغيرهم , وأمر ايضاً على قبائل من اخلاط البوادي وجيش من الحضر ))

وانتهت بنتصار:

1- هادي بن قرملة ومعه قحطان

2- ربيع بن زيد ومعه الدواسر وغيرهم

3- اخلاط من القبائل

4- جيش من الحضر

ثلاثة الوية ورابعتهم الدواسر , فإن كنت تقصد هذه الوقعة , فالدواسر ليسوا وحدهم في هذه الجبهة , بل معهم ثلاثة الوية في خندقهم.


2- وفي مخطوطة النجم اللامع للنوادر جامع , لمحمد العلي العبيد ج2 ص184

(( غزى الامير عبدالله بن الحسين بجند عظيم وكان اكثر جنوده عتيبة ثم اغار على الدواسر فوق ماء يسمى الحفيرة واخذهم , وقتل منهم مقتلة عظيمة , وعم القتل نساء واطفال , بدون قصد حيث الوقعة جرت بليل ))

وفي هذه الوقعة هزيمة عظيمة للدواسر , وليست نصر.

الاولى , ليست للدواسر وحدهم , والثانية هزيمة عظيمة للدواسر.

وإن كانت غير هاتين الوقعتين , اتمنى ان تذكرها بمصدرها , للفائدة.


تحياتي















غير مقروء 01-Mar-2007, 11:43 PM رقم المشاركة : 44
معلومات العضو
ابن مشيب
إدارة أقسام القبيلة

الصورة الرمزية ابن مشيب

إحصائية العضو






التوقيت


ابن مشيب غير متواجد حالياً

افتراضي

اقتباس:
المشاركة الأصلية كتبت بواسطة خالد القحطاني1 مشاهدة المشاركة
استطراد لما ذكره الاخ
ابن مشيب حين ذكرفي موضوعه ما يخدم
موضوعه واجحف في حق القصه الكامله

لم اجحف في حق احد , وليس موضوعي عن القحاطين والشيابين , ذكرت مايخص الهضب والرد على الدوسري فقط لاغير


تحياتي















غير مقروء 01-Mar-2007, 11:55 PM رقم المشاركة : 45
معلومات العضو
ابن مشيب
إدارة أقسام القبيلة

الصورة الرمزية ابن مشيب

إحصائية العضو






التوقيت


ابن مشيب غير متواجد حالياً

افتراضي

اقتباس:
المشاركة الأصلية كتبت بواسطة بدراني دوسري مشاهدة المشاركة
العتبان هم اللي ادخلوا الدواسر مع القحاطين في مناخ دلعة ويقولون برواية الخضيري ابن عبيد راعي القصيم اللي يروي من العتبان انفسهم حيثه نازل معهم
استدللنا على هذه الحادثة من ابن جنيدل وابن خميس وليس العبيد , والعبيد ليس خضيري هو من بني ثور من سبيع من حاضرة القصيم , يجب التأكد قبل القاء الكلام















غير مقروء 02-Mar-2007, 12:43 PM رقم المشاركة : 46
معلومات العضو
خالد القحطاني1
موقوف لمخالفة الأنظمة
إحصائية العضو





التوقيت


خالد القحطاني1 غير متواجد حالياً

افتراضي

آسف يمكني شطحت عن الموضوع
شوي
سامحونا واعذروا مداخلتنا

وسجل اعجابي في
قلمك وأخلاقك

يابن مشيب















غير مقروء 02-Mar-2007, 07:42 PM رقم المشاركة : 47
معلومات العضو
فارس نجد
عضو فعال
إحصائية العضو





التوقيت


فارس نجد غير متواجد حالياً

افتراضي

تسلم يا بن مشيب على التوضيح بارك الله فيك وفي جهودك والله يخليك ذخر لنا















غير مقروء 03-Mar-2007, 03:39 AM رقم المشاركة : 48
معلومات العضو
بدراني دوسري
عضو فعال
إحصائية العضو





التوقيت


بدراني دوسري غير متواجد حالياً

افتراضي

السلام عليكم

ردي حصل فيه حذف

وكذلك رد اخوي خالد وما اطلعت عليه قبل الحذف!

