محاورة معتق وسوار الذهب ... لاتفوووووتك

[الجوراسي]

والله اني ضحكت من قلبي

ماعمري شفت محاورة بالهجوووم المعاكس

محاورة بـيـن الشاعر معتق العياضي والشاعر عبدالله الميزاني التي كانت في حفر الباطن تاريخ
5/7/1428 هـ وقد حضرها نخبة من الشعراء وهم :
راشد السحيمي و فواز العزيزي ونواف العازمي.
وإليكم هذه المحاورة :




الميزاني :

ياصحابنا ياحرب صيدوا حوت وأمسوا في البيوت=وش رأيكم لو تقلبـون الحـره السـوداء بحـر
هذه السنه موج البحـر عيـى يهـز الجيلبـوت=مدري نشب النـار فـي العيـدان ولا بالحجـر
العياضي ::
ياصحابنـا المطـران قـدام الذبيحـه لا تمـوت=تجمعوا ثـم اخـذو الـي بيـن رجليـن الجفـر
انته ياعبـدالله علـى ماقيـل مثـل العنكبـوت=يبنـي سلوكـه ياجماعـه كـل ماجالـه جحـر
الميزاني ::
الله يغش الجاهل الى يحسبـن الصيـت صـوت=لا يحسبنه شايـل الدنيـا علـى سطـح القمـر
وش الفياده من وراء حتحوت والريش محتـوت=العـام ياوجـه الغنـاه واليـوم ياوجـه الفقـر
العياضي ::
الله يغش الشايب الى يحسبـن العالـم سكـوت=اليـاء نحتنـاء ياصحيبـي مانحتنـا الا صخـر
لا جاتلي فرصه على مطيـري تراهـا ماتفـوت=احسب حسابه ياعرب في يـوم ولا فـي شهـر
الميزاني ::
أرفق على حالك شويـه قبـل لاثبـت وشـوت=أنـا كتبتـك مبتـداء والنـاس يقرونـك خبـر
الفرق شرق وغرب مابين المناكـب والبشـوت=فيما نراء ماهي على شـان المرايـاء والصـور
العياضي ::
ان كان عـادت للبخـت حنـا كبير(ن)البخـوت=ولاياء نويت بشـر مالـك لا مطيـر ولا ومفـر

[أبـوحرب]

أشهد أن معتق شاعر جزززززززززززل والميزاني كبير

وفيه محاورة صارت بين راشد السحيمي وعبدالله الميزاني في ذيك الليله عبدالله الميزاني سرى من الحفل واللي يلقاها يجيبها لنا

[زياد المزرمي]

أرفق على حالك شويـه قبـل لاثبـت وشـوت=أنـا كتبتـك مبتـداء والنـاس يقرونـك خبـر


كبير كبير يابو غازي


صح اللسان الشاعرين


لاهنت يالهذلي


ولاهنت يالجوارسي

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[الجوراسي]

لاوالله اليا جات الحقايق مامعتق بقبيلله ولا حوله

عبد الله من القلائل الذين يحسب لهم مليون حساب

بس في هالمحاورة عبد الله جاب معنى مغلف ببيت ظاهري ليرى قدرة معتق في الرد عليه بنفس الاسلوب ومعتق جاب العيد رد على ظاهر البيت برد اندفاعي لم يتوقعه عبد الله

تحياتي

[وافي الخماش]

بعيداً ..


عن العمر الشعري لكل من .. الميزاني والعياضي ..

اراء انها متكافئة .. شوي .. والميزاني ابدع لانه .. هو الي مهآجم ومعتق حاول يغطي ..!

[علي خيران العتيبي]

يا جماعة الخير
اذكرو الله
السالفه ما تسوى
و بالنسبه للموضوع
انا اشوف ان معتق كان ند فعلا لسوار الذهب
و حنا يا جماعه انتكلم عن المحاوره هذي بس
مو عن مستوى كل شاعر
سوار الذهب من فطاحلة الشعراء
و معتق شاعر مبدع صغير ببداياته و مافي مقارنه بينهم اكييد ( حاليا )
بالمستقبل ممكن يتفوق معتق على سوار الذهب و يعد من فطاحلة الشعراء من يدري عن المستقبل
بس بهالمحاوره معتق اشوف ان ردوده كانت موفقه جدا

[محمد ابن رووق]

يالربع لا تطلعون من صلب الموضوع ونعم بحرب وهذيل


الدعوه شعر وتسليه


اما المحاوره صراحه المستفيد الاول هو معتق حتى لو خسر المحاوره

فرق بينهم في الشعر مستحيل المقارنه

لو بين راشدالسحيمي وسوار الذهب كان تقبل المقارنه

والله سوار يقول لمعتق طلاسم مايدري معتق عنها

نصف الشعراء الكبار كانت بدايتهم ضعيفه فلا يحكم من البدايه ابد


اتمنى منكم ترك العنصريه ترى ماذبحنا غيرها

[قادح شرار]

مع إن عبدالله الميزاني شاعر لا يُشق له غبار ..

إلا أن معتق أستطاع أن يواصل الطاروق بشكل جيّد جدا ً ..

صحت ألسنهم ..

آخر تعديل قادح شرار يوم 01-Jun-2009 في 01:01 PM.

[أبـوحرب]

................. نرجو التقيد بأدب الحوار والابتعاد عن المهاترات في هذا المنتدى ..........
الاداره

[عبدالله المطرفي الهذلي]

................. نرجو التقيد بأدب الحوار والابتعاد عن المهاترات في هذا المنتدى ..........
الاداره