الشاعر / سند زايد بن نهار العازمي رحمه الله (يا طير يالي)

[الجزل]

بسم الله الرحمن الرحيم

هذه القصيده لشاعر المرحوم / سند بن زايد بن نهار العازمي الروقي العتيبي
يتوّجد على ربعه في غربته عنهم و يذكر كرمهم و معزتهم لديه

يـاطير يـالي بـالهـضـاب الشــواهيق = متعليــن حمـراََ طويلـن علمهـا
خــلك بـرأس الضلــع يـم المشـاريق = ليــن أنـي اكتـب خطها وستلمها
يـوم أن لــك ياطــير ريـش ومسابيق = ود الـرسائــل ليـن تاصل تممها
وتــلقى بخشــم الضلع خـمسة مطاليق = تـحشم ثمــانين ازلمة من حشمها
وتـحشم بـها ضلعــان كشـب المدانيق = ويـكـرم بها ناس كـثيـرن كرمها
ومــن دونهم سبعة وخمسـة زراريــق = أهـل لزومــن كـل وقت نغرمها
واهـل دلالـن تحتـري فـوح الابـريـق = هـيـفن على ضون طويلـن شعمها
يـفـرح بها الهشـال واللـي عـلى الريق = وكـنـه ينــادي لطـراقي عزمها
ذولاك ربـعـي مـحتمين الـحـواريـق = ألــي يـعدي عن صـقطنا وحمها
والله لـونـي مـن وراء الضلــع وطويق = لــزورهم مثل الـقـبور وحرمها
لـجيلـهم في وسـق صـاف الـتعاشـيق = لـيـا عرضه خشـم النفود وغشمها
مـثـل السفينـة بـالبحــور الـغواريق = إلـى أقــتفاها الـموج لين يحزمها
أنـا بـهـم شفقــان وهـمـه مشـافيق = قــدام هــدام البيــوت يـهدمها
وقـدام زرقـه رمـح حــذف الأداريـق = شـلفى مـلـك ماهي بيخطي سهمها
إلـى عـلـمو بـك واحـداَ خاطره ضيق = ثــم كـن في وسط الرجال وكتمها
إلـي كـنـها بين الضلـوع الـغـواريق = يـوحـشن بصندوق الضماير حطمها

اتمنى بأن تحوز على رضاكم

تقبلوا تحيات الجزل

[فهد النايف]

الله يرحمه ويسكنه فسيح جناته
الله يرحمه ويسكنه فسيح جناته
الله يرحمه وبسكنه فسيح جناته
______
يعطيك العافيه اخوي الجزل
على هالمشااركه الرائعه

[الجزل]

شكراَ أخوي العزيز أبـو نايف
و تقبل الله دعاك للمرحوم
تقبل تحيات

الجزل

[ابـن نـعـيـس]

يعطيك العافيه


لاهنت


وفي انتظار جديدك



تحياااااااااااااااااااااااااااااااااااااااااتي

التوقيع

[الجزل]

لا ندمت اخوي ابن نعيس أشكرك جزيل الشكر و دمتم,,,

[طارق المسعودي]

صح لسانك
و راعيها والله يرحمه

ولاهانت يمينن نقلتها لنا...

[تركي المسعودي]

صح لسانك


يالجزل


وموفق ان شاء الله

[الجزل]

أخوي طارق ألــف شــكــر لـــك
و تقبل مودتي.

[الجزل]

اخوي تركي الله يجزاك خير
و تقبل مودتي