يا وطنّ يا وطنّ عمت عين الحسود ___ ما تهزك لا زوابع ولا غدر اعملا

[سيف النير]

المشاركة الأصلية كتبت بواسطة مستشار القبيلة

مشكور يا سـيـف الـنـيـر

موضوع رائع

العفو أخوي / مستشار القبيلة

شاكر لك مرورك الجميل لمتصفحي

ودمت في حفظ الرحمن

[ابو شرف]

لا والله وانا اخوك اني ابا قصيدة شاعر الوطن

ياوطن ياوطن عمت عين الحسود***ماتهزك لازوابع ولا غدر اعملا

تكفى عشان الشايب عندي وده يسمعها

لاهنت يالغالي

[محمد السيحاني]

روووووووووعه

[ابو شرف]

تكفون يالربع ابا قصيدة خلف اللي فالعنوان تكفون ياعتيبه تكفون

اخوكم:الثبيتي

[عبدالله الجـــذع]

ابو شرف سم يالذيـــب

يالله يالله فزعتك يارحيم وياودود = ياكريم عند دفع المصايب يسألا
ياجواد(ن) كل من جاد من جودك يجود = يامشرفنا بحمل الكتاب المنزلا
ماسجدنا إلا لوجهك لطاعتك السجود = بأمرك احداث الليالي تحل وتفتلا
إلتفتنا للحرايب ووثقنا القيود = خطة(ن) تبرم وتضرم وجهد(ن) يبذلا
حرك الفتنه عميل الشيوعي واليهود = هامل الجدين مسرج ظهور الهملا
جعل يوم جاب صدام يوم(ن) مايعود = المشاكل تصطلي والخطر منه إصطلا
إعقلوا عدو الإسلام بعقال القعود = خلوا النازي يشم التراب مكبلا
إنشق البارود حتى يطيب لنا الكبود = وإسحب أذيال الهزيمه وناد إلك إزملا
أنت حربك خاسره لو حشدت أكبر حشود =مقبرتك إممهده عاجله ماتجلا
تنتظرك النار بين النصايب واللحود = قاتل المسلم يمر القصاص ويقتلا
الهوى والنفس غرتك يالنجس الحقود = تذبح الأطفال والمرضعات الرملا
مثل غاز الخردل اللي هجدت به الرقو د= الطيور تموت والناس ووحوش الفلا
أنت ماتربطك معنا مواثيق وعهود = الخيانه تربطك مع قليلين الحلا
وانت سرد عراق مالك يمين ولا شهود = ماتصدق لو تعاهد وتحفظ بكفلا
وأنت شخصية ثعل منت أسد من الأسود = عدل المكياج شخصك بشخصين بدلا
وأنت شخصك مزدوج لاتقاد ولاتقود = الحيا عن كل وجهك تجلا وإنجلا
وجهك اسود مثل ليلك لك الأيام سود = حافله بعلوم فيها العواقر حملا
ماخبرنا بباطل ساد والله مايسود = إنتصار الحق مضمون رغم السفلا
كان لك تاريخ في مزبلة عاد وثمو د= منكر(ن) ماودعك ربك وماقلا
يوم ولعت الفتيله وقربت الزنود= ثلث جيشك عندنا اسرى وثلثين قتلا
طلقة(ن) في راسك الصبح تطلقها الفرود = وطلقة(ن) في راس حنا وطلقه في علا
سدنا ماهرفلو به رديين السدود = حظنا عالي وفي قمة العز إعتلا
من تلوى في ذرانا يبى يلقى سنود = كم غريب(ن) في حمانا نسى الهم وسلا
ربما من ضارة(ن) نافعه تبني وجود = وإن دعتنا المعركه مرحبا وأهلا هلا
ياوطنا ياوطنا عمت عين الحسود = ماتهزك لازوابع ولا غدر عملا
ياوطنا لاتزعزع وحنا لك جنود = البلا نصب وفوقه مقابيس البلا
غطرفي يابنت وأرمي علينا بالورود = وإرقدي بأمان رب السماوات العلا
أمرحي بآمانا عن ملطمة الخدود = يوم جيش الرافدين إبتلانا وإبتلا
كل ماذعذع من الشرق والا الغرب نود = إحترك زرع المحبه وبالطيب إمتلا
السراه تعاكس الريح عن صحراء النفود = والخليج وساحل البحر الأحمر ماجلا
البلاد مقيم ومكرسين لها الجهود = والوكيل الله ولا ضاع للحق وكلا
والعدا لاتشتبه في الخوراط والحدود = الحدود من الحديده إلى أقصى كربلا
قد رفعنا في سماه العلم فوق العمود = بين رجم من الجماجم وحشد من الملا
وقعة(ن) زلزالها مثل زلزال الرعود = في نهار(ن) فيه صم الرمك ترم الفلا
ملحمين سيوفنا في المناكب والعضود = ومطعمين رماحنا بالقلوب وبالكلى
ياكلاب المجزره يامسحبة الجلود = الخلا عن دارنا والخلا مير الخلا
كلنا الخفجي ولا عنك يالخفجي صدود = قطعة(ن) منا وفينا وعدت مجملا
وكلنا للتضحية والتصدي والصمود = من يريد منازلتنا نقوم له إنزلا
مادخل في صفنا مرجفون ولا شرود = تعقل العيّال منا وحنا العيّلا
الشجاعه ورث أهلنا جدود عن جدود = للعوارف دار ندوه وللجهل جهلا
كل مدرك يعلم إنا على الشِطه نزود = والسفيه نخاطبه لاولالا وألف لا
قادنا فهد بن عبدالعزيز بن سعود = وإقتنعنا بالقياده وأخذ منا الولا
الزعيم اللي عن العرب وأوطانه يذود = قايد(ن) للحرب والضرب يِتلا ماتَلا
عزك الله ياملكنا وللكايد تكود = ضاع كيد دماغ غل(ن) تغلغل ثم غلا
إحتميت الأرض والعرض والدنيا ركود = والوطن فينا بدم القلوب مسجلا
وياحرسنا فيك أملنا على النصر معقود = أنت رمز أمجادنا والشعار الأمثلا
مومن(ن) تصمد لنص الصوادر والورود = بالأمانه والفدا والجهاد محمّلا
فاد عن شبه الجزيره ولاتخلف وعود = العمل الحين وشوي ماهوب أولا
وإلبس أنواط الشرف والكرامه والخلود = ماتقوم إلا تجيب اللزوم مكمّلا
وجّه النيران وإسحب من المجرم وقود = طِق راس الشر والكيف جاك مهيّلا
ريّسك ولي عهد الفهد ذخر الفهود = من نواه بسو يهزم ذليل ويخذلا
ابو متعب قاسي الباس حلال العقود = طيب المبدا طويل الذراع الأخطلا
وعشت ياسلطان قدّ المهمه والقدود = ابو خالد فيه كل الدفاع إمثلا
ويحفظ الله بدر نايب وبالفضل محمود = نايب محبوب وبه النجاح مكللا
وسمّ ياطيّار وإصعد وعادتك الصعود = خلّ الأرض مزلزله والحريب مزلزلا
واصل الغارات وإخذ القنابل بالردود = هِلها فوق المسّلح وخلّ العزّلا
ماذكر بالحنظله غصن ينفع منه عود = شجرةٍ لاشرب فيها ولا فيها كلا

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو شرف]

لاهنت يالجذع لكن اذا تقدر تنزلها صوتيه نزلها الله لايهينك

[العــــــــابر]

بيض الله وجهك على ماكتبت ياغالي

سيف النير كنت واقعيا وراقيا بما كتبتك

تقبل مروري المتواضع على متصفحك الراقي

اخوك العابر

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[ابو شرف]

تكفون قصيدة خلف بن هذال صوتيه تكفون

اخوكم:محمد الثبيتي

[سيف النير]

المشاركة الأصلية كتبت بواسطة ابو شرف

لا والله وانا اخوك اني ابا قصيدة شاعر الوطن

ياوطن ياوطن عمت عين الحسود***ماتهزك لازوابع ولا غدر اعملا

تكفى عشان الشايب عندي وده يسمعها

لاهنت يالغالي

المشاركة الأصلية كتبت بواسطة ابو شرف

تكفون يالربع ابا قصيدة خلف اللي فالعنوان تكفون ياعتيبه تكفون

اخوكم:الثبيتي

المشاركة الأصلية كتبت بواسطة ابو شرف

تكفون قصيدة خلف بن هذال صوتيه تكفون

اخوكم:محمد الثبيتي

حياك الله أخوي / ابو شرف

أخونا ( عبد الله الجذع ) ما قصر وبيض الله وجهه

جابها لنا كتابيه

وأنا أبى أدورها لك صوتيه وإن شاء الله نلقاها لك

تسلم على المرور الجميل لمتصفحي

ودمت في حفظ الرحمن

[ابو شرف]

لاهنت يالغالي