ملفي يحاول يمرر مقلب على محمد السناني لكن محمد يمرر له مقلب اشرس منه

[اابو نايف]

التاريخ // 8 / 5 / 1420 في شقراء

محمد السناني / ملفي المورقي


طبعا هذه المحاورة كانت اخر قاف في الملعبه وكانت بحضور العلم والمرحوم صياف السحيمي و الشبح حبيب العازمي
في هذه المحاورة حاول ملفي يمرر مقلب على ابو تركي لكن الجنيه رد له المقلب بمقلب اشرس منه الغريب ان مقلب السناني ما فهمه المورقي الا بعد ما سرت الناس

واليكم المحاورة كامله كتبتها للتوثيق من الشريط مباشرة

)(-ملفي المورقي-)(
شفت السناني يلد العين
اكيد عنده كلام(ن) زين
منيته يفهقه بعدين
(واللي شبكنا يخلصناااا)

اخر الليل هبي يا هبوب // فوق شقراء ورووس اجبالها

منته بساري يبن متروك
حتى نطلّع عليك اصقوك
وتصير في حكمنا مملوك
(واللي شبكنا يخلصناااا)

اتنبه لا تضيع مع الدروب // لد لقصارها و اطوالها

)(-محمد السناني-)(
الليله انته عليك اخلاف
شفنا حبيب زهم صياف
لا ترتجف ساعه الميقاف
(واللي شبكنا يخلصناااا)

انت ملفي لك حساب محسوب // في جنوب الدير واشمالها

خوتك ماهي ما بمرغوبه
ما عودها غير ذا النوبه
خطتك من عصر منكوبه
(واللي شبكنا يخلصناااا)

باخرة نوح ما فيها ركوب // مير ابجزى العرب بعمالهااا

)(-ملفي المورقي-)(
بلشت فالوقت انا وياك
وحبيب اقشر ولا يبغاك
يدخلك منا تجي مناك
(واللي شبكنا يخلصناااا)

لو جهينه تساند للحروب // كلها شاربن فنجالهاا
(واللي شبكنا يخلصناااا)

ان رحت جعله مراح امقاط (طبعا هي امقيط بس عدها لعيون ملفي)
في القيض والا ليالي شباط
واجبك نخبطك بالمخباط
(واللي شبكنا يخلصناااا)

عقب هذي عسى قلبك يتوب // يوم شفت العرب وافعالها

)(-محمد السناني-)(
اثريك دكتور ومدرس
ممشاك مع ظلم ومع الرس
عامين بالعلم متمرس

لبسوك العرب عشرين ثوب // واقلب غترتك واعقالها


ابرك لياليّ فرقاكم
يا اصحابنا اللي عرفناك
فالوقت يا كبر بلواكم

كنت طيب وغالي ومحبوب // لين جرت عليك احبالهاا

)(-ملفي المورقي-)(
تبا تحاول تلف البيت
سوات لعبي لكن ازريت ..
واصبحت موتر يخر الزيت
(واللي شبكنا يخلصناااا)
منت شاعر ولا عندك سلوم // المعاني نعرف ارجالها

طولك يجيله ثلاث اشبار
لكن وصخن سوات الفار
يبا يموت الحمار احمار
(واللي شبكنا يخلصناااا)
رحت ذنبن عليّه من الذنوب // لنت ابوها ولتن خالها

طبعا الملقب اللي حاول ملفي يمرره في البيت التالي: (( يدخلك منا تجي مناك ))

كلمة مناك لها معنيين معنا نضيف ومعنى نجس ملقب كان ملفي يبي يمرره على الجنيه لكن هيهات

رد السناني على المقلب ببيت مقلب ما فهمه المورقي على نفس كلمة مناك .. يقول السناني ردٍ على (( يدخلك منا تجي مناك )) ((ممشاك من ظلم ومع الرس)) يعني ممشاك مع طريق ظلم وظلم ديره على طريق الرياض / الطايف ؛ ومع الرس كلمة لها معنين مع الرس يعني مع طريق الرس .... ... الغريب ان ملفقي ما فهم رد المقلب وهذا يدل على ضعف مستواه لان رده بعد بيت السناني مع الرس يدل انه ماهو فاهم ممشاك مع ظلم و مع الرس ... مع انه واضح جدا ما يبيلها توضيح وهذي مشكلة بعض الشعار يحاول يمرر مقلب وان جاه مقلب طاح من شداده

