لسعود بن سالم الحافي

[خالد بن مقيذل الحافي]

بعد خروج الشاعر المبدع سعود بن سالم الحافي من شاطي الراحه



الرجل اللذي كسب قلوب الملايين



كتب الشاعر ناصر بن محمد الحافي هذه

جزل البيوت مقنَعة كل الاذواق=ونسج الخيال اللي رقا فالسما فوق
نصيبها من فكر الابداع مالاق=بكر القصيد مجملة كل طاروق
تسقي عقول وترتوي منها الارماق=وسجل لها الاعلام حصري و موثوق
للي وضع له صفحة(ن) تشرق اشراق=كلاً شهد له مابقى شخص مخلوق
وفي شاطي الراحه لوى كل الاعناق=والشعر جاله سوق ثم طير السوق
وقف له الجمهور كلاً على ساق=اعطى حقوق ومكسبه منهم حقوق
ياسعود قافك سجل بكل الاوراق=ومثلت منطوق الأدب خير منطوق
من لابتة(ن) لاجل المواقيف تنساق=الاد حافي لاحتمت كنها بروق
صغيرهم دايم على الطيب سباق=وعدوهم من لطمهم صار مصفوق
فالماقف اللي فيه يبسن الارياق=انبت لها التاريخ من جذره عروق
واللي جهل تاريخم ينشد نطاق=تاريخ لاينسى ولاهو بمسروق

ناصر بن محمد الحافي

[ابو عطا]

صح لسان الشاعر ناصر .

ونعم بربعنا الحفاة ..

وسعود تاهل في قلوبنا وهو اضاف للبرنامج الشي الكثير
.
بيض الله وجهك على ماقدمته اخوي .

[نايف الغبيوي]

والله انه ينوومس سعود الحافي بس حبيت اسئل هو سعود الي رد على الخس في قصيده الي يقول فيها

يالخس ماتاصل مواطي جهيمان... خل النجوم العاليه في سماها


حبيت اعرف هو الي قايل ذي القصيده

[سعود الحافي]

صح لسان الشاعر ناصر الحافي


دائماً مبدع

بالنسبه لاستفسارك اخوي الغبيوي

يالخس ماتاصل مواطي جهيمان... خل النجوم العاليه في سماها


هذي قصيده معروفه للشاعر عبدالله عبداللطيف بن صلهام الحنتوشي - ساجر

يالخس ماتسوى مواطي جهيمـان..خل النجوم العالية فـي سماهـا
صوتك ثلاث عقود يالنذل مابـان..واليـوم تطلـع فالقنـاة وتباهـا
تبا تجمّل عنـد نايـف وسلمـان..وأنته قبايل نجد تشقـر عصاهـا
أنته خسيس ولك من الاسم برهان..وأخس منك اللي بيوتك رضاهـا
سماك أخو نورة ولقبـك بستـان..لأنك ورودك من بغاهـا جناهـا

وهذا الرابط يثبت ذلك

http://www.otaibah.net/m/showthread.php?t=77684

وقامو الكثير بتلحينها فالبلوتوث

[فيصل الحويماني]

صح لسان الشاعر / ناصر بن محمد الحافي العتيبي .

وبيض الله وجه الشاعر / سعود بن سالم الحافي العتيبي

على الظهور المشرف وهذا إثبات بأنه شاعر منبري بلا منازع

في برنامج شاعر المليون بدون قصور في الشعار الآخرين.

وسعود تاهل في قلوبنا وقلوب الملاين من محبي الشعر ومتذوقيه.

وبيض الله وجهك أخوي / خالد بن مقيذل الحافي العتيبي

على ماقدمته .

وتقبل مروري وتحيااااتي ,,,,

[عبدالرحمن العضياني]

صح لسان الشاعر ناصر
وبيض الله وجهك

[خالد بن مقيذل الحافي]

بيض الله وجهكم جميعاً

وبيض الله وجه الشاعر سعود الحافي

وصح اللسان الشاعر ناصر الحافي على هالقصيدة الرائعه

المكسب الحقيقي ان ترى اعجاب وتقدير كل الجماهير للشاعر سعود

وافتخر بان ابن عمي لها كل الحب والتقدير بين القبائل عامة

وقبيلة العز والهيبة بشكل خاص (قبيلة الهيلا)

ولكم مني كل تقدير واحترام وتحية طيبة

معطرة باحلى انواع العود

[العــــــــابر]

صح لسان الشاعر وسلمت يدينك ناقلها

دمت بود ياغالي

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[حفيد كحيلان]

ونعم بالحافي انا من اكثرمحبي سعو دالحافي

[حفيد كحيلان]

هو رمز من رموز شاعر المليون