معركه مع سبيع

[الحجاج]

قصيده للفارس الشاعر : دهيس الهمرق المقاطي

مناسبة القصيده انه غزا مع جهز بن فهيد الشيباني على قبيلة سبيع

واخذو منهم ابل فلحقو

بهم السبعان ودارت بينهم معركه يصفها دهيس بهذه القصيده :

خطو اليالـي فـي هـروج ومجاليـس = عـلـى شـحـم حـيـلاً ونـجـراً يـدنـي
والبارحه تسهج بنـا الفطـر العيـس = والـيـلـه الـفـطــر يــبــا يصـلـبـنـي
عقـب الحيـال يلاعبـن المظـاريـس = لـوكــان حـفـيـاً طـايـحـاً سبتـهـنـي
تلـقـا جررهـنـه جـــداد وامـاريــس = ومـــع الـخــلا تـلـقــا مداهيـلـهـنـي
على جهز مـرذي طـوال النسانيـس = كــم فـاطــراً خـــلأ ولـدهــا يـحـنـي
يـوم التـجـار يــدورون المخالـيـص = حــنــا نــــدور رزقــنــا فـوقـهـنـي
يـوم انكفينـا فـوق لقحـن مراويـس = يـم الهضـاب الحمـر مــن دونهـنـي
جانـا مـن السبعـان خيـلاً كـراديـس = يـاطـيــب اهـلـهـنــه وياطـيـبـهـنـي
يـوم الحقونـا كنهـم مـن سناعـيـس = متحضنـيـن الـصـمـع فوسوقـهـنـي
قامو وحدونا على الوادي ابوخيس = الـيـن الركـايـب بـالـدعـث وقـفـنـي
اهـل المـهـار مقـربـات المرامـيـس = عـلـى حـفـاف الجـيـش مايبـعـدنـي
انلوفـهـم بالـلـي زهـبـهـا دلابـيــس = وهــم يـجـي مــن عنـدهـم مثلهـنـي
والعـلـم عــود لمـهـات المشاقـيـص = بــنـــادق الـظــفــران مايـبـخـلـنـي
ياذيـب ياللـي فالهضـاب المراويـس = تلقـى العشـاء طايـح علـى دربهنـي
حــول وتلقـالـك مـهـاراً مـكـاويـس = بيـن الركـيـب وبـيـن مطموعهـنـي

فرد عليه الشاعر مناحي الصندلي من سبيع بقصيده

وجد منها هذه الابيات :

حياك يامنهو هرج هرجة القيس = بفعولنا وفعولهم اللي مضني
يالله يامذري هبوب النسانيس = الاقدام لامنه ومرهن مشني
ذيب المصيده ناد ذيب العلاقيس = تلقى العشاء ياذيب في دوجهني

[عبدالله هادي ناشي الفليت.]

جانـا مـن السبعـان خيـلاً كـراديـس = يـاطـيــب اهـلـهـنــه وياطـيـبـهـنـي
يـوم الحقونـا كنهـم مـن سناعـيـس = متحضنـيـن الـصـمـع فوسوقـهـنـي
قامو وحدونا على الوادي ابوخيس = الـيـن الركـايـب بـالـدعـث وقـفـنـي
اهـل المـهـار مقـربـات المرامـيـس = عـلـى حـفـاف الجـيـش مايبـعـدنـي
انلوفـهـم بالـلـي زهـبـهـا دلابـيــس = وهــم يـجـي مــن عنـدهـم مثلهـنـي
والعـلـم عــود لمـهـات المشاقـيـص = بــنـــادق الـظــفــران مايـبـخـلـنـي

ولله ونعم بأهل الغلباء سبيع..
ونعم بجميــع المسلميـــــــــن..


مشكور ولاهنت على القصه والقصيده....

[الامير حريبيش]

ياطيب الاولين يمدحون اخصامهم ويعطونهم حقوقهم

[بن جزيان السليس]

8
8
8
8
8

ايه و الله انك صادق يا طيبهم طيباه


و نعم في عتيبه الهيلا و سبيع الغلبا



مشكووور اخوووي

[الحجاج]

عبدالله الفليت

الاميرحريبيش

بن جزيان السليس

مرور مشرف الله يعافيكم

[مطلق الهراني]

يعطيك العافية على الموضوع الرائع

[الحجاج]

الله يعافيك اخوي مطلق

[سلوم الغنامي]

تسلم يمناك يالحجاج على النقل . وبالفعل عندما تناظر لأخلاق الاولين حتى مع اخصامهم تعجب من فعلهم واللــه ونعم بآلهيــلآ وسبيع الغلبا .

[بن همرق]

بيض الله وجهك على القصه والقصيده

[الحجاج]

سلوم الغنامي

ابن همرق

الله يعافيكم وشكرا على المرور