راح من عمره عمر وانكسر خلف السراب::"::مالقى ارضٍ يكتب الشعر فوق ترابها

[آلاد غنـــام]

يابعد دنياي تسأل وفي عينك جواب=ليش احرث ارض القصايد واشم ترابها
لاتحرك جمرة الصمت ياسمح الجناب=وانت طب الكيه الموجعه وانت اسبابها
علني مابكيك ماملّت الروح انسكاب=في قــــوالب نرجســيّــتك يـا سكـابـها
خذ من اعماقي قصيده وانا يابو الغياب=شـاعـرٍ حمـلت الاقـلام هـمّ اصـحابــها
الكتابه حلقت بـي على متن السحاب=كيـف يــرويــني مطرها وانا سيــابها!
فاتني عمر الغرور وتجاوزت العتاب=صـرت سيـد الكلمـه المبهـم وكتّـابها
لو حروفي مبهمه دون معناها حجاب=عذرها بعض العقول وقفول ابوابها
في رؤوس الجاهلين الطغم شر الدواب=زمرةٍ تتبـع رخـوم العـرب واذنـابها
والله انـي ماحسـبـت لتجمعهم حسـاب=انقر الدوده براس اصبـعي ماشقابها
خلك فبستـــان ذاكـرتي آمــن لا تهاب=مملكة فكري تـتولاك وانت اولابــها
ياعيون امي وابوي الهوى شغلة عذاب=والشعر رمانة الجوف وانت احبابها
دفتر ومجنون وعيون غاشيها الشهاب=لاعبٍ فيها السهر والنجوم ادرابها
كتلة احساس ومشاعر وضيقه واغتراب=تحرق الوجدان (والنار من شبابها)
دوزنه لاوتار شوق ولحن مثل الشباب=لانطلق من حنجرة شايبٍ غنابها
راح من عمره عمر وانكسر خلف السراب=مالقى ارضٍ يكتب الشعر فوق ترابها

الشاعر / سلطان مطلق الغنامي

[ابـــــــوســـــــطــــام]

صــــــــــــــــح الــــــــــــســـــــــــانــــــــــــــك انت ولي كتبه

[عبدالله الجـــذع]

لاهنت ياولد غنام


نقل موفق دوما


وصح لسان الشاعر الجميل سلطان


ننتظر جديدك

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

صح لساااانه ..

وتسلم يالغااالي ماااقصرت ..

تحيتي
..

التوقيع

للتواصل عبر twitter تويتر al_bargawy@