الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: البيت لاعجبني اجاريه باحساس (آخر رد :الريشاوي)       :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 17-Jul-2009, 01:17 AM رقم المشاركة : 1
معلومات العضو
عمر الدغيلبي
مشرف سابق

الصورة الرمزية عمر الدغيلبي

إحصائية العضو






التوقيت


عمر الدغيلبي غير متواجد حالياً

Exclamation شعراء قبيلة عتيبه الهيلا في الدفاع عن الرسول صلى الله عليه وسلم

السلام عليكم ورحمة الله وبركاته

أسعد الله مسائكم وصباحكم بكل خير

تضامنا ً مع موضوع الدكتور / نايف العتيبي ( أيها الشعراء سهامكم فهذا يومكم )
حيث قال الدكتور نايف العتيبي في موضوعه :

لا بارك الله بالشعر إلم يكون لنصرة دين الله وما والاه


وقد قال حسان بن ثابت شاعر الرسول صلى الله عليه وسلم لرسول الله صلى الله عليه وسلم(وَالَّذِي بَعَثَكَ بِالْحَقِّ لَأَفْرِيَنَّهُمْ بِلِسَانِي فَرْيَ الْأَدِيمِ ) رواه مسلم .



وعن الْبَرَاءِ رضي الله عنه قال قال النبي صلى الله عليه وسلم لِحَسَّانَ : ( اهْجُهُمْ أو هَاجِهِمْ وَجِبْرِيلُ مَعَكَ) رواه البخاري ومسلم .



وَقَالَتْ عائشه رضي الله عنها سمعت رَسُولَ اللَّهِ صلى الله عليه وسلم يقول : ( هَجَاهُمْ حَسَّانُ فَشَفَى وَاشْتَفَى )رواه مسلم .



وقد وصف رسول الله صلى الله عليه شدت شعر ابن رواحه على المشركين فقال :
(فوالذي نفسي بيده لكلامه أشد عليهم من وقع النبل)رواه النسائي والترمذي ابن خزيمة وابن حبان وغيرهم إسناده صحيح .




فقد ساهم أعضاء منتدى الهيلا عمر العتيبي و محمد العتيبي بجمع سهام شعراء قبيلة عتيبه الهيلا
التي أطلقوها على من حارب الرسول صلى الله عليه وسلم وأساء إليه


وليس ما جمعناه فقط هي السهام التي أطلقت بل هناك الكثير والكثير

فشعراء قبيلة عتيبه الهيلا هم شعراء المواقف وفي كل موقف يحصدون المراكز الأولى

فمن هنا أطالب أخواني أعضاء هذا الصرح الشامخ بأن يتعاونوا معنا لإثراء هذا الموضوع

بجميع قصائد شعراء قبيلة عتيبه الهيلا في الدفاع عن رسولنا الكريم صلى الله عليه وسلم








قصيده للشاعر / سداح في الدفاع عن الرسول صلى الله عليه وسلم



ياموزع الصحف وقف لا تعداني=لاهنت عطني من اللي معك مطويّة
بحساب مانقبل التوزيع مجاني=شكرك على المطبعه لاتنقله ليّه
عطني لوان الجريده حسب ماجاني=اوراقها ميته واخبارها حيّه
تقول فيها الخبر حصري على شاني=تثير في صدري انواع العصبيّه
لاقلت هاد الخفوق وقرّ ميزاني =جتني بخشم الفتيل وولعت فيّه
ترمش عيوني على شعله ودخاني=دخان في هذي وشعله في هذيّه
ياطول بالي على ماحس وجداني=والحس لولاه ماعرف الحساسيّة
ماغير احايل ضميري قدر الامكاني=ومواكب الهم خيّالة ورجليّه
ياللي تنادون باسم حقوق الانساني=وين احترام الديانات السماويّه
اللي يثير الضغينه بين الادياني =بكره يصوّت على الحرب الصليبيّه
حقود والحقد فيك اشكال والواني=نصراني الدين والملّه يهوديّه
نازي ومتعنصر وملحد وشيطاني=وكنايسك عمروها بالحزازيّه
تقرا على الغانيه وتحضر الجاني=وتصوّر القسّ بين الشمس والفيّه
نبينا اطهر بشر يالمفتي الجاني=منصور برعاية اللي يدمح السيّه
رسول ورسالته من وحي رحماني=زاح الظلام وبعث للخلق ماويّه
مايلحقه زيف ولا يقفاه بهتاني =سيد البشر كلها ماينخلق زيّه
صلي الله وسلم وبارك بالاحساني=عليه لا حلّ بين الناس طاريّه
شريعته واضحه سنّه وقرءآني=ماهي خيالات واطباق خرافيّه
الله يسلّط على البابات من داني=لابوه بابا على ابو منهو اوبيّه






