 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
18-Oct-2007, 08:47 AM
|
رقم المشاركة : 1 | |||||
|
اغلب القصائد التي قيلت في المزاين
بسم الله الرحمن الرحيم
هذة اغلب القصائد التي قيلت في المزاين منقوله من موقع المزايين الرسمي ----------------------------------------------------------------------- الشاعر/حبيب العازمي في ملتقى الهيـلا ثقافـه وتاريـخ ومجدا" يترجم حاضره فعل ماضيه برعاية الله ثـم برعايـة الشيـخ مشعل عسا ربي يعـزه ويحييـه وبوجودكم ياهل الوفا ياالمطانيـخ الحفل كامـل واكتمالـه براعيـه ----------------------------------------------------------------------- شعر/ ضيف الله بن ماطرالثبيتي من الحجاز انشت صدوق المخايل رخم السحاب اللي مزونه مزابير يقدونه اللـي يحتمـون الدبايـل كل ابلج يونس براس صعاطيـر امطر بنجد وجـا لسيلـه فعايـل وحلو بنجد اهل السلف والمظاهير عتيبـه الهيلا تسـوي الهوايـل ومن دون نجد يهدمون الطوابيـر ----------------------------------------------------------------------- شعر:فيحان بن فياح بن هاجد العضياني هات القلم يا صاحبـي برفـع أبيـات أبيات من بيـن البيـوت الجزايل لعتيبة الهيلا فـي روس الطويـلات أسم شهـر بالطيـب بيـن القبايـل أهل السخا والطيب مجد وبطـولات وأهل الفخر والصيت وأهل الأصيل يشهد لها التاريخ من ماضيـن فـات بوضح النقي المجرود ثبت ودلايـل تكفون يالهيـلا رجـال الصعيبـات نبغى مزاينـا مـن أولـى الأوايـل نبيه يدون في الصحف والسجـلات يتبع سوابق مجدنـا طيـب الفعايـل ----------------------------------------------------------------------- شعر/سعودخليل الغبيوي في مزاين الهيـلا هـلا بالنشامـا يامرحبـا بضيوفنـا والمعازيـب من الساحل الشرقي اليا اقصا تهاما في مزاين عتيبه على العز والطيب اهـلا هـلا بالغانميـن الكرامـا عند الرجال مكمليـن المواجيـب اللي رقوا بالمجد فـوق السنامـا مجد(ن) شمخ في عاليات المراقيب ----------------------------------------------------------------------- شعر : سعد سبعان العصيمي في ظل عبدالله وفي ظل سلطان ندعي القبايل في مزاين عتيبـه قبيلـه فاالمجتمـع شانها شـان يوم الليال الماضيات العصيبـه وختامها صلو على نسل عدنان رسولنـا اللـى كلنـا نقتديبــتــه ----------------------------------------------------------------------- شعر/محيسن ابوحاجون الحافي ياالله ياالمعبود يا والى الأقدار يا معتلى بالكون ما فيـه غيـره يتعالم الدنيـا خفا سر وجهـار ياموزع الارزاق في كل ديـره والحمد الله يوم زالن الاخطار بحكم السعود ولم شمل الجزيره ----------------------------------------------------------------------- الشاعر/ضبيان وصل الله العازمي العتيبي ولا ياعتيبه مرويـت كـل مسنـون عسى فـي تجمعكـم تتـم السعـاده نبى كلمت التوحيد والرزق مضمون عسى الله يوفقكـم لنطـق الشهـاده يامزين شراع العزم ثبت ومصيـون محشم عن المنقـود وأهـل النقـاده نباها فرح وسرور والخاسر المغبون على جمعت الهيلا وكبـده رمـاده عسى الله