 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
18-Aug-2009, 02:03 AM
|
رقم المشاركة : 1 | |||||
|
طاروق ناري بين حبيب العازمـي وبخيت السنانـي
الـسـلام عـلـيكـم
حــبــيــب الــعــازمــي ياليل ياللي نجومـك ساريـة ساريـة ترا العلم فيـه تحتـه ساريـة ساريـة واللي يشوف العلم يدري عن اللي وراه والنار ماتحـرق الا مـن توطـا بهـا ان كان جو المعانـي ماصفـا ماصفـا يمطر ونشرب ونروى ماصفا ماصفـا واللي يبي يحط راسه فوق راس الصفاة الصخـرة الراسيـة ياقـو مضرابهـا بــخــيــت الـسـنــانــي ياصاحبـي ياحبيـب خلهـا خلهـا ليلـة تغنـي ومعهـا خلهـا خلهـا وان كنت حصلت حاجة تلفت الانتباه الد عيني بهـا واقـف علـى بابهـا ان كان يمناك بيضا مدهـا مدهـا ترى العرب ماتدور مدهـا مدهـا اما على البوصلة والا على الاتجاه لا عاد تسري ليالن تعوي ذيابهـا حــبــيــب الــعــازمـــي المدعى العام قدم وادعـى وادعـى والمال وسط الخزاين وادعى وادعى خل القضية توصل عند قاض القضاة الروس ماتنزل الا تقطـع أرقابهـا التاجر اللي تجير شيكلـه شيكلـه اليا لا لقى في طريقه شيكله شيكله ياربي انك عليه تصك باب الغنـاة غافل عن الآخرة مايحسب حسابها بــخــيــت الـسـنــانــي أبوابها الظاهر انـه صكهـا صكهـا وبعض الاراضي محرف صكها صكها و المتهم ياحبيب جاب صـك البـراة ترضى بها ياحبيب غصب ترضابهـا الشيك مكتـوب كلـه ماعـدا ماعـدا الاسم والمرسل الـي ماعـدا ماعـدا ماشفته انا ولكن شافـه اللـي قـراه وأشوف بعض العرب محروقه أعصابها حــبــيــب الــعــازمــي يابخيت اظن القضية واقعـة واقعـة والرجل لازم يناظر واقعـه واقعـة اربط حزام السلامة من شروط النجاة والسرعة الزايدة وش عـاد تبغابهـا اللي يهـد المبانـي مابنـا مابنـا ياللي بكم شر حنـا مابنـا مابنـا الله وكبر على روس الطغاة العصاة مادام حتى المقابر شالـت ترابهـا بــخــيــت الـسـنــانــي ياللي تعرف الحقايق عدهـا عدهـا وان كان ماهي حقايق عدها عدهـا الظاهر انك على آخر مرحلة فالحياة اما على ضرسها والا علـى نابهـا ياللي بخاطرك قصـة قصهـا قصهـا وان كان طالت بكرة قصهـا قصهـا ابرسلك بكرة تجيب مقيط والا رشـاة وتخاطب اهل اللحى اللي طالت أشنابها حــبــيــب الــعــازمــي بخيت جاب المطمة مادرى مادرى أثرا المشاكل لكنه مـادرا مـادرا كل شي غير الدواجن ماعليها زكاة لوهي تزكا ضروري يعرف نصابها ترا الرسالة كتبنـا نصهـا نصهـا وتسدكـم يالثلاثـة نصهـا نصهـا واللي يسير وفي جيبه يشيل الحصاة يدور المشكلـة ياليـن يبـلا بهـا بــخــيــت الـسـنــانــي اعرف سببها وعندي حلها حلها وان كان فيها مرارة حلها حلها فقيه يمكن يزك؟ يالدجاجة بشاة ونمد له خمس مية كان ماجابها بعض الدعاوي تراها مالها مالها حلول والناس تدفع مالهـا مالهـا حتى لو اموالها تازن جبال السراة سواة ذيك القضية وانته ادرابهـا |
|||||
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
