فالح بن محمد ال قشعم انتبه الى هذا الاسم في شاعر المليون

[فلاح الهاجري]

احب اعرفكم قبل لا اعطيكم القصيده ان بني هاجر تنقسم الى ثلاث افرع (المخاضيب- ال محمد- ال حمرا)

اضع بين ايديكم هاذي الرائعه

للشاعر المتألق الذي يحضى بجمهووووووور رائع

الشاعر:

فالح بن محمد ال قشعم


والذي هاضت قريحته في امتداح قبيلته واتمنى ان تحوز على اعجاب الجميع






يقول من بدعه على غيره اصعيـب
راهي ونهجـه مـا يغيـر مسـاره

ِِِِِِِِشرًد معانيًـه مـا تحتـاج تعريـب
امعرًبـه مـا عربتـهـا الأثــاره

صمخ البيوت اللي ما في بدعها عيب
تطلق السان اللي براسعـه نعـاره

فرايـد(ن) مـا فندوهـا اللواعيـب
اللي شرايدهـم علـى غيـر أداره

شعـار تلفازوطبـايـع رعابـيـب
تحـت شعـار ان التقـدم حضـاره

وانا ماني بضد الحضـاره ولانيـب
راضي على وضع الرقيـب ورداره

الشعر ادب والبدع معنـى وترتيـب
واللي يجيـده مـا ينقـص وقـاره

اما يخلد باسم راعيـه بـا الطيـب
ولا بـلاش مـن اللغـى والعيـاره

ماهوب مقياس(ن) لعكف الاشانيـب
اللـي مراجلهـم تـذب الـصـداره

لكنً واهس...والطـواري غياهيـب
يسج معها اللـي بصـدره حـراره

كثرة اعلـوم قريبيـن المحاضيـب
وكلن بدع له سالفـه مـن مـداره

احد (ن) يقول ان قولنا ماله مصيب
وحدن يقـول انـه كسرنـا بغـاره

وحدن نسب ساسه وهو ساسه ايعيب
وحدن يقول ان فعلنا حكـي حـاره

وحنا ما ننظـر للحكـي والاكاذيـب
نشـوم مـن كلمـة ردي العبـاره

لولا الحدب ومعكفـات المشاعيـب
يمدي كلتنا السن اكـلاب المغـاره

قومـن خلقنـا للمسيـر معازيـب
وعوق الحوار اللي تهيـزع فقـاره

كرمان مانخلف اسلـوم المواجيـب
ولا نحسب احساب ربـح وخسـاره

وظفرين لامن غثربـن المشاريـب
وليـا تقدمنـا مافيـنـا بــواره

حزنة ظفر ماحنب حزنـة دوالييـب
من قو مافـي روسنامـن سطـاره

مقدامنا شافـي حصـان الاطاليـب
شيخن براسـه حلـم راي وقشـاره

لا شب ضوه فوق روس المراقيـب
ربط عدوه مـا غـلا مـن اقشـاره

لاقاد جمـع محمـدن والمخاضيـب
وشريـف والنبـاب جتنـا أخبـاره

ميرادنا يشبع بـه الطيـر والذيـب
وسون على اللي في فـواده نمـاره

كم شيخ قومن حوً لتـه المعاطيـب
بكفـوف اعيالـن تزيـد المـراره

كم من عقيدن طاح واخلى المراكيب
وعليـه يبكـن البـنـي بـغـزاره

ما نلتفت للـي اليـا قـام ماهيـب
الا على اللي فـوق راسـه لمـاره

خـلان اشـدَه مروييـن المحاديـب
مانتقـي لاصـار للحـرب شــاره

اليـا تعزوينـا بحـرش العراقيـب
سودن عليه اوسـوم ربعـن نـداره

نرعابهـا قفـرن لنبتـه نبانـيـب
عشبه من الوسمي يشعشع خضـاره

هواجرن والساس ما عنـه تجنيـب
من روس قحطانن ومن عقـر داره

ادروعنا اللي ضربهم صعب وتعيـب
وحنا محازمهم علـى اول شـراره

حامين نجد امطوعييـن الاصاعيـب
وكسيرهم يبطـي ماتجبـر اجبـاره

مركاضهم منه البزر يلحقـه شيـب
وتاريخهم مجدن ما يحجب استـاره

لطيب ساس وللحرايـب مشاهيـب
وكل قحطانـي للوفـا شـي نـاره

علـي مدايحهـم تزيـد المكاسيـب
واشوش من بيتن ما يخدش اجداره

قحطان لهتزت اسـروج المهاذيـب
اهتـز نجـد والعـراق وجــواره

ندري الخوي من بد كل الاصاحيـب
ولا نحسه فـي الحكـي والنـزاره

ولجارنا احلى من لبن شمخ النيـب
ندمـح اكبـاره ونتحمـل اصغـاره

الهاجـري لمنـه خـاوا الاجانيـب
تلقى ضويـه فـوق راس الزبـاره

عجلن على المخبا ولا يعلم الغيـب
ونفسه على كسب المعالي امجـاره

من غير قاصر فا الاصول المجاذيب
الطيـب ولعـه والمراجـل منـاره

وفي فعلنا مافيـه شكـن ولا ريـب
وقولن بليـا فعـل عـده خسـاره

مافي الحكايا فود ياهـل المكاتيـب
الشرح واضح... والحقيقه شعـاره

اليا بغيت الطيب يا مـدور الكيـب
رافق بني هاجـر وتلقـى شنـاره





وسلامتكم


ملاحضه ( شريف المذكوره في القصيده المقصود بهم _ ال حمــــــــرا )

ولا قصور في باقي ربعنا

ابغى الردود فديت اخشووووووومكم


ولكم كل الود والاحترام مني



اخــــــــــــــوكم:
فلاح الهاجري

آخر تعديل فلاح الهاجري يوم 01-Nov-2007 في 05:54 AM.