قصيده للشاعر / عبيد بن بريكان اللاصوم الدغيلبي العتيبي



يالله يا عالم خفي السريره = يا عالما ً ما تحوي أرحام وقبور
يا عالما ً بالغيب شره وخيره = محدد نهار الحشر والبعث ونشور
أبرج لعينا ً من سهرها ضريره = تسهر وكن الشب في الموق مذرور
أمسيت أنا وجروح قلبي غزيره = ينزف صواب القلب بالدم شختور
أسبابها غيضا ً تزايد زفيره = أصبر وأنا قلبي من الحزن مخطور
جزعان من قول الشعوب الحقيره = مما سمعته في النبي غير مسرور
أسود ضمير ومعمي الله بصيره = كلبا ً على الإسلام والرسل مسعور
ويمنا ً تمثل فيه عطاء الجبيره = وينشل لسانا ً قال في سيدي زور
عيني بصيره والأيادي قصيره = من القهر كني على الزور مسمور
لا يا أمة الإسلام هذي مغيره = سب النصارى وسب عبادة الثور
نبينا اللي سيرته مستنيره = وش عذرنا ما دام لحق النبي جور
ان كان ما فينا على الدين غيره = حتيش لو قمنا حضارات وقصور
إليا وردنا الحوض يوم الحشيره = في وقته اللي في الصيحات مذكور
نطلب شفاعة والمواقف عسيره = وشلون نحصد حب ماهوب مبذور
مهما يقول ابليس وإلا شويره = حب النبي في قلوب الأجيال محفور
إلى دعا قايد جميع الجزيره = يبشر بربعا ً لا دعاء الداعي احضور
نذكره حطين يوم الكسيره = يوم انهزم جنده من القدس مذعور
ونذكره بالمعتصم والمسيره = زاره ومن دونه محيطات وبحور
أحفاد خالد مع سعد والمغيره = وأبي السرح من بعدهم كمل الدور
واليوم دور أهل الحمول الكبيره = اللي لهم في شيل الأحمال مقدور
حكامنا اللي يركبون الوعيره = دون الشريعه كل ضرغام ونمور
عمدان بيت الدين في كل ديره = والبيت ستره من وراء بابه السور
ملاذنا في طوالها والقصيره = لا جاء النهار اللي به الفعل مخبور
أقل شيء أن نرحل سفيره = وسفيرنا يطلب رجوعه على الفور
وإنقاطعه في كبارها والصغيره = ولا رزقنا عند أسود الوجه محصور
وألا الشهادة جعل في الأمر خيره = نسكن نعيما ً بين الأبرار والحور
وبابا النصارى يوم يزمي زبيره = صرح مع الإعلام خطبه ومنشور
ما يعتبر قدام يلعن مشيره = مطاوع كلام إبليس وعيونه العور
وختامها صلو صلاة كثيره = على نبينا حط للدين دستور







قصيده : للمشرف العام الشاعر / مرزوق بن حمدان العتيبي




فدوة ٍ للمصطفى روحـــي وماتملك يميني = كيف لا .. واللي خلقني حط حــــــبه في كياني
حط حـــبه في كياني ماتغيـــــــره السنـيني= وانثني من دون عرضــــه بالذراع وباللـــــساني
باللسان ادفع عنه واصد كيد المغرضيتي = والذراع اضرب على من مس عرضه بالسناني
حبه اغلى من حياتي والولد والوالديني = واجـــــب ٍ هــــذا عليـــنا في قــــسا ولا لــــياني
النبي اللي جعـــله الله خــــير المرسلــــيني = جل من خصّه بفضـــــــل ٍ ماعـــطاه لمودمــاني
خير من يمشي على وجه الثرى فالعالميني = الشفيــع الهاشـــمي يوم الحـــشر فضــله يباني
في نهار ٍ تذهل المرضــع وترمي بالجنيني = يمنــــــــحه ربي شــفاعه لامـــته قاصـــي وداني
صاحب الوجه المنير وصاحب اللب الفطيني = الامانه من صــــــفاته والتواضــــــع والحناني
دعوته خير الدعاوى كلها.. حكـــمه ولـــيني = ابتـــــــــداها باهـــل بيته..... ثم بينــــها بياني
كلفه ربي وقال اصــــــدع بها في كل حيني = من يطيعك طاعني واللي عصى لامرك عــصاني
صدقوه المؤمـــنين االصادقين لمخلــصيني = مثل ابو بكر وعلي في سر.... ولا فـــــي علاني
بعد ماشاف الاذيــه من يسار ومـــن يميني = اعلـــن الهجره وحان امفارق الاوطان حاني
انطلق من وســط مكه داخله قلب ٍ حزيني = ماعليه افراقها رغم الذي لاقـــــاه هـــــــاني
متجه صوب المدينه يدفعه شوق وحنيني = لهلها اللي بايعــــــوه وقدمـــــــــوا كل الاماني
معه ابو بكر الصديق الصادق الرجل الاميني = صحبة ٍ ياطيبها ما ادرك شرفها شخص ثاني
حين ماوصل المدينه اظــــهروا له منشديني = مرحبا باللي لفانا من بعـــــــــــيد الدار عاني
كل يقول انت عندي مسـكنك في وسط عيني = يارسول الله تعـــــال فداك روحي والمـــكاني
كرموه وناصروه وصار له حبّ ٍ مكيــــني = في قلوب اللي لهم في صفحة التاريخ شاني
انصره ربي واعز الدين بالفتـــــح المبــيني =وارتفع صوت الاذان وكبـــــــــــرت كل المباني
من تمسك سنته ماخـاب في دنيا وديــني = منهجه نور ٍ يدخـــــــــــــلنا مع ابواب الجناني
كيف يجرأ واحد ٍيرسمــــه بالرسم المشيني = قبحه ربي وجـــعله من هوان ٍ في هواني
اتهبا يالدينـــــمركي ياللعـــين ابن اللعـــــــيني = والله انك ماتحقـــق غايتــــك ياهالجباني
الشلل جــــعله يصيبك فالرجـــــول وفاليديني = ماتهنا في حـــــــياتك من كثر منت بتعاني
من اجل تكون عبره للــــــعلوج الحاقديني = لو حنا نعرفك يوم المـــــــــواجه ماتداني
انكشف حقد النصارى المشركين المجرميني = والهدف تشويه هذا الدين مع طول الزماني
قاله الله في كـــتابه كل...... الامه عارفينـــي = العداوه ماتغــــــــــير لو نفى كوفي عناني
وابك حنا ماخلقـــنا.... غيـــر لله عابدينـــــي = والشهـاده في سبيله نعتبرها اغلى الاماني
ان دعا داع الجهاد نقــــوم لله مسرعيني = مع ولي الامر مانخلف عنه حتى ثواني
والسلام اختــــام يالله ياولي الصالـــــحيني = نسالك لطفك وعفوك والمزيد من الحساني