وهنا يثبت السناني انه شاعر لا يشق له غبار وانه يرد الصاع صاعين لكن البلا من اللي ما يعرف الصاعين وان الصكوك اللي طلبها ملفي جات على راسه
وكفو يا بو تركي ولا هان المورقي


والسلام عليكم ...,

ونقول الشاعر محمد السناني وملفي المورقي رموز من رموز المحاورة وشعار كبار وعمالقه




منقووول

[فهد الزهراني]

اول شي يعطيك العافية

ثانيا مايحتاج شرح وبدون احم احم

ثالثا الله يكرم الجميع عن الكلام الساقط على فرض انه المقصود

رابعا ان كان فعلا هذه مقالب وبين هؤلاء الشعراء الكبار فالله يخلف على المحاوره وعلى ناس تعلقوا فيها وأنا منهم

خامسا هذه المقالب هي اللي تكره الناس في المحاورة من وجهة نظري وعلى الشاعر ان يكون جديا في المحاورة واذا اراد ان يلطف المحاوره يجيب مقلب مقبول في حدود الادب لأن المقلب المذكور ليس من الادب في شي

سادسا:
)(-ملفي المورقي-)(
تبا تحاول تلف البيت
سوات لعبي لكن ازريت ..
واصبحت موتر يخر الزيت
(واللي شبكنا يخلصناااا)

اعتقد هنا ملفي فهم المقلب بس يقول ماهو مثل المقلب حقي ....

اخيرا: موضوع لايستحق النقل من وجهة نظري الخاصة مع فائق المودة لك وعظيم الاحترام لكل الاراء هنا

اخوك

[الكاايد]

اول مشاركه

ابو نايف ليتك حللت الابيات ومعنى المحاورة الاساسي وتركت تجي مناك و تجي مع الرس

على العموم ارى بإن ملفي صدق في قوله

تبا تحاول تلف البيت
سوات لعبي لكن ازريت ..
واصبحت موتر يخر الزيت
(واللي شبكنا يخلصناااا)

منت شاعر ولا عندك سلوب // المعاني نعرف ارجالها < سلوب يابو سلوم

دمتم بود

[الرشاش]

مقلب السناني واضح و رد ملفي واضح كذلك

اعتقد ان كاتب الموضوع لا يفقه الشعر اطلاقا

[صاحب الكلمة]

السناني والمورقي رمـــوز

وفي تاريخهم الشعري الكثير الكثير من المحاورات المميزه

ويجب اختيار المميز لنقله

[محمد ابن رووق]

اذا هاذي مقالب فهي مستهلكه

[ماجد العصيمي]

المقلب والله يوم تنقل الموضوع

[اسير الغربة]

مع احترامي وتقديري لك اذا ما يعجبك من الشعر الا هذا فلا داعي لمتابعتك له
هذه اشبه بالكلمات المتقاطعة وليست من الشعر في شي

[فالح الشهراني]

أأبونـايـف ::

بـيـض اللـه وجـهـك .. ومـشكـور علـى الـنـقـل ..

وأتمـنـى من الاعضاء أن يعطـوا رأيـهـم بالـمـوضوع ولايـتـطرقـون لانتـقــاد الـعــضــو ...


ولـكـم الـتــحـيـه ..

[ورقان]

الشك دخل السناني من بداية الطاروق وليس في اقتباسك فقط

عندما قال ملفي

((منيته يفهقه بعدين))

رد السناني يوضح سوء ظنه


الليله انته عليك اخلاف
شفنا حبيب زهم صياف


رد ملفي يزيد الامر سوء:


بلشت فالوقت انا وياك
وحبيب اقشر ولا يبغاك
يدخلك منا تجي مناك

والسناني كذلك:

اثريك دكتور ومدرس
ممشاك مع ظلم ومع الرس
عامين بالعلم متمرس

____________________

قولك ان ملفي لايفهم يوضح لي ان نظرك لايتعدى ارنبة انفك
لان ملفي في غنى عن رايك وعن رايي وعن راي السناني
وليكن في علمك ان من اسباب ظهور السناني وزيد بن سلمي

ملفي المورقي