حدى الامرين يا اما الجذع ولاخويه ......... تفضل يابراهيم

[سـعـد الـعـازمـي]

مساكم الله بالخير جميعا



حبيت احرك قسم المحاوره بطاروق طيب

مع ابراهيم الجذع

انا الليله على خاطري يالربع هوجاس

حدى الامرين يااما الجذع ولا خويه



اشوفك يالجذع كل لليله تجلد الناس

وانا والله ناويك يابراهيم نيه

[ابراهيم الجـــــذع]

ليا دقت هواجيس قلبك ترخي الراس=وراع العند ما شيف فأرضٍ جرهديه
أنا خابرك يا صاحبي بالحيل حساس=وأنا من نيتك يا عميلي ما عليه

التوقيع

الذم ما يهفي للأجواد ميزان=والمدح ما طول قصار الأيادي

[سـعـد الـعـازمـي]

ليا وسوس على خاطرك ياخوك وسواس
تعال اكويك كيه تسد الفين كيه

اشوف علوم وعلوم يمكن مالها ساس
تعال وهات ماتاجده والنار حيه

[ذيب الجوخ]

صح لاسانك ياشاعرنا ومتابع معك انتبه الجذع لاياكلك

[ابراهيم الجـــــذع]

تبا تغوص البحر ما تحمل كتم الأنفاس=وهذي فيك يا صاحبي ميه بميه
علومي يا سعد ماهي ابحبرٍ بقرطاس=جنودٍ دوبها حضرت وسط السريه

[سـعـد الـعـازمـي]

اشوف الناس تخطي خطاً من غير مقياس
وعانه فيك ياصاحبي ماهوب فيه

اخاف انك تراجع بجيشك بنك الافلاس
وتصبح يالجذع فالزمن هذا ضحيه

[ابراهيم الجـــــذع]

أنا ادري أن الجبل ما يهزه كل نسناس=ولكن أم عمار علتها قويه
ترا من بل راسه وحطه قدم الأمواس=يبا يرجع من الطرقه يقود المطيه

[سـعـد الـعـازمـي]

صحيح انك جبل مير انا نجم وقوي باس
لكن ام الكباير فعايلها خطيه

يجيك اوناس بالحيل ثم هموم واتعاس
وتاخذ من زمانك فعول اهل الحميه





صح لسانك يابراهيم



والعذر والسموحه

والخواطر نضيفه

وفي ذمتي لو ماعندي شغل ضروري لاكمل اللعب معك


مير خيرها بغيرها


اهم شي ان الخطر تكون نضيفه

[سحيم الروقي]

صحت السنتكم

[سـعـد الـعـازمـي]

صح بدنك ولاهنت