قصيده : لشاعر الرسول صلى الله عليه وسلم : الشاعر / خالد بن محمد بن هزاع الدعجاني العتيبي


دعت سمرالجدايل وانتخت بالقذلـة الهلـة=تبي مني عروس للقصيد ازريت لاغويهـا
ويوم اني لقيت لها الخلود وجيت ابوصل له=تنحرك الكـلام اللـي فهقهـا دون مغليهـا
خضع لك راس مسبوق القصايد وانحنى كله=وانا بك شاعرالدنيـا ومشغلهـا وماليهـا
يذكرني رحيلك مجلـس بـاق علـى حلـه=مداهيل الرجال اللـي تنومسنـا مواطيهـا
هنا سليت سيف يوفي الثارين مـن سلـه=هنا علقت رمح يطعـن الجـوزا ويطفيهـا
هنا بينـت مصحفـك الكريـم ودلنـا دلـه=معك نبدا مواعيـد الكـلام وننتهـي فيهـا
هنا ساقيت غصن من غلا كنا تحـت ظلـه= نسولف بالغنا يـا بايـع الدنيـا وشاريهـا
هنا كان الرجال جبال ما تقبل خنـا الزلـة = عمايمها سحـاب وابلـه باقـي مواظيهـا
رجال لو تشوف الماء غدر ما شربتـه لله = نبت عشب الرضا يا سيدي بأول مغازيهـا
هل التوحيد وكنوز العلوم ونصـرة الملـة = رجـال يضحـك التاريـخ لولهـا وتاليهـا
هنا ماضيك ورياض الخليل اللي رعى خلـه = شربنا عذبها مـدري لعبنـا فـي مغانيهـا
هنا تخنقني العبرة وانا اكتب يا رسـول الله = على قبرك نسيت الناس حاقدهـا وحانيهـا
وابو قبر يتيه من الفخـر بالبيـد وتجلـه = على حسد تبين مـن سمايمهـا وصاليهـا
ويهناك الوفا قبر يضمـك فـي ثـرا تلـه = ما دامه بين فردوس الجنان وبين منشيهـا
وانا لامن ذكرت فراقك اللي في يدي غلـه = نسيت ان الليالي شيبتنـي مـن بلاويهـا
على بعد الزمان اللي يعقد الحبـل ويحلـه = ليامني ذكرتك طاحـت الدمعـة وراعيهـا
سلام الله ما هز الصبـا نسرينـه و فلـه = على الطفل اليتيم اللي عطى الدنيا معانيهـا







قصيده : للشاعر / مقعد بن محمد بن رماح الدغيلبي العتيبي






من غالي أعقود الذهب أللبس المعنى قناع=وآعسّف صعيب المفرده بالمعرفه واجيبها
كله لجل وجه الحبيب أن شن هجمه مع دفاع=ونكشف حقايق من تنصبها كشف تنصيبها
قالوا دفاع وقلت انشهد واحتزمنا للدفاع=أرواحنا دون الرسول الهاشمي نسخيبها
أبشر بنصرك يارسول الحق مافيها نزاع=أبشر بليلة نصر لحفادك تبي تسريبها
تخسى وتعقب ماتشوه صورتك نجس الضباع=تبقى العفيف الطاهر اللي سيرتك نمشيبها
حنا هل التوحيد مافي صفنا نوع انقطاع=أفعولنا في بدر وأحنين الزمن يحكيبها
ياأمة الاسلام حان الوقت وانقاد الشعاع=إلى متى بالذل ودروب الزرا نعطيبها
إلى متى فوق المسارح لمتى ذا الانصياع=إلى متى سلعة خنازير الكفر نشريبها
تسعين قمه تنعقد مابين مجلس واجتماع=دارت رحاها فوقها ثم أطحنت ترتيبها
إلى متى ياأمة الاسلام مرخين الخناع=إلى متى تضحك علينا أمسيلمه واصحيبها
عقرب ثرى قدم وورى بصماتها في كل قاع=هلاكنا مشتالته من راسها لذنيبها
ماعاد فيها غير نخوة واحدٍ شاف السباع=قامت تحوفه والجبال السود يقنب ذيبها
وامالنا نبي نعلقها على الحر الشجاع=زعيمنا أللي كلمته كل العرب تمشيبها
من شان شعبه والعرب يسعى بقدر الاستطاع=لجل امته يصبح بدار ولجلهم يمسيبها
تكفى يابو متعب نبي منك ألأمر وامرك مطاع=أبشر بعزك والليالي محد يعلم غيبها
ومابين شنات الهجوم وبين تكتيك الدفاع=ارواحنا لجل الرسول الهاشمي نسخيبها