يعزم لو كنا والصعاب تهون ندعي لهم حتـى بـدور العبـاده --------------------------------------------------------------------- الشاعر/سعدبن سعيدالحافي كريـم يابرقا جذبنـي نفيـضـه علـي نفودالسرجالـه نفيظـي نهـار غبـه كـل واد وفيضـه من رحمة الباري تفيض وتغيظي رسولنا حط الخطوط العريضـه للمنهج اللي من مشابه حظيظي ممشا علي السنه وحفظ الفريضه والنادم اللي سارعلي النقيظـي والبذخ والاسراف سنه بغيضـه مايفتخربه كود رجل مريضـي ---------------------------------------------------------------------- الشاعر /عبدالرحمن مرزوق رجا الشيباني بعد عيد رمضان وقبل عيد الضحية ملتقا مزاين العتبان جنب النفـودي نضموه الرجال اهل الفخر والحمية عزوت فالملاقا شرعين الحسـودي ونشكر الله ونشكر عزوت الفيصليه حاكمين البلاد ومحتمين الحـدودي ---------------------------------------------------------------------- شعر/سعودخليل الغبيوي في مزاين الهيـلا هـلا بالنشامـا يامرحبـا بضيوفنـا والمعازيـب من الساحل الشرقي اليا اقصا تهاما في مزاين عتيبه على العز والطيب اهـلا هـلا بالغانميـن الكرامـا عند الرجال مكمليـن المواجيـب اللي رقوا بالمجد فـوق السنامـا مجد(ن) شمخ في عاليات المراقيب ----------------------------------------------------------------- شعر/ ذعارعوض بجيدالعصيمي برقاء وروق من السنين الماضية متكاتفين هيلا على العليات علـت والسفايـر فالهـا يشهد لهم نجد المسمى والقبايل شاهديـن قبيلة بالعـز تمشـي والسعـد يبرالهـا واليوم في ظل السعود معززين مكرمين الشجره اللي ظافيا فـوق البلاد ظلالهـا ---------------------------------------------------------------------- شعر/سلمان حشر العميدي أول سنه فيها هلاليـن بهـلال ترقبوها عقب شهـر رمضانـي هلال عيد الفطر بهلال شـوال وهلال للهيلا طـوال اليمانـي فيه اجتماع وملتقى رجال برجال من كل قطر وكل فج ومكانـي شي مهيل ومنه الأنظار تهتـال في ملتقى الهيلا للابل الزيانـي أكبر حدث يبقى على مر الأجيال ماصار مثله من قديـم الزمانـي ---------------------------------------------------------------------- شعر/ محمد أبوعبيه المقاطي لاخيـر فالشعـار لاخيـر لاخيـر اليا بخلوا فالموقف بنظم الاشعـار واليوم ميقاف الرجـال المناعيـر اللي سموا بالطيب والعز والكـار ربعي عتيبـه محتميـن المعاشيـر يوم العرب يسعون لأخف الأضرار أرسى من الجولان وطويق والنير وأبين من سهيل اليماني للأنظـار ستر العذارى ناقضـات الدعاثيـر وعون الذي دمعه كما وبل الأمطار --------------------------------------------------------------------- شعر / فهيد بن غازي النخيش لا حل عيد الفطر نفـرح بثنتيـن متواليـات الله يديـم الفـرح دوم الأولـه بالفطـر يافالنـا الزيـن يفرح بها المسلم بعد يكمل الصـوم والثانيه يوم اثنعش لين عشريـن في ملتقى الهيلا مواريث وعلـوم فن وثقافه مـن جميـع المياديـن فيها برامج دين وأعراف واسلـوم وإليا بغيت الشعر تلقـى دواويـن حنا ملوك الشعر بالأمس واليـوم وإن راح شفك يم ذود(ن) مزاييـن