ذكرت ان حنا علينا عشرين عار وانت ما ذكرت الا تسع وقعات

و بين هذي المعارك وانت تدري معارك حصلت انتصر فيها الدواسر ايضا والعرب غالب ومغلوب وقد قلت لك ان حنا ما نجحد ان قحطان غلبونا وحنا غلبناهم ايضا

لكن وش النتيجة وهذا هو المهم ---- اللي يدل على الانتصار النهائي:

هل قحطان استولت على الخرج؟؟؟؟؟ مثلا

الخرج من حاير سبيع حتى وادي السوط للدواسر من الغييثات والمصارير وال جعيد ولا لقحطان شئ!!!

الا الهياثم وقصتها ان الغييثات بامر من الملك عبد العزيز عطاها لابن حشر شيخ العاصم لان الظاهر ما عاد له شئ من بلدان نجد!!!!!!

يعني كل هل الوقعات ما نتج عنها ان قحطان كسبوا بلاد تخص الدواسر والدواسر كذلك ما كسبوا بلاد تخص قحطان الا اذا اراض قليلة مثل مارد ما ء بين تثليث والوادي في الجنوب والا هالحين فيه خلاف !!!

العار يكون ان الهزيمة يتبعها احتلال وليست الهزيمة فقط.

تقبل تحياتي

البدراني















غير مقروء 03-Mar-2007, 03:42 AM رقم المشاركة : 49
معلومات العضو
بدراني دوسري
عضو فعال
إحصائية العضو





التوقيت


بدراني دوسري غير متواجد حالياً

افتراضي

وكما ذكرت من قبل ترى التحفة هناك من يشكك فيها















غير مقروء 03-Mar-2007, 03:57 AM رقم المشاركة : 50
معلومات العضو
بدراني دوسري
عضو فعال
إحصائية العضو





التوقيت


بدراني دوسري غير متواجد حالياً

افتراضي

السلام

عقلة الصقور لحرب وما عاد هي لعنزة

اما هضب ال زايد فهو من الله احيانا في هالدنيا وجدانا وهو للدواسر ومتوارثين ان الهضب للدواسر واسمه هضب ال زايد

وما سمعنا ولا قرينا ولا اطلعنا على اي وثيقة او كتاب ان الهضب يوم من الايام صار لقحطان ثم اخذوه العتبان ثم صار للدواسر!!!!

وش المناخ اللي انتصرت فيه قحطان على الدواسر واخذوا الهضب؟
ثم وش المناخ اللي صار بين الدواسر والعتبان وعلى اثره اخذوا الهضب اللي الان يعتبرمن ممتلكات الدواسر

الجواب :

لا يوجد اي مناخ او معركة كبرى جرت بين الدواسر من جهة وبين قحطان او عتيبة من جهة اخرى ابدا انما مناوشات وهوشات بسيطة يموت فيها ثلاثة او خمسة

لو حصل احتلال قحطاني او عتيبي للهضب في الزمن الماضي اي في الماية السنة الاخيرة لجردوا الدواسر جيشهم من الخرج لنجران ولجمعوا الالاف اللي يمحون قبائل كاملة برمتها للي ما يعرف وشهم الدواسر انما هخي مناوشات وكسب وحيافة لا اقل ولا اكثر يتهاوشون على مارد ما من اللي يارد قبل الثاني وهكذا

قال ان الشيابين توسعوا جنوب وهذا بكيفهم وانه صارت حروب بينهم وبين القحاطين! وهذا يمكن صحيح لكن ان العتبان اخذوا الهضب والدليل ابيات شعر ان القحطاني حرمناه من الهضب ما يشرب برايد ماه؟؟؟!!!!

وش هالوقعة وين مصدرها؟؟؟؟ وين الدلايل اللي تقول ان قحطان كانت لها الهضب؟؟؟؟

من الكتب و الشعر؟؟؟

البدراني















موضوع مغلق

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »05:51 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي