نبذة عن الشيخ الفارس مناحي الهيضل

[عتابه يارفاقه]

الشيخ مناحي الهيضل شيخ وفارس معروف الله يرحمه ويسكنه الجنه

نشكر الاخ عبدالرحمن الهيلوم على الموضوع الجميل

[بن جزيان السليس]

مشكوور أخوي


الله رحمه و يرحم شيووخ عتيبه كلها و يسكنهم في جنات النعيم

[ابو فارس 511]

لاهنت يالهيلوم وبيض الله وجهك والله يرحم الشيخ مناحي

[نــايف الــبــرقــــاوي]

لاهنت يالهيلوووووم ورحم الله الشيخ الفارس مناحي الهيضل وجميع المسلمين

[سيف عنزه]

مشكور اخوي وماقصرت

لاهنت يا الغالي

[عبدالرحمن الهيلوم]

شكراللغالين المرور الطيب

[فواز الدهاس]

- أخي الحبيب :- عبدالرحمن الهيلوم بيض الله وجهك .

[صالح بندر الدعجاني]

[size=7]لاهنت ياكاتب النبذه وبيض الله وجهك و الشيخ مناحي يستاهل اكثر[/size]

[العادم]

والف نعم ولاتكفيه راعي البرصا الشيخ والفارس مناحي الهيظل الله يرحمه ويسكنه الجنه

[.الدعجاني.]

كان الحاضره في قديم الزمان وقبل توحيد المملكه لايذهبون للحج الا بعد اخذ

خوي لهم من احدى القبائل يحميهم من جماعته وهذا ما حدث لحجاج الوشم عام

1314هـ واميرهم عبدالله بن هدلق حيث انهم اخذوا خوي من عتيبه واتجهوا للحج

وعند المورد المعروف هكران حدثت وقعه بين الحجاج واخلاط من الباديه

المجتمعين على الماء قتل فيها ابن هدلق واصيب اخرون . وقد استعان اهل

شقراء بالشاعر الكبير ابراهيم بن جعيثن لاثارة خويهم للاخذ بثأر ابن هدلق

وهذا ماحدث بالفعل

يقول بن جعيثن

الله من علــــمٍ دهانـي مســـــــــــــيان 000 تحطمت منه الضلوع الصحـــاحـــي

وعيني يلوج بحجرها تقل عيـــــــــدان 000 وقلبي يلوفه مثل شوك الطـــلاحــي

الناس في راحه وانابت ســـــــــــهران 000 والسـد مني تالي الليـــــل باحـــــي

لو صحت انا ماقالوا الناس فســـــــقان 000 مفجوع ياجابر عزا اللي مجـــــاحـي

من قيل ابن هدلق رمي يم هكـــــــران 000 ودحيم خلـي عضـــم ساقه لياحـــي

اصبحت وادنيت النجيره وشــــــــقران 000 مشال غرب الســــانيه بالمنــاحــــي

مرباعه الصمان في ضـــف قطعــــــان 000 يرعى مع الجبـلان نبت الفيــاحــــي

يجفل اليا زول مع الجــــــــو زيـــــلان 0000 ماتدركه بالمشي رقطا الجـناحــي

يشدي قطاةٍ حدها جـــــول عقبـــــــان 000 صرت وصاعتـــها هبوب الرياحــي

عليه من يازن حديثـــــــه بميــــــــزان 00000 مهوب هلبـــــاجٍ هذورٍ ســداحـــي

ممشاه من شـــــقراء ليا بان فجــــران 000 يومه ويومٍ لبرقيــــه مراحــــــــــي

والصبح يمشــــي في فراقين عتبـــان 000 دور فريق الدلبــــــحي وين راحــي

نوخ عليهم وعقل النضــو ببطــــــــان 000 وعطهم وكيـــــد العلم زل المزاحــــي

اندب وقل قوموا وقـومـوا بنصــحــان 000 لاتلبسوا عقب البياض الســـــــــياحي

خويكم ماتنوخـــــذ فيـــــه الاثمــــــان 000 ريف الهــــزالا راح عمره ســــماحي

عمره قضى والوجه من ذاك ما شــان 000 ينور ليا كلت وجيـــــه الشـــــــحاحي

حـجـاجـنـا ماثوروا كود بـحـصـــــــان 000 تخيروا مشـــعل قعـــــودٍ ضياحــــي

يبون به زودٍ وهو صار نقصــــــــــان 000 وذبحت قرايعـــــهم ســوات الاضاحي

ليت الرفق من عزوة الاد شــــــــــيبان 000 اهل الســــــلوم الطيبه مثل ناحـــــي

ياكثر مثــله بين لمات الاضعـــــــــــان 000 كلاٍ على ورثـــــة جـــــدوده يناحــي

وعاين فليفل مع هل الضلع ماشـــــان 000 دون الحسب داس الخطر وسـتراحــي

وفي مثلها سووا سوات ابن ســلطـان 000 ولد الدويـش ان كنت للعلم صــــاحي

ولا تنسدح واذكر سوايا ابن ســـجوان 000 خلا ابن عمه عنـــد فذه ينـــــــاحي

والطايله خذهـــا الصويطي صنيتــــان 000 من دون جاره صار للشــيل مـــتاحي

يوم انتهض فرخٍ من الوكر ســـــكران 000 صاده حمود وبرقعه واســــــــتراحي

انشد من المشــــــهد ليــا حــد بــرزان 000 وماحدرت جوده وقصــر ابن ضاحي

ومن الكويت اجنب ليا عين فـــــــرزان 000 وماطرت الســــيفه وماها المـــلاحي

وســـــــند ليا مكه ونشــــد بالاوطــان 000 ان كان في لوم الاخاوه ســـماحي

الاجل والاســـــــباب تجري بالاكـــوان 000 ولا يلوم المبــــــــتلا الا النفاحــــــي

الحق يبغا حد ولســـــان وســـــــــنان 000 وربعٍ يطيعونك بكل المشــاحـــــي

وقلبٍ قطــوعٍ وقت زوغات الاذهـــان 000 فوايهه تذكر بكل الـنـواحــــــــــــي

منتب ضعيفٍ لك مخالب وجنحـــــــــان 000 وربعك على العايل تراهم ذحاحــي

ولا صرت عن شيل المواجيب عجـــزان 000 ادخــل على برقـــــا يفكـك منـاحي

اما بجـــــــاهه مع طليقين الايمــــــان 000 ولا بضرب مـذلقـات الرماحـــــــــــي

وبرك لحمـــــــــل الذم في كـل ديـوان 000 وهتل مع اللي يســكنون البطاحـي

ترى الدعث يقصر مشـــــــابر دهمان 000 ويشرى على السبقه حصان الرباحـي

وترى التفق نيشـــان والخيل مــيـدان 000 هذي دروب اهل القضاء والفـلاحــي.
وصلاة ربــــي عــد ماكــــــاينٍ كـان 000 على النبي ماخضر نبت الضـــواحي


وسلامتكم.................