بالشوف لك من كل الألوان مقسوم -------------------------------------------------------------------- الشاعر/ سلطان أباالكحل العتيبي ياهاجسي والله تـو خاطـري زان خط القصيد وعطني اللي تسويـه في مزاين الهيلا نبا نظم لـلأوزان شعـر مرتـب صافيـات معانيـه والمدح في عتيبه يحي دوم عطشان لأنه لقى اللـي يستحقـه ويعنيـه والنعم في كل القبايـل بالأركـان ويحفظ لنا القايد عسى الله يحميـه --------------------------------------------------------------------- شعر/عبدالله بن زبن العضياني حفل المزاين ياعرب طير النـوم وعيني على شوفه تزايـد لهفهـا في محفل(ن)مثل القمر حوله نجوم نوره سطع وكل من شـاف يفهـا تبا تحطـم كـل تاريـخ ورقـوم العزوه اللي من جهلهـا عرفهـا والله يديم الأمن والشعب محكـوم في ظـل حكام(ن)يظلـل كنفهـا ----------------------------------------------------------------------- شعر بدر حصيب المرشدي في ظل حكامنـا بعـد الله البـاري اهل الفضل بعد ربي فـي تضامنـا ربعي لهم وقفة(ن) ياحي هالطـاري ودليـل وقفاتهـم شوفـو مزايـنـا ليا جاء المزاين نسوق الذود ونماري واللـي يبينـا نفـود السر موطنـا فيها المزاين يقـام وربـي الـذاري وبين القبايل عسى المولى يجملنـا وقت المزاين نهاية شهرنا الجـاري والعلم عند الشيـوخ اللـي تمثلنـا ----------------------------------------------------------------------- الشاعر/نايف ابن نماس السميري عسى الله يديم الأمن ويعز اخو نوره و يغلله تعز اللابه اللي لهـا لهيبه عتيبه لها تاريخ محفوض بسطـوره وحنـا يشرفنـا ونقـدر نماريـبـه تحت رايت خظرا وبالحق منشوره نحارب هل التضليل والغدر والريبه وذا ملتقا الهيلا وبالصوت والصوره نبا من صفاته كل رجـال يدريبـه ---------------------------------------------------------------------- شعر:فيحان بن فياح بن هاجد العضياني هات القلم ياصاحبـي برفـع أبيـات أبيات من بيـن البيـوت الجزايـل لعتيبة الهيلا فـي روس الطويـلات أسم شهـر بالطيـب بيـن القبايـل أهل السخا والطيب مجد وبطـولات وأهل الفخر والصيت وأهل الأصايل يشهد لها التاريخ من ماضيـن فـات بوضح النقى المجرود ثبت ودلايـل تكفون يالهيـلا رجـال الصعيبـات نبغى مزاينـا مـن أولـى الأوايـل نبيه يدون في الصحف والسجـلات يتبع سوابق مجدنـا طيـب الفعايـل ------------------------------------------------------------------------ الشاعر/ نايف عايض متعب العضياني بسـم القبيلـه مرحبـا بالمساييـر اللي لفونا مـن بعيـد الديـارى . يامرحبا عنـد الرجـال المشاهيـر ودلال رسلان (ن) زهاها البهارى . فاليسر والا فـي ليـال المعاسيـر فاللازمـه ماحسبـو للخسـارى . عتيبه الهيـلا تـرى فعلهـم غيـر نـو ليـا خيـل يطـم الزبـارى . --------------------------------------------------------------------- شعر: سهل بندر حياد المقاطي في ملتقى الهيلا أهل العز والجود زان الحديث وزان بدع القصايـد ربعي عتيبة طيبها مالـة حـدود اهل السلـوم الطيبـه والعوايـد الطيب ورث وارثينه من جـدود ماهو حديـث