المبدع / سعود البرقاوي
الاوله شكراً على ماتبذلونه من جهـود=والله يخليكـم لنـا ياربعنـا العتبانيـة
والثانية حط العلم يازبن في راس العمود=والا على راسك نميّل شوكة الميزانيـه
العلم / زبن القاضي
فالاوله والثانيه حضر هجوسك ياسعود=خلك عتيبين كفـو فالاولـه والثانيـه
والثالثه هات الفتيله واستلم قدح الزنود=هات الفتيله والزنود تولـع النيرانيـه
المبدع / سعود البرقاوي
ياحضرة القاضي مدام العود في عين الحسود=خلك على مهلك مابيـن القاصيـة والدانيـة
وابا الحصين اليا دخل بين الذيابه والاسـود=لاعاد تنشد عـن حياتـه والليالـي فانيـة
العلم / زبن القاضي
ياسعود الابرق ليش سمي باسم حلال العقود=ان كان تعرف تحظ البدنق على النيشانيـه
انا ادري انك سبع لليل ولاتعديـت الحـدود=واليا حداك الجوع جابلـك العشاءسرحانيـه
المبدع / سعود البرقاوي
وشلون تنشد وانته ادرابه وانا عندي شهود=وان كان ماعندك خبر فانشد حدى الشيبانيه
ياللي على عد الروى شغّال في عد النقـود=العـزم قايـم والنتيجـة ماتجـي مجانيـة
العلم / زبن القاضي
انشدك يومنك عتيبي مانشدت من الهنود=ماهيب نشدت جهل انا ماني من الورعانيه
انته مثل هداج تيما تدهلـه كـل الـورود=الجم راهي والحبل ممدود فـوق السانيـه
المبدع / سعود البرقاوي
تضيق والا ماتضيق آقـول جعلـك ماتعـود=من ويـن بالله جيتنـا بسـم الله الرحمانيـه
مدري تبا قطع الخشم والا تبا لطـم الخـدود=ازريت لا اعرف لك طريقة يا ابرق الجنحانيه
العلم / زبن القاضي
وجه الشجيع اعامله واهج عن وجه الشرود=لاتفتح الطاقه وانـا جايـك مـع البيبانيـه
بعض العرب ياليتهم فالليله القشرى رقـود=اعميتنا واصميتنـا يالعـود ابـو دخانيـه