حبيب وابن عيّاد (موضوع خاص )

[بدوي 2011]

مسائكم شعر ،، أقدم لكم الليلة محاوراة قوية جرت بين الشاعرين: حبيب العازمي ومصلح بن عياد
وكانت في الطائف قبل أربع سنوات تقريبآ (بعد بث قناة المرقاب بسنة تقريبآ )

وكان الشاعر مصلح بن عياد ممن لم يحضروا محاورات افتتاح القناة ولا اجتماع الشعراء والاحتكار في ذلك الوقت !!! فهل ياترا هل هذا هو المعنى الذي يدور في هذه المحاورة ؟؟

سؤال آخر وهام : هل يجهل بعض الشعراء بعض قواعد الشعر ؟؟ أم انهم يرونها من الأشياء غير الضرورية (اتكلم عن حروف القافية ) ويلتزمون بالحرف الأخير فقط
لا حظ رد مصلح ابن عياد في البداية ( طاعته ) < شطحه بعيده , وكذلك (هيبته )
أرجو التعليق من الجميع بإيجابية ولكم احترامي وتقديري


حبيب :

قبل البداية بالكلام اللي على بالي يدور
باسم الله ابدا واتوكّل واستعين بقــــوّته
راعي الوفا لو قالو العربان يمكنّــه يبور
في سد وجهي مايبور ولاتضبع مروّته

ابن عياد :
قبل البداية والنهايه شد حيلك ياصبور
واصبر لحكم الله وشد الحيل واطلب (طاعته)
عز الله إني قلت لك ياخوي صد اعن الغرور
الرجل مثلك ياعضيدي ينعرف من (هيبته )

حبيب :
حنا ترانا مالقطنا البيض من عش الطيور
نحرص على الطيب ونشري بالدارهم خــوّته
ياخوي لاتامن من الأيام والدنيا دبور
سود الليالي كل ماتبغا تسوي ســوّته

ابن عياد :
اليا نصحتك ياحبيب لا يضيقن الصدور
الوقت لايلهيك مابه فيد من تلهــــوّته
ماتدري إن الله يحي الميتين من القبور
الله يحي العبد في دنياه والا مـــوّته

حبيب :
ياللي تصوّت بالعشا كثرت سكاكين الجزور
وانته تصوّت تحسبن الناس معك مصـــوّته
ادري ولكن البعث والحشر في يوم النشور
وابليس بين الناس دايم مايخلّي لـــوّته


ابن عياد:
ياللي تمنّا لذةالدنيا ترا الدنيا دبور
ارفق على عانيك مادامك عرفت عنــوّته
احسب حسابك يابطل في بر والا في بحور
وان كان ماناسبك علمي ياحبيب فــوّته


حبيب :
ترا الزعل من بيننا عكس المشاعر والشعور
صف الكلام المعتبر فالدفترين ونـــــوّته
دام الديار منوره يالله تزيد النور نور
وان ولّع النور وطفا تلقا السلوك مفـــوّته


ابن عياد :
انته بعض الأحيان تجهل في تعاليم المرور
بشتك يصافقه الهوى والمورسدس مشــوّته
الناس تدري عنك لو تصبر لك أيام وشهور
اللي تبي تلهيه ماهي مطوله تلهــــوّته


حبيب:
أنا زرعت القنبله وانته تحراها تثور
والرجل لو يضيع عقله ماتضيع حمـــوّته
الظاهر انك محتسيني بالقعيده والسبور
والناس من يمشي على بعض الروابع غـــوّته


ابن عياد:
اليا زرعت القنبله جتك الحنادي والنسور
تظهرك من قصر السعادة لو دخلت بجـــوّته
ادخل على الله لاتعرضنا منافق ومعثور
ترا الهبايب لا دوت في كل بيتٍ طـــوّته


حبيب :
الصقر ماتصطي على ذبحه مخاليب الصقور
ناس(ن) ماتعرف قيمته فلا غريب(ن) ان شـــوّته
ماحاصلن لك غير مايكتب عليك من السطور
والقبر طول وعرض لا يمكن تساوا فـــــوّته



ابن عياد:
ان كان ماتحسب حسابك فالورود وفالصدور
ضحكت عليك الناس لو حتى صميلك روّتـــه