للشاعر المرحوم : رشيد العلي الحمد الأسعدي العتيبي يمتدح فيها سنة الرسول عليه الصلاة والسلام




السنّه الغرّى كما الصبـح لابـان=تمسي وتصبح كل يوم(ن)جديـده
لوقمت بالتوحيد مع كل الاركـان=وواليت غيره فاانت مالك شريـده
بعض العرب يطبع على قلبه الران=يقرا كتـاب الله وهـو مايفيـده
من حارب الله ماتزبنه الاوطـان=تهتوا طريق الرشد ياغزل عيـده











قصيده : للشاعر / نايف بن الحميدي بن حمدان الدغيلبي العتيبي






من هجوسٍ تقطع الحق وتجيب الجزال=ياسلام الله سلامٍ على وجه الرسول
اكرم انسانٍ وطى بالقدم فوق الرمال=طاهرٍ عرضه نزيهٍ عفيفٍ له قبول
الشريف ابو الحسب والنسب نسل الرجال=النبي الهاشمي صفوة قريش الزحول
الجناب المعتلي والوفاء والاحتمال=كرٌم الله عرضه اللي تسلسل من وصول
الزهيد الي زهد في حياته ماستمال=الصبور اللي تصبّر على شيل الحمول
لين شاعت دعوته من جنوب ومن شمال=ثم عمٌت سيرته واستدامت ماتزول
سيرة منها نميٌز حرامٍ من حلال=سنةٍ فيها جميع الفوايد للعقول
ياسلام الله على ذكره اللي لايزال=مثل نور الشمس مادونه احجابٍ يحول
وقبٌح الله من يسبه عسى عمره زوال=من تطاول في مسبته من فوقه نطول
صورة الخنزير قدره مثل قدر النعال=مانعدٌه كلنا غير اخس من النعول
الخبيث النجس ذيل الثعل نسل الثعال=قبٌح الله وجهه اللي من الخبث معلول
الحقير النذل وزن الطفايس والهزال=الجبان ابو الدّنس نسل مربيت العجول
شرذمة كفار ماتوصف الابالحثال=كلبها ينبح ويرقص على صوت الطبول
علموا هالدينمركي ترى ماله مجال=كلنامن دون عرض النبي صفٍ يهول
والله انٌا نرتكيله مثل صم الجبال=انبغاء بالهرج والابغاها بالفعول
والختام اعداد مالاح براق الخيال=ياصلاة الله وسلم على ذكر الرسول



قصيده للدفاع عن ( محمد ) صلى الله

عليه وسلم

ومقاطعة الدنمارك للشاعر / نايف بن غزاي بن حليمه ..




