&& لبالي &&

[ضاوي العصيمي]

يالله تستر على اللي كل ماعتزته
نوشت راس اصبعي زره ولبالي

جيبٍ مزاياه عن غيره مميزته
له هيبة الشيخ بين جموع الابطالي

فخامته فوزتبه لين فوزته
عند المشاهير واهل روس الاموالي

تفننت دولة اليابان وانجزته
من شان تفحم به اهل الغرب من تالي

لاشافه اللي ظروف الوقت محرزته
يجذب من اقصى ضميره واهملالي

يبطي يديره وعبراته متايزته
ويقول عزاه ياليت يتهيالي

اليا نهمته ووجهته وقززته
ماسمع لصوت الهواء مخرج ومدخالي

يبعد بقلبي عن همومٍ مباهزته
لاضاق جولي نصيت به الخلا الخالي

وابعدت عن واحدٍ دنياه نقزته
من ماش والياه في جو السماء العالي

ولاعاد الد النظر للي تجاوزته
اللي فهقته ورى ماشغل به البالي

مالي ومال اسود الديبان واخرزته
في فاله يروح وانا اروح في فالي

اللي مسارٍ بعز النفس طرزته
ماداج به من ضري بالقيل والقالي

وامري على عالم النيات عنزته
والعمر يمضي ولادري ويش يبقالي

ضاوي العصيمي

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

آخر تعديل ضاوي العصيمي يوم 22-Jun-2012 في 11:28 AM.

[أبن حشيان]

ضاوي العصيمي

،،،،،،،،،،،،،

وابعدت عن واحدٍ دنياه نقزته =من ماش والياه في جو السماء العالي

صح لسانك يالبطل تعجبني بعض المفردات الجزلة


وانت شاعر وكفو الله لايهينك


تقبل مروري واعتزازي

آخر تعديل أبن حشيان يوم 22-Jun-2012 في 01:33 PM.

[محمد موسى المقاطي]

صح السانك


ياضاوي

يالله تستر على اللي كل ماعتزته
نوشت راس اصبعي زره ولبالي

جيبٍ مزاياه عن غيره مميزته
له هيبة الشيخ بين جموع الابطالي


وتقبل مروري

[سعد المسـعودي]

ضاوي العصيمي
وبكل أمانه .. كنت أقرأ له .. منذ سنين ليست بالقليله ..
فما جنيت من ماقر اءت إلاّ .. الإستفاده من إبداعاته ..
فهو وللحق ممن يستفاد منهم ويعتبرون قدوه للرجوله والأدب ،،
وماهذه الإبداعيه إلا مجرد دليل على ماأشرت له نن
فصح لسانك لحد رضاك ..
مع الأمانه وهذا الراي يخصني لاكثر ..
لأعتقد .. بعد وصف الشاعر : سعد بن سلطان الوخيمي المطيري
للجيب .. أي وصف .. لاقبله ولابعد .. ،،،

ولك سمو أحتراامي

التوقيع

[عزارم]

لاشافه اللي ظروف الوقت محرزته
يجذب من اقصى ضميره واهملالي





صح لسانك بدعت وابدعت ياطيب

[فهيد مقعد الرويس]

صح لسانك ملاااااااااااااايين

ابداع لايستغرب من شاعر بحجم القدير ضاوي العصيمي

لله درك

تقبل اطيب تجيه