فالسنيـن الجدايـد ----------------------------------------------------------------------- شعر/صايل نايف ابن نزهان الحبردي في ملتقى الهيلا بني عـم وأخـوان الــرآي واحدو النوايا سلـيـمـه تلاحم(ن)معروف من ماض الازمان وقــت الشدايد باالسنين القـديـمـه واليوم في حكم ابومتعب وسلطـان اللي لهم باالقلـب منـزل وقيمـه يالله عسى معزي بجنـة وغفـران والأمـن ياربـي علينـا تديـمـه -------------------------------------------------------------------- شعر/ ثامر التويجر العتيبي عسى السحاب اللي تكاشف بروقه تسقي امزونه دار ربعي اعتيبه.. هيلا على العليا تهايـل شفوقـه لهم معـزه واحتـرام ن وهيبـه مافيه فرقـا بيـن برقـا وروقـه واللي يفـرق شملنـا وش نبيبـه وكل السعودي ماتضيـع حقوقـه الحكم عـادل والملـك نقتديبـه ----------------------------------------------------------------------- شعر/سعدبن عديس العازمي عتيبة يا عتيبة لا يجـي فيكـم حـسـد وشـكـوك تـرا الشكة تجـي فضعيفيـن النـاع والـذمـة عليكم باالتكاتـف والتضامـن والحسد متـروك خــوان بخدمـة الإسلام والتوحيد ملـتـمـة سلايل شايب(ن) ياطا على راس الحفاء والشوك تربـع فـي قرارة نجـد وهوة عاصـب العمـة وبعدها ياعسى مبروك ياالهيلا عسـى مبـروك مزاينكم نجح وبشايـت الله صـار فـي القمـة ----------------------------------------------------------------------- شعر/ناصرفيحان ناصر الشغار طاب القصيد وطاب بدع المثايل واغلى القصيد بذكر ربي بدينـاه من دون نقصا في جميع القبايـل ابا امدح الهيلا ولابـه مـراواه حنـا عتيبـه كاسبيـن الاوايـل بالطيب وفعول الرجال المسمـاه مانجني الا معربـات السلايـل فخرا لنا من الجد الاول ورثنـاه امجادنا تجـاوزت كـل طايـل يومنهـا كـل بسيفـه وشلـفـاه واليوم نفخـر ولفخرنـا دلايـل والدار امان وفضل ربي شكرناه في ظل ابو متعب غدا الشر زايل كلا يعدد فضل ربـي وحسنـاه وحنا عتيبـه كاسبيـن الاوايـل وهذا مزاينا على العـز اقمنـاه ----------------------------------------------------------------------- شعر/ عبدالله محمد نافل الفرم المقاطي جعل السحاب اللي ترفـى رفايـاه نوء(ن) من المنشاء سديد(ن) مخيله يبل كبد الارض لانقـاد مـن مـاه على ديار اهـل الفعـول النبيلـه على نفود السر من وبلـه اسقـاه الديـرة اللـي جوهـا ينعنيـلـه محفـل عتيبـة والقبايـل مسمـاه هيلا تهايل فـي المحافـل مهيلـه في ملتقى(ن) يجمع زحول(ن) تمناه لاجل التكاتف في شبـاب القبيلـه ----------------------------------------------------------------------- شعر : نايف بن جزاء بن حشيفان المقاطي تكفون يابرقـا وتكفـون يـاروق فينـا القبايـل لايشوفـون فـرقـا نبي نجي للحب والقدر من فـوق ونحرق قلوب(ن)تعشق الشين حرقا خلـو نتايـج حفلنـا كلهـا ذوق يـزود فـي عـز القبيلـه ويرقـا تكفون يالهيلا تـرا مالنـا سـوق لولا تلاحم روق في صـف برقـا ---------------------------------------------------------------------- شعر/نادربن محماس بن شميسان تحت الولا للحكم وبشرع الاسلام_ النا مـع الايـام سيـره عظيمـه تعطـرت منهـا حديثـات الايـام وصفحات تاريخ الليـال القديمـه تكل ماأوفتهـا الايـادي والاقـلام مااوفت حقوق أهل النفوس الكريمه لوانهـا تحكـي ذعاذيـع الانسـام عدت بطـولات عظـام جسيمـه عاداتنا بالطيـب تحطيـم الارقـام عتبان عنـا ماأعلنـوا بالهزيمـه ---------------------------------------------------------------------- شعر/حياد عبدالله العصيمي بين السمأ والارض ماذا تعبـدون ياعابدين الفاتيكان اهـل الضـلال بين السمأ والارض نحن المسلمون مافيـه غيـر الله معبـودآ محـال بين السمأ والارض قومآ ينتمـون لعتيبة الهيـلا صناديـد الرجـال فالجاهليـه يبطشـون ويغنمـون ويعلمـون اولادهـم فـن القتـال رجالهم لاسمـع قومـه ينتخـون تقول من زود الطنا صابه هبـال واليوم نحن الحامدون الشاكـرون رب البريـه ذا لكـرام وذا لجـلال امن اورخا والكـل لله مسلمـون والله يجمل حالنا فـي كـل حـال اشكر شغاميـم العيـال القائمـون على نجاح الحفل ذربيـن الفعـال في خدمة الهيلا عتيبـه تحسـدون ياسعد من معكم يحصل له مجـال ----------------------------------------------------------------------- شعر/يوسف بن مسعود الغبيوي حياكم الله عد ماتركـض الخيـل وإعداد بـراق يلـوح بمزونـه على الشحم والبن وبهاره الهيـل والعود الازرق عندنـا تاجدونـه في ملتقى الهيلا ونعم الرياجيـل العزوه اللي ضيفهـم يكرمونـه لطامة العايـل وذباحـة الحيـل هذا لقب كل العـرب يعرفونـه من غير نقصن بالرجال المشاكيل كل القبايـل سلمهـم يحتمونـه ------------------------------------------------------------------------ شعر/حزام العصيمي باقي مع العشر عشر ويبتد المهرجان للعزوه اللي تشـوق العيـن وقفاتهـا هيلآ تهول وتهايل من مكان لمكـان يهتال عقل البنـادم مـن بطولاتهـا ترى المهابه ماتمحاها ضروف الزمان وأكيد برقا وروق أعظـم علاماتهـا اليوم علم المعـزه ظامنينـه ظمـان والعام مثل المـزون الدهـم دقلاتهـا ----------------------------------------------------------------------- شعر / عايض عبيد المقاطي بـارك الله فيـك ياملتقـى الهيـلا عقب خامس يوم من شهر شوالي .. لابتن فـي سلمهـا تذبـح الحيـلا تكـرم الضيفـان وتزبـن الجالـي ربعي عتيبه هل الجيـش والخيـلا مستواهم عالي وحضهم عالـي .. ----------------------------------------------------------------------- شعر/تركي بن هاجد بن كايد العضياني اليوم في ضل الملك أمن وآمـان كـل القبايـل والوطـن تابعلـه آل السعود مطوعة كـل شيطـان اللي لهم خير الوطـن شاهدلـه ويشهد لهم تاريخ في ماض الأزمان والخير وافر وضافن الشعب كله ولعتيبه الهيـلا تهيضـت بالحـان لـذود ولجـل الـذود حنا فـدلـه ليا جا نهـارن فيـه عـج ودخـان يومن على الموت الحمر وارد إله ----------------------------------------------------------------------- شعر/وليد بن فايح بن مسعد الدلبحي الاوله حق بيعـة مـن يخـاف الله الحاكم الي لشعبه ريف وضلالـي. الحاكم الي على اسمه صدق عبدالله الريف الحازم المتواضـع العالـي. وسلطان