نسـئـلـك يالله بأسـمـاك يالـحــق الكـريـــم = ياوكــيـل وياقــوي ويامـتـيـن وياقــديـــــر
ياسـلام ياقـــدٌوس يارحـمـن ويارحـيــــــم= يامعــز ويامـــذٌل وياسمـيع ويابصـيـــــــر
ياوهـاب ويارزاق ويافـتـاح وياعــلــيــــم =ياغــفـور وياغــفـار ويامـتـكــبـٌر ياكـبـيـر
يامهـيمن ياعـزيــز ويارؤوف وياحـلــيــم = ياشكــور يارشــيــد ياصـبــور يانـصـيـــر
يارقـيـب ويامـجـيـب وياحفـيـظ وياحـكيـم = يالـطـيــف ياقـهٌـــار وياجــبٌـار وياخـبـيـر
يامغـيث وياحسـيب وياجـليــل وياعـظـيـم = ياعـفـؤ ياتــواب انـت الأول والاخــيــــــر
احــفــظ الاســلام مـن كـل شيـطان رجـيم = احـفـظ محمد وعـرضه من عدوله حـقـيـر
واحفظ محمد نبيك من صغير ومن سقيـم = مـثـل حـفظ البـيت يوم ابرهه جاله يسـيـر
من خـنازيــر تبـجــح بالجـديــد وبالقـديـم =مـرة تجرح الـ عيسى ومرة تجرح بشيـر
ياإلاهـي اسخـط الظالـم وذوقـه الجحـيـــم =واسخـط الطاغـوت يالله واصله بالسعـيـر
وانـزل اللعــنه عـليهم كل ماهـب النسـيـم =مثــل ريح صرصر عاتـيه بئس المصـيـر
وين يـأمـة محمـد صحـوة العـقـل السليـم = انبـذو الفاسق لداره واوقـفو اجـر الأجيــر
قاطعــوه وعاقـبــوه وسددولـه بالـصميـم = واضـربوه بعـقر داره حتى مايلقى شويــر
لويـــقـدم لأعتــذاره لا تـروفـو بـاللـئـيــم = ازجـروه وهددوه بسوء فعـل له خطــــيــر
يأهل التوحـيـد هـيا جاهـدو بليـل عـتـيــم = جاهدو لعرض الرسول اللي بنوره نستنيـر
ارفعـو للـحـق راية واكـسـبوا اجر ونعـيم = في دفـــاع عـن رســول جاء للامـة نذيـــر
واردع الظالم بطيشه حتى يمشي مستـقيم = كيف يسخرمن محمد في رسوم الكاركاتير
قاطع الدنمرك والنرويج واعوان الزعيــم = لوزعـل شيـراك مع بـوش واستفزع بليـر
وقـفـو بـوجـه الطغـاه وكـل يوم له خصيـم = وانزلو حوض المنايا واشربو عين الغدير
والصلاة مع السلام على رسول الله القويم = عدٌ من لبـى بـمـكـه قاصـد مـقـصـود خـير







قصيده : للشاعر / خالد بن سعود بن صنيتان الدغيلبي العتيبي






الغرب بث الحقد وكشّر بالانيـاب=يالله عساك تعين في كسر نابـه
حنا نوينا نقـوم فتيـه وشيـاب=ندوس خشم ابليس ومنهو لجابه
مابعد سيد الخلق ضحـك ٍ وآداب=مابعدها يانـاس حلـم وذرابـه
أجل رسول الله يرسـم وينعـاب=ومحدٍ من الدنمرك يلقى حسابـه
كوفي عنان اجلد ولا هش بخطاب=أنا اشهد الملعون راس العصابـه
هذا الرسول اللي نحطه بالاهداب=نفداه بـالارواح لوشـي اصابـه
لا ماصدقتوا ياحليقين الاشنـاب=دنّستـوا التاريـخ لا واسفابـه
هذا النبي اللي يلقـب بالالقـاب=صادق أمين وكل خيـرٍ نشابـه
ماضره التشويه من زمرة كـلاب=لا مايضر النجـم نبـح الكلابـه
لايابقـر دنمـرك قدامـك ذيـاب=تارد حياض المـوت لا ماتهابـه
منتوجكم هالحين يرمى بالاسياب=نرفع شعار الحظر واضح كتابـه
بنصوب الدنمرك بسهوم الاضراب=والا سلاح الحـرب يامرحبابـه
اللي يفـك الفـم نمـلاه بتـراب=واللي يمـد اليـد بنطـق بابـه
الكل منـا يتبـع الحـق طـلاب=نبي نعيد امجاد عصر الصحابـه





قصيده : للشاعر / خالد بن ذياب بن هليل الدغيلبي العتيبي



الايالله يارب العبادي = دعيتك ياعليم في مرادي
دعيتك دعوة المظلوم يالله = تزيل الهم وتريح فؤادي
الايالله بأشكيلك همومي = وهمومي من هموم اهل الجهادي
رسول الله ترسمه الجحلط = محلبت البقر في كل وادي
يهينونه برسم مايشرف = عليهم لعنة الله والعبادي
عسى من يرسمه تنشل يده = وتبتر من على حد الايادي
هذا محمد نبي الله طاهر = نزيه العرض قايدنا الريادي
نبي قاد الامة للهداية = ودل الناس للدرب الرشادي
شفيع الخلق في يوم القيامة = نهار الحشر في يوم الحصادي
ختام الرسل وآخر دين دينه = وحبه في قلوب الخلق سادي
على محمد صلى الله وسلم = رسول الحق لانادى المنادي
غلاه اكثر غلا من والديني = مانرضى السب ياتيه متحادي
نقاطع كل من سبه واهانه = بدافع معنوي والااقتصادي
وبعض الناس لوتقول اسمع = وتنشد ويش سوى قال عادي
هذا رأي وحرية صحافة = ويابن الناس ياليتك حيادي
حياديين بس فدين ربي = لابالله مانرضى الدوادي
نصبح كل قوم ونهجدها = ليا بان الصباح من الهجادي
على الدين وشريعتنا قويمه = وحب الدين فينا بأزتيادي
على الاسلام مابه دين غيره = رغم انف النجس واهل الفسادي
وعلى المختار صلى الله وسلم = عدد ماهب نسناس البرادي






وفي الختام ننتظر مساهمتكم معنا مشكورين مأجورين بإذن الله















التوقيع
في منتدى الهيلا زحول الرياجيل = بيت القبيله و النشاما إرواقه
يزينه حرصه لزين التماثيل = ويجمله نبذ العلوم الدقاقه
آخر تعديل عمر الدغيلبي يوم 17-Jul-2009 في 01:19 AM.
رد مع اقتباس
غير مقروء 17-Jul-2009, 01:29 AM رقم المشاركة : 2
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

قصيده للمشرف العام لمنتدى الهيلا *** قبيلة عتيبة

الشاعر / عبدالملك بن عواض الخديدي العتيبي ( ابو الوليد ) .




