نصيحه متواضعه

[عبدالرحمن المبطي]

الاخوة والاخوات الفضلاء

السلام عليكم ورحمة الله وبركاته

متواضعه اضعها بين ايديكم راجياً أن نتال استحسانكم

هات الورق وادن القلم والدواتـي =واكتب من الأبيات ما طاب معنـاه
وانصح قلوب(ن )معرضه غافلاتي =عن هادم اللـذات وأيـام طريـاه
قُل يا قلوب(ن )ويش هذا الحياتي =تقضينهـا بيـن اللهو والمعانـاه
والله خلق خلقـه لشـيءٍ ثباتـي =لعبادته وحده ولا حدٍ سـوى إيـاه
وأرسل رسوله بأيـه الواضحاتـي =بشّر وأنذر و أوصل العلم منهـاه
عليه من ربـه سـلام وصلاتـي =عداد ما هل الغمـام ونثـر مـاه
بلغ وشـال الحمـل والمعضلاتـي =حتى نشر دينه على الأرض وأسداه
وتحمله بعـده رجـال(ن) ثقاتـي =قاموا بواجبهم عليهـم رضـى الله
حتى وصلنـا مـا بـه مكدراتـي =دين نقي(ن) صافي الجـم محـلاه
ختـم بـه الأديـان والمعجزاتـي =واتمم به النعمة وأكمل بـه بنـاه
فأقبل عليه بقلـب مثـل المراتـي =واشرب مثل شربك لزمزم وسقياه
وابشر ليامنـك صدقـت بنجاتـي =تنجيك من يوم القيامـة وهـولاه
وقدم لنفسك قبـل يـوم المماتـي =واللي تقدم فـي صحيفتـك تلقـاه
وأكثر من الدعـوات والصدقاتـي =وأكثر مـن التسبيـح والحمـدُ لله
وأكثر من الركعـات والسجداتـي =ترى صلاتك عند ربك لهـا جـاه
واحذر جليس السوء شره شراتـي =تراه مثل إبليـس شكلـه وحليـاه
يغويك لين تطيح فـي الموبقاتـي =ثم يتخلى عنـك والذنـب تصـلاه
تبقى رهين المعصيـة والعصاتـي =والقلب مشرب فتنته في سويـداه
ما ينفعه من بعـد هـذا العناتـي =إلا التجـاء للكـريـم ومنـاجـاه
في ساعة(ن) تنزل بها الرحماتـي =عسى عظيم العرش يغفر خطايـاه
بعـد شـروط التوبـة الوافياتـي =اقلع بعزم وندم واخلص بدعـواه
يبدلـه بالمعصـيـة حسنـاتـي =تكـرم منـه لعبـده ليـا أعطـاه
وجالس هل المعروف والطيباتـي =قوم تٍحب الخيـر وتحـب طريـاه
يا طيب مجلسهم وطيب الصفاتـي =بيض الثياب مع الوجوه الملحـاه
وجباههـم سجداتهـا واضحاتـي =هذا دليل الخير واضـح وسيمـاه
وصدورهـم للعلـم كالأوعياتـي =علم النبوة له مصابـح ومشكـاه
كم من قتيل الشـرك والظلوماتـي =رشرش عليه العلم بالخير وأحيـاه
وكم من قلـوب لاهيـة نايماتـي =استيقضت وأصغت لصوت المناداه
وقامـت تشـد رحالهـا مقبلاتـي =على طريق المصطفى تخطوا خطاه
سجل لها التاريخ في الصفحاتـي =شيء من التقدير والعلـم والجـاه
تمت وختمتها الدعـاء والصلاتـي =على النبي المصطفى صاحب الجاه

اخوكم/ عبدالرحمن المبطي

[تركي الصفياني]

وأكثر من الركعـات والسجداتـيترى صلاتك عند ربك لهـا جـاه


صح السانك حتى ترضى
وبيض الله وجهك

تحيتي

[عبدالرحمن المبطي]

الاخ الفاضل

تركي الصفياني

صح بدنك ووجهك أبيض

لاهنت يالقرم