سلطان راعي سلم وجبلـه وجه السعد جود كفه مالهـا تالـي. من طيب راسه لو (الناسداك) ملك له في ذمتي من كرمه يصيبه اخلالـي. واثني على عيدنا الي زان في حلـه امزايـن اعتيبـه الهيـلا بشوالـي. امزاين،، ماسبق حفـل مثيـل،، لـه روقه وبرقـا وجمع،،منـه تهتالـي. على الكرم يامسيـر حيـل،، ودلـه وريح ازرق العود جايله تجوالـي. ---------------------------------------------------------------------- شعر/ بندر سعود الرقيق العظياني العتيبي اعتابه الهيلا علا نجمهـا فـوق نور. تشوفه في سماها الجزيره.. اصفوفنا وحده ولافيـه مفـروق نظراتنا قدام ماجـت قصيـره.. واسلومنا تفرق عن الناس وتفوق والناس كلن فيه طيبه وخيـره.. تعطا القبايل حق وحنا لنا احقوق نعم. بهم في كل حال. وسيـره.. يشهد لنا التاريخ ثابت وماثـوق مسيرة. ياحيهـا مـن مسيـره.. عاداتنا الفزعات مانقبـل البـوق ومن يستجير ابنا لقانا نجيـره.. قدجالنا في نجد صولات وطروق وثبت لوانا في سنام الجزيـره.. واليوم فالاسلام والامن معشوق والشعب واحد فالبلاد الكبيـره.. حكامنا الاسعود لاعاقهم عـوق الحكم عادل والشريعـه شويـره ---------------------------------------------------------------------- شعر / فايز حنيتم العصيمي ابدع بيوتـن وافياتـن جزيلـه خصن ليا صارت لمدح القبيلـه سلام ياربعي هل العز والكـار يهل الفعول النايفـات النبيلـه ربعي عتيبه كاسبين الصعاب يومن كلن قام يجنـي حصيلـه عيدن بعد عيدن قبل عيد ياتـي عسى الولي يسقيه غيث المخيله ----------------------------------------------------------------------- شعر : محمد شارع العضياني في ملتقى الهيلا نسجـل مواقيـف وقفة شرف في مهرجـان القبيلـه ذباحة الحايل ذرى الجار والضيف لطامـة العايـل وستـر الدخيلـه سجل لها التاريخ صفحات تشريـف فعـل" يخلـد ورث جيـل" لجيلـه خطه على صم الصخر شذرة السيف يوم العزاوي بالسيـوف الصقيلـه وقفاتنـا بالفعـل مثـل المجاديـف تعبر بنـا كـل البحـور المهيلـه والمجد ناصل له بروس المشاريف والعـز نرقابـه سنـام الطويـلـه واليوم مجمع خير ماله تواصيـف عيد القبيلـه مـاش عيـد" مثيلـه وجعل السحاب اللي مزونه مراديف يسقي وطن من يكسبـون الجميلـه اللي حموها وأحكموهـا بتشريـف حكـم العدالـه والشريعـه دليلـه ----------------------------------------------------------------------- شعر/فيصل فيحان الرقاص الحافي بديت بالله خالق الجـن والنـاس بأبيأت في ربعي عتيبه علـى آن تاريخكم ساطع كما لمـع الالمـا مسطره امجادكم وسـط ديـوان اهل الوفا ربعي دايم على سـاس اهل الكرم والجود ودلال رسلان في صف ابومتعب دروع وحراس وولي عهده سيد الجود سلطـان واميرنا مشعل كما طير قرنـاس حط المزاين للمواطـن بميـزان وسلام لك ياكاسب العز نومـاس ا مير نجد وسيد الطيـب سلمـان وصلاة ربي عد ماهب نسنـاس على رسول الله عدد وبل الامزان ----------------------------------------------------------------------- شعر: فهيد فايح العضياني ياعيدنا اللي صار ثالـث لاعيـاد عساك بالافراح والخيـر معيـود في ملتقى عتيبه فرح خاطري زاد ا هل الكرم والطيب والمجد والجود برقا وروق الهم بالاكوان ميـراد عتيبه الهيلا لهـم فعـل مشهـود في حفلهم تاريـخ ينقـل للاحفـاد يفخر به اللي فيه ماصار موجـود تراث واصاله وتاريـخ وامجـاد واكيد ماينجح بـلا بـذل مجهـود ------------------------------------------------------------------------ شعر / حمدان مسعود الرقاص ياربعي عتيبه كرام الاصاحيـب ياللي فخركم من قديم الزمانـي برقا وروق اهل الوفاوالمواجيب ا لعزوه اللي ماتعرف الهوانـي تجمعهم عتيبه على العزوالطيب ووقت المزاين يالله المستعانـي هيلا تهايل بالكرم والتراحيـب والها على نجم الثريـا مكانـي ترتيبها الاول على كل ترتيـب يدريبها فالكون قاصـي ودانـي وياربعي اللي تدركون المطاليب حبيت اوصيكم ترى العمر فاني اوصيكم بتقوى الذي يعلم الغيب الواحد اللي بدبرته كـل شانـي والله يوفقكم ياساس المواجيـب يالعزوه اللي ماتعرف الهوانـي --------------------------------------------------------------------- شعر:عبدالعزيز حمود الغبيوي ذي نصيحه ياهل الهيلا اقبولها في توحد صفنا حصنن حصين وفي نجاح الملتقى عليا نبيهـا تسطر التاريخ النـا بكلمتيـن التفوق غايتـن نسمـو اليهـا وتاج فخر باقيه طول السنـن ----------------------------------------------------------------------- شعر:فيصل بن مجهز العضياني ياهجوسي حضريلي قاف يشفـي فـي حضـوره عنـد لجنـة ربعـي الهيـلا ويـدرك مبتغاهـا لجنة اكبر ملتقى لاطـوال الايـدي شـع نـوره ونشكر اللي قـدم الفكـره ونشكـر مـن بداهـا همنا واحـد وجسـر المجـد مقصدنـا عبـوره في خطا تحسب على اللي مع هل العوجاء خطاها والهدف ننقل عن اهل الباديه فـي نجـد صـوره تنكشف فـي مملكتنـا والـدول تسمـع صداهـا ومن هذا المنبر هلا بالضيف في ساعه حضـوره عن شيوخ الشمل واهل البل ثـم عتيبـي قراهـا ----------------------------------------------------------------------- شعر/ مصلح بن عبدالرحمن بن موطان العضياني بدون قصور في باقـي القبايـل ألا ياسعـد مـن ربعـه عتيبـه رجال" يوم ساعـات الصمايـل لهم في الموقف الغصاب هيبـه تسلسل مـن سلايلهـم سلايـل رجـال" مايعرفـون الغليـبـه وأنا أفاخر بهم والراس طايـل أماري وأعتلـي راس الرقيبـه هل الجيش وهل الخيل الأصايل وهل الوقفات وأرياهم مصيبـه تحت حكامنـا والشـك زايـل هل العوجاء مطوعة الصعيبـه ----------------------------------------------------------------------- شعر : وليد بن خالد الغربي امرك يامطنوخ مـن راس مطنـوخ ودموع عيني سبـة الفخـر غرقـا منصاك يامطنوخ لقـروم وشيـوخ من الحفر نمشي ترى الخـط يرقـا كب القصيم يمين ويسـار صلبـوخ وحول من العارض لروق (ن) وبرقا ----------------------------------------------------------------------- شعر / فايز حنيتم العصيمي ابدع بيوتن وافياتـن جزيلـه خصن ليا صارت لمدح القبيله سلام ياربعي هل العز والكاره ل الفعول النايفـات النبيلـه ربعي عتيبه كاسبين الصعايب ومن كلن قام يجني حصيلـه عيدن بعد عيدن قبل عيد يات يسى الولي يسقيه غيث المخيله ----------------------------------------------------------------------- شعر: مشعل غازي عتيق العضياني العيد عقب العيـد جمعـا عتابـه برقا وروق مرجحين الموازيـن من لابتن ياحي طـاري ولابـه تاريخها معروف بالعسر والليـن واليوم جمعاهـم بعـز ومهابـه ي ظل أبو متعب تحت راية الدين ---------------------------------------------------------------------- شعر: تركي بن سعد بن عديس العازمي عاشوا هل الهيلا عريبين الانسـاب اللـي لهـم فـي قمةالمجـد هيبـة برقا وروق اليا حصل هوش وطلاب اليـا جهلـت انشـد وتلقـا عتيبـة يشهد لنا التاريـخ حاضـر وغيـاب افعولنـا ماهـي عليـنـا غريـبـة للضد ضد وللبلـد ستـر وحجـاب وكل(ن)حسب فعلةيحصـل نصيبـة والبيت ما ياقف بلا سـاس وطنـاب وحـنـا عتيبة ماعليـنـا صعيـبـة ------------------------------------------------------------------------ الشاعر/فهيدعبدالرحمن الدعجاني المجد شمس نورها يجلي الليل يجلي بنوره كل نجم سمـاوي والعزو الهيبه لذباحت الحيـل قسم لربعي مخلفين الهقـاوي واعذرونا على القصوور يا الربع تحياتي |
|||||
|
|
|
|
|
|
|
|
|
|
18-Oct-2007, 11:27 AM
|
رقم المشاركة : 2 | |||||
|
افاااااااااا يا برقــا وافاااااااا يا رووووق
عقب التعب ما لقينا ردوووودي انا احسبن الرد من تحت من فوووووووق هذا يبي يشكر وهذا يزووودي |
|||||
|
|
|
|
|
|
|
|
|
|
|
11-Nov-2007, 02:33 PM
|
رقم المشاركة : 3 | |||||
|
بيض الله وجهك وماقصرت يابن بشيت
أخــوكــ / ابن روووق الغربي |
|||||
|
|
|
|
|
|
|
|
|
|
|
11-Nov-2007, 02:41 PM
|
رقم المشاركة : 4 | |||||
|
ابن بشيت كفيت ووفيت
بيض الله وجهك يالغالي لاهنت عل نقل القصيد اخوك :: عزام الغربي :: |
|||||
|
|
|
|
|
|
|
|
|
|
|
11-Nov-2007, 02:45 PM
|
رقم المشاركة : 5 | |||||
|
ولا تنسى الشاعر :
مشعل سعد الغشيا الغبيوي يقول من هاجس(ن) يبدع جزيلات الامثال يصوغها صوغ الذهب لا فتلها يبدع جزيل القاف في كل الاحوال يتعب على الجزله وعدا جبلها بمزاين الهيلا طنا كل رجال كل(ن) على العليا ولاله بدلها واجتمعوا اهل الذود بسهول واعبال كل(ن) جمع ذوده وطلع نفلها قبيلة (ن) فيها الكرم دوم منزال ومن يجحد الهيلا يشرف حللها تكفون يا عتابه نباها بالاجدال نبغى التكاتف والتكاتف املها صح لسان الشاعر وبيض الله وجهه وشكرا... |
|||||
|
|
|
|
|
|
|
|
|
|
|
18-Dec-2007, 12:26 AM
|
رقم المشاركة : 6 | |||||
|
شكرا يابن بشيت كفيت وفيت على هذا النقل الرائع
|
|||||
|
|
|
|
|
|
|
|
|
|
|
18-Dec-2007, 01:22 AM
|
رقم المشاركة : 7 | |||||
|
مشكور والله يعطيك العافيه وبيض الله وجهك |
|||||
|
|
|
|
|
|
|
|
|
|
|
18-Dec-2007, 02:38 AM
|
رقم المشاركة : 9 | |||||
|
ابن بشيت كفيت ووفيت
بيض الله وجهك يالغالي |
|||||
|
|
|
|
|
|
|
|
|
|
|
18-Dec-2007, 06:05 AM
|
رقم المشاركة : 10 | |||||
|
الله يعطيك الف الف عاااااااافيه ياولد العم
وصح السان الشاعار والله يطول في عمرهم وبيض الله وجهك |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