قصيدة / سيد البشرية محمد صلى الله عليه وسلم


مُحَمَّـدٌ .. نَبيُّنَا .. شَفِيعُنَا = صَلَّى عَلَيكَ فِي الدُّجَـى مُوحِّـدُ
حَمْـداً لــك اللَّهم إذْ هديتـنـا = للحقِّ مـنْ نُـورِ النَّبـيِّ تُوقِـدُ
مدَّ الضِّيَاءَ فـي النُّجُـوم بعدمـا = كان الظلام فـي الفضـاء يُمْـدِدُ
دانَتْ لَـهُ كـلُّ العبـاد رغبـة = في العدل لا ظلمـاً ولا تُسْتَعْبَـدُ
بُعِثْتَ فـي كـلِّ الأنـام رحمـة = وبالهـدى مبـشـرا وتُـرْشِـدُ
نِبرَاسُنَا إذا افتَقَدنَا أمْرَنَا= أوصـى إلينـا بالنجـاة أحمـدُ
عليك منْ فضل الإله أنْعُمـاً = طابتْ بك البشرى وطابَ الموْلدُ
بالوحي تمشي والخطا سيَّرْتهـا = سِفْراً عظيماً يستطيـبُ المَـوردُ
داويتَ جهلَ القوم في غلوائهـم = والجُرحُ من هدي النَّبيِّ يُضْْمَـدُ
أنتَ الأمينُ صادقٌ فـي وعـدهِ =في فعْلـهِ فـي كُـلِّ مـا يُـرَدِّدُ
للهِ نحْـيـا والحـيـاة ظلـمـةٌ = وأحمـدٌ بالنـور فيهـا يَعْـهَـدُ
لله آمـنَّــا فـكُـنَّـا أمَّـــةً = ٌالعـدلُ فيهـا والأمـانُ يُعْـقَـدُ
هلَّـتْ بآيـات الكتـاب أمَّـتِـي = والمرسـلات والمثانـي تشْهـدُ
يا فارسَ البُـراقِ قـد سبقْتَهـم = إلـى الفضـاءِ والبـراق يُفْـردُ
والأنبياءُ فـي السَّمـاءِ زرتهـم = فطابَ منك الجمـعُ والمُسْتَفْـرِدُ
وانشقَّ عنك البدر فـي بهائـه = والماء تحت العرش صفواً يَبرُدُ
مكـارم الأخـلاق فيـك شيمـة = أتمَّهـا ربٌّ شـكـورٌ يُحْـمَـدُ
والأرض قـد جعلتهـا مـنـارةً = فيهـا سـراجٌ بالضيـاء يُوقَـدُ
نشرت فيها كـل أمـرٍ فاضـلٍ = والعدل في الإسلام كم يُسْتنجَـدُ
يا من أتاهُ الوحيُ مـن عليائـهِ = منَـزَّلاً والحـرفُ لا يُـبــَـــــدَّدُ
وهـزَّهُ جبريـل فـي أعماقـه = اقرأ ..وبا سم الله ربًّـا يُوجِـدُ
ودثرونـي دثـرونـي قلتـهـا = والرُّعبُ من وحي الالـه يُخْمَـدُ
جاءتْ إِليك حِينَهَا خديجةٌ= والبـرءُ فـي أنامـلٍ لا تَجْحَـدُ
كريمـة فـي أصلهـا شريفـة = وبالوفـاء تُرْتَضَـى وتُحْـمَـدُ
تقـول مـن وفائهـا لخلّـهـا = وقد غشاهُ الخوف فيمـا يَنْشُـدُ
حباك ربي نعمـة تُجـزى لهـا =ما أنـت الا صـادقٌ لا تُغْمَـدُ
إن كان قد أعطاك ربـي وعـده = فالله لـن يخزيـك ربًّـا يُعْبَـدُ
فقمت مثل الليـث مـن عرينـه = تجاهـد الكفـار أنَّـى تَجْـهَـدُ
جـاؤوا إليـك غيلـةً بِشَرِّهِمْ = فكـان ربِّـي للطغـاة يَـرْصُـدُ
وسيـد الفتيـان فـي ريعانـه = يفديكهـا روحـا ذكـاء تُـوْرَدُ
نام الفتى المقـدام فـي فراشـه = فكان ليثا فـي الفـراش يَرْقُـدُ
وصاحـبٌ فـي الغار صديقٌ إذا = ناديت لبَّـى والصديـق يُسْعِـد
إذ أنتما اثنان فـي الغـار معـا = والله من فيـض الثبـات يُمْـدِدُ
هذا هو المحبوب معصوم الخُطَـا = ياعصبـة الكفاركـم ذا نُسْـرِدُ
كم يعبث الاعـداء فـي صفاتـه = وكم بفن الرسـم عجـل يحقـدُ
وكم تنامى الكره فـي أعماقهـم = من خيبر والحصن يروي الموعِدُ
ما ضر أولي العزم ما قد نالهم = بالـنار حرقاً والصليب يُسْنَـدُ
النار بـردٌ والصليب بـدعـةٌ = والرسمُ للمحبوب كفرا يُعْـمدُ
ويلٌ لأهل الشرك مـا أشقاهـمُ = النـار مـأوىً واللعيـن يُرْمَـدُ

ملاحظة : الحروف الاولى من الابيات الثلاثة عشر الاولى من القصيدة .. مكونة من حروف اسم النبي صلى الله عليه وسلم ( محمد بن عبد الله ).















