قصيده للشاعر : سطام بن زيد بن مغيرق العصيمي..رحمه الله

[محمد العتيبي]

هذه قصيده للشاعر:سطام بن زيد بن سطام بن مغيرق العصيمي.
رحمه الله رحمةً واسعه وجميع اموات المسلمين،،

والقصيده تعبر عن نفسها..

الله وانا سطام من ضيقة البال=اضحك وقلبي بالملايل تمله
مانيب من يشنى رفيقه ليا عال=ورزقي علي اللي كل كربٍ يحله
هذي عوايدنا حميده وتنقال=والناس واجد مثلنا عادتن له
من طب غبات البحر شاف الاهوال=وعقب السلامه يطلع الشيب كله
قالوا تسيّر قلت ماهو على البال=والقلب ماحب المسايير لله
والله ماروح لمجلسٍ فيه الانذال=اهل النمايم والهروج الممّله
تلقا سوالفهم عن القيل والقال=يقطعك ياساس الردى ومعنلّه
ابنا الرخوم اللي له الصاع ينكال=ماجابوا الباضا عيال المذله
هم يحسبون الطيب في جمع الاموال=الطيب كايد مثلهم مايدلّه
الفرق شاسع بين رجلي وخيّال=ما عانق الرجلي خيولٍ مزلّه
ياليت وقتِ فات لليوم مازال = اظن بعض الناس يعرف محله
اما يقدم له من البن فنجال=ولا فناجيل الكرامه تزلّه
ويستاهله حلحيل بالفكر حلاّل=اليا انعقد حبلن فالاخر يحله
ويستاهله من بدّة الناس رجال=اللي يرحب من نصاه بمحله
راع الكرم محبوب في كل الاحوال=وقالوا حبيب الله في كلمةٍله

التوقيع

للتواصل عبر twitter تويتر al_bargawy@

آخر تعديل محمد العتيبي يوم 26-Dec-2007 في 12:42 AM.

[زيزوم مدركه]

ياليت وقـتِ فـات لليـوم مـازال اظن بعض النـاس يعـرف محلـه
اما يقـدم لـه مـن البـن فنجـال ولا فناجـيـل الكـرامـه تـزلّـه



الله يرحمة رحمتاً واسعة

وبيض الله وجهك

[محب الهيلا]

مشكور وماقصرت

[محمد العتيبي]

زيزوم مدركه
ووجهك ابيض يالغالي ..
اشكرك من القلب على مرورك العذب ..

لك خالص تقديري..

[محمد العتيبي]

محب الهيلا
العفو يالغالي .. شكرا على تواجدك..

لك تقديري..

[يوسف السيحاني]

الله يرحمه

ولاهنت يا ابو مشعاب

[محمد العتيبي]

يوسف السيحاني
مرحبابك يالغالي ..شرفني مرورك..
تقبل خالص الاحترام..

[خيال الجريبا]

الله يرحم الشاعر ومشكور على القصيده

[ابو سعود الجعيداني]

الله يرحمه

وصح لسانه وسلم نقلك يابو مشعاب

[أبو مرحبا]

والله ماروح لمجلسٍ فيـه الانـذال***اهـل النمايـم والهـروج الممّلـه

تلقا سوالفهم عـن القيـل والقـال***يقطعك ياسـاس الـردى ومعنلّـه


قصيدة مملوه بالحكم والوعظ

رحم الله الشاعر سطام بن مغيرق العتيبي وأموات المسلمين



الاخ ابومشعاب

بيض الله وجهك على القصيده

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي