" بعض البشر " ودك لو يجوز قتله !!

[محمد الـعـريدي]

بعـض البشـر / ودك لـو يجـوز قتـلـه = يقتل و يدفـن .. مـا وراهـا مطاليـب !!
و يحرم علـى كـل العيـون إن بكـت لـه = بعضهم ليا مـات / موتـه " مكاسيـب " !!
استغفـر الله .. ضيقـة الصـدر جـت لـه = ضلوع صدري كـن فيهـا " لواهيـب " !!
من بعض ناس(ن) ضيق صدري حـدت لـه = مليت آجاملها .. لأجل ( خاطر ) الطيـب !!
اثر الحسـد لا ابطـى وهـو منكمـت لـه = يجرح قلوب اهل الحسد ( جرح ) ما يطيب !!
اقولهـا واللـي بداهـا " بــدت لــه " = من باب ما مـرّت علـي ( التجاريـب ) !!
ينقدك شخص(ن) " وقفتك " ما صفـت لـه = ليـا عجـز عنهـا .. ردي المناسـيـب !!
و يهرج بك ( العاجز ) ليا مـن طـرت لـه = لا فاعل(ن) فعلك .. و لا منـه تجنيـب !!
( أعداء النجاح ) .. و ياعدو(ن) عدت لـه =الــود وده لا تـسـوي و لا تصـيـب !!
واللـي لقيتـه .. والأذان سمـعـت لــه =شي(ن) حرام اكبر من الذنـب و العيـب !!
لكن طريـق(ن) فيـه رجلـي مشـت لـه = ما تقصر الخطوه .. ولا الهقـوه تخيـب !!
واللي يبي الزبـده .. تحـرّى و جـت لـه = بالمختصر .. من دون شكـه ولا ريـب !!
( الكلب ) لو ينبـح مـا احـد ملتفـت لـه = ( و الذيب لا منه عوى جاوبـه ذيـب ) !!

[أبن حشيان]

صح لسانك خوي محمد الله يطيك العافيه بعض الناس باليهم الله بالحسد الله يهديهم عمومن تقبل مرووري اخيك

آخر تعديل أبن حشيان يوم 16-Jun-2011 في 01:44 AM.

[محمد الذيابـــي]

صح لساااااااانه

التوقيع

التوقيع محمد الذيابـــي

[مرزوق حمدان العتيبي]

من بعض ناس(ن) ضيق صدري حدت له
مليت آجاملها .. لأجل ( خاطر ) الطيب !!
اثر الحسد لا ابطى وهو منكمت له
يجرح قلوب اهل الحسد ( جرح ) ما يطيب !!

الله اكبر

ابداع صح لسانكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالرحمن العتيبي]

"
"

الله واكبر عليك

( الكلب ) لو ينبح ما احد ملتفت له
( و الذيب لا منه عوى جاوبه ذيب ) !!


صح لسانك ابداع بمعنى الكلمة ،،،،

[مــعــدي الــعــتــيــبـي]

صح السانك


والحسد والحقد وعدوان النجاح مايردونك ان شاء الله



والمستفيد انت ينرفزونك تطلع لنا بدرر


يعطيك العافيه

[سلمان المرشدي]

صح لسانك كفو يالثبيتي

[خلف القثامي]

صح لسانك



على الجزاله في الابيات والمعنى