التوقيع
اضغط على الصورة لرؤيتها بالحجم الطبيعي









للتواصل عبر twitter تويتر


al_bargawy@
رد مع اقتباس
غير مقروء 17-Jul-2009, 01:38 AM رقم المشاركة : 3
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

(القصيدة الفائزة بالمركز الأول في الشعر الفصيح في مدح الرسول صلى الله عليه وسلم التي ألقيت في الحفل الختامي في ملتقى قبيلة عتيبة....للشاعر الدكتور / عبد الرزاق الحمد العتيبي )




صفوة الخلق




عذري اليك شجي الدمع والندم
فما لمدحك أن يرنو إليه فمي
يا من بمدحك قال الله آيته
فكلّ مدحٍ لمدحِ الله فيك نُمي
والمدحُ من ناقصٍ كالذمِّ أحسبهُ
لولا المحبةُ كان َ الذمُّ في كلمي
لولا هواكَ وفي جنبيَّ مشعَلُهُ
أبى التكتّمَ حتى جاشَ في قلمي
يا منْ هواهُ تولّى كلَّ أشرعَتي
فكلُّ همٍّ إلى وصلِ الحبيبِ ظمي
تؤمّكَ النفسُ نبراساً ومتعتكفاً
فالعذرُ يا سيدي إن قصرت هممي
سعيُ المحبِّ وإن لم يلقَ بغيتهُ
شفيعهُ الصدقُ في الإقدامِ والأممِ
فإن عجزتُ بحبِّي أنْ أوافيكُمْ
فأيُّ هاويةٍ زلّتْ بها قدمِي
ياسيدَ الخلقِ طرّاً بلْ وصفوتهمْ
يا خاتم الرسلِ بلْ يا خيرَ مختتمِ
يا مبعثَ الحق يا سرَّ الهدى انبجست
أنهار إشعاعهِ تنسابُ في الأممِ
فما تركتَ بها شيخاً ولا أمةً
إلا وقد سلّموا بالعقلِ والحكمِ
سموتَ قدراً على الأشهاد منفرداً
وقد تواضعتَ إنساناً من الشيمِ
كذلك الشمسُ أعيتْ من يطاولها
وسحرُ إشعاعها في كلِّ ذي نسمِ
ولدت فاندحرَ الطاغوتَ في قلقٍ
أنْ لا إله سوى الجبّار ذي النّقمِ
وقمتَ للشركِ بالتوحيدِ تُزهقهُ
فا لله جلَّ عن الطاغوت والصنمِ
جلوتَ عن منطقِ الإلحادِ حيرتهُ
فالله يُعرفُ بالإيمانِ من قِدَمِ
صدعت بالحق معنى للحياة به
تحيا النفوسُ فداءَ العلم والقيَمِ
شرّعتَ حرّيةَ الإنسانِ فانكفأتْ
كلُّ الحضاراتِ بينَ الظلمِ والظَّلَمِ
حكمتَ بالعدلِ حتى لم يزلْ أملاً
في الإنس والجنِّ بلْ والطيرِ والبهمِ
والجهلُ قلتَ لهُ إقرأ فايُّ علوم
الكونِ جئتَ به في كلِّ محتكمِ
عدوّك الفقرُ في كل الأنام سواك
فهو منك حليفُ الزهد والكرمِ
ضربتَ في لجّةِ الأهوال مقتحماً
سوحَ الجهاد وجفنُ الموتِ لمْ ينمِ
فالسيف في كفه إيقاظُ طاغيةٍ
والصبحُ في ثغرهِ إبصارُ كلِّ عمِ
وفي تهلّلهِ إغراءُ ذي وجلٍ
وعند إقدامهِ قد ثاب كلّ كمِ
دعوتَ للهِ بالحسنى بلا وهنٍ
ولا انتقامٍ ولا إرهابَ منهزمِ
بسطت حلمك للجهّال ما اعتبروا
وكان سلمُكَ للأعداء في شممِ
إذا شمائلُكَ القرآنُ نقرؤهُ
فمعجزاتكَ سرُّ الله لمْ يُرَمِ
إنْ كانَ لي نسبٌ يختالُ في مضرٍ
فبيننا مرضعٌ تختالُ بالرّحِمِ
سألتُ من جمعَ القُربَى لنا نسباً
أنْ يجمع الوردَ في الأخرى على الشبمِ
صلّى وسلّمَ ربّي ما جرى قلمٌ
عليكَ والآلِ والأصحابِ كلهمِ















رد مع اقتباس
غير مقروء 17-Jul-2009, 02:25 AM رقم المشاركة : 4
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

افتراضي

وافين

أبناء الهيلا

الله يسدد حطااااااهم

ويستاهل الحبيب















رد مع اقتباس
غير مقروء 17-Jul-2009, 11:02 AM رقم المشاركة : 5
معلومات العضو
@ـايل

مشرف المنتديات العامة

إحصائية العضو






التوقيت


@ـايل غير متواجد حالياً

افتراضي

صحت السنت الشعراء ..من سخر قصيده في الدفاع ومدح الرسول عليه الصلاة والسلام ..لاهنت ياعمر على هذه البادره الطيبه منك وليست غريبه عليك ..وفقك الله ..

.......















التوقيع
اضغط على الصورة لرؤيتها بالحجم الطبيعي

شكر خآص للأخ العزيز
(سمي جدي)
,,,




للتواصل,,,

hail-osaimi@hotmail.com

الفيس بوك : هايل العصيمي

انستقرام : hailosaimi

تويتر : AlHooL@
رد مع اقتباس
غير مقروء 17-Jul-2009, 10:49 PM رقم المشاركة : 6
معلومات العضو
أبو مرحبا
مشرف عــام

الصورة الرمزية أبو مرحبا

إحصائية العضو





التوقيت


أبو مرحبا غير متواجد حالياً

افتراضي

صح السان الشعراء
وبيض الله وجيهم

لاهنت ياعمر العتيبي

تقبل مروري















التوقيع
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

اضغط على الصورة لرؤيتها بالحجم الطبيعي
رد مع اقتباس
غير مقروء 18-Jul-2009, 04:22 AM رقم المشاركة : 7
معلومات العضو
ابو ضيف الله
مشرف عـام

الصورة الرمزية ابو ضيف الله

إحصائية العضو





التوقيت


ابو ضيف الله غير متواجد حالياً

افتراضي


اللهم صل وسلم على عبدك وخليلك محمد وعلى آله وصحبه اجماعين

عمر العتيبي جزاك الله كل خير وبارك فيك وفي الدكتور نايف وفي بارك في شعراء الهيلا الذين انتصروا للمصطفى صلى الله عليه وسلم وهذا ليس فضلاً منهم بل هو واجب عليهم وعلى كل مسلم في قلبه ذرة آيمان نسأل الله ان لا يحرمنا فضله وأجره















التوقيع
قال الشافعي رحمه الله: أركان الرجولة أربع: الديانة والأمانة والصيانة والرزانة.

قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.


اضغط على الصورة لرؤيتها بالحجم الطبيعي

اللهم أنصر من نصر الدين وأخذل من خذل الدين
رد مع اقتباس
غير مقروء 18-Jul-2009, 10:31 AM رقم المشاركة : 8
معلومات العضو
محمد العتيبي

مشرف منتدى شعراء قبيلة عتيبه


الصورة الرمزية محمد العتيبي

إحصائية العضو






التوقيت


محمد العتيبي غير متواجد حالياً

إرسال رسالة عبر مراسل MSN إلى محمد العتيبي
افتراضي

اخي العزيز / عمر العتيبي

جزاك الله خير وبارك الله فيك على طرح هذه الفكره التي لم يسبقك بها أحد إطلاقا

وهي بادرة خير إن شاء الله تعالى ونتمنى تفاعل الجميع شعراء وأعضاء

الله يجزانا وإياكم عظيم الأجر والثواب ..

وشكرا لمروركم جميع

وننتظر تفاعلكم معنا ..

تحيتي
..















رد مع اقتباس
غير مقروء 19-Jul-2009, 02:50 PM رقم المشاركة : 9
معلومات العضو
ابو فايح
مشـرف عام
إحصائية العضو






التوقيت


ابو فايح غير متواجد حالياً

إرسال رسالة عبر مراسل MSN إلى ابو فايح
افتراضي

صحت السنتهم وبيض الله وجيههم هذا واجب عليهم

رسولنا الكريم منواجبنا ان ندافع عنه بكل ما نستطيع


بيض الله وجهك ياعمر فكره رائعه وغير مسبوقه في المنتديات















التوقيع
عالم تويتر



abofayeh@
رد مع اقتباس
غير مقروء 20-Jul-2009, 01:18 AM رقم المشاركة : 10
معلومات العضو
محمدعميش
عضو
إحصائية العضو





التوقيت


محمدعميش غير متواجد حالياً

افتراضي

اللهم صلي وسلم على حبيبنا وقدوتنا محمد بن عبدالله

عليه افضل الصلاة واتم التسليم


عمر العتيبي

بيض الله وجهك على هذا النقل

الرااائع والمميز ..سلمتوا ياشعرائنا

الغالين وجزاكم الله خير الجزاء

للجميع التحيه والتقدير















رد مع اقتباس
إضافة رد

العلامات المرجعية


يتصفح الموضوع حالياً : 2 (0 عضو و 2 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:34 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي