الجـن وهي جنّ ما تقدر تحدّانا

[وصل العطياني؟؟؟]

السلام علاكم

أولاً مبروك نجاح الملتقى ...

ثانياً هذه قصيدة متواضعة بالمناسبة ...

وخير الكلام ما قل ودلّ

يالله ياللي ليا منـّـا ترجّانا=نرجيك من طيب قلب ونرفع يدانا
نسألك بأسمائك الحسنى وبصفاتك=وندعي ومن زود فضلك تقبل دعانا
يارب نطلبك تجمعنا على الطاعة= وتجـمـّع قلوبنا وتشتـّـت أعدانا
يارب نشكرك ولك الفضل والمنـّة=يا من جعلت السعد والحظّ وإيـّانا
يشهد لنا من حضر في ملتقى الهيلا=يا ما فعلنا وسوّانا وسوّانا
دين وثقافة وأدب وإخلاص للدولة=في كل موضوع كفانا ووفانا
وهذي تراها طبيعة من طبايعنا=حنا رجــّالٍ على الطالة تربــّانا
من دون حقران للقاصي وللداني=كل القبايل على راسي والاعيانا
والله مافي القبايل كلها قاصر=والخير في كل من في قلبه إيمانا
لكن ابا امدح عتيبه بالشيء الواقع = كلام من غير زور وغير بهتانا
حنا عتيبه وكلٍ يعرف عتيبة=إسمٍ ينومس ليا منــّـا تعزوانا
ما اقول يشهد لنا التاريخ لو يشهد=أقول وش حضرة التاريخ لولانا
إن كان يبغى الفخر والعزّ والهيبة=أكبر فخر يوم يكتبنا ويقرانا
فينا مزايا تحيـّر من يعدّدها=ما أظن فالكون من يحصي مزايانا
على سبيل المثال أذكر لكم بعضاً=مما يزيد الفخر يوم الله أعطانا
حنا جنود الوطن من يوم تأسيسه=على ثراه المطهـّر ننثر دمانا
لأجل الوطن لو ندوس الجمر بالأرجل=يصبح كما الورد تحت بطون رجلانا
أجدادنا حنـّكونا بالولاء الدائم=وحنا لزمنا الوصاية واستمرّانا
الله عطانا العقل والعرف والحكمة=لن كان عمسنّ الإريا دوّر إريانا
وفينا الكرم والكرامة والكريم الله=يا ما انشرح خاطـر الخاطر ليا جانا
ويأمن بنا الجار والأصحاب تأمنــّـا=ومن حدّه الوقت يزبنـّا ويلقانا
الله عطانا حميـّا ما نضيـّعها=أفضل حميـّا بهالدنيا حميـّــانا
إن دقّ زير القتال ودارت الهيجا=ما يرتكي للمهمـّـة غير شروانا
فرسان من قوّ سطوتنا وهيبتنا=الجنّ وهيّ جنّ ما تقدر تحدانا
أخير فارس نهار الحرب فارسنا=وأخير شلفا تفجّ الصدر شلفانا
يا كم مقطوع لا قوة ولا ناصر= تردّ عنه الأعادي هيبة لحانا
عدوّنا مستحيل يعيش في راحة=إلاّ إذا قدر يذهبنا عن أتلانا
هذي سلوم الجدود اللي ورثناها=وحنـّا على سلمهم كان الله أحيانا
ربعي ومن حقـّي أمدحهم وأمجـّدهم=لو إن ما عاد يبقى شاعر الاّ آنا
عساي لن كان ما اسخـّر لهم شعري=أروّح أنا وشِــعري في خبر كانا

تحياااااااااتي

التوقيع

na111na@hotmail.com

[عتيبي ولد عتيبي]

وعليكم السلام ورحمه الله

صح لسانك ملايين وانا اخوك

ابيات جميله وتحكي شعورنا جميعاً بهالمناسبه وهالفرحه وهالنجاح اللي تم بفضل الله سبحانه ثم برجال القبيله الاوفياء اللي بذلوا الغالي والنفيس

الله عطانـا حميّـا مـا نضيّعـهـا
أفضـل حميّـا بهالدنيـا حميّـانـا
إن دقّ زير القتـال ودارت الهيجـا
ما يرتكـي للمهمّـة غيـر شروانـا

اللهم يارب انك تديم علينا نعمه محبيتنا لبعضنا ولقبيلتنا وتجعلنا نجتمع للخير وفي الخير دائماً

[جااار القمر]

اخوى وصل
هو غلط مطبعى والا لا العطيانى هى العظيانى والا اسم اخر ولاتواخذنى على السؤال

[ابوالطيب]

صح لسانك
قصيدة أكثر من رائعة

[رائد الحمدان]

صح لسانك
لكن خلنا الانس و اترك الجن في حالها مانا ناقصين حروب اخرى

[ابوراكان2000]

فرسان من قـوّ سطوتنـا وهيبتنـا**الجنّ وهيّ جنّ مـا تقـدر تحدانـا



صح لسانك قصيدة أكثر من رائعة

[Man من العتبان]

صح لسانك ولا هنت أخوي وصل العطياني

[مشاري]

المشاركة الأصلية كتبت بواسطة جااار القمر

اخوى وصل
هو غلط مطبعى والا لا العطيانى هى العظيانى والا اسم اخر ولاتواخذنى على السؤال

بعد اذن الشاعر وصل العطياني حبيت ارد على الأخ


العطياني مقاطي

والعضياني روقي



وصل كعادتك مبدع ومميز

صح لسااااااااانك ملاييين


اخوك مشاري..

[الأسعــدي]

حنا عتيبـه وكـلٍ يعـرف عتيبـة
إسـمٍ ينومـس ليـا منّـا تعزوانـا
ما اقول يشهد لنا التاريخ لو يشهـد
أقول وش حضـرة التاريـخ لولانـا


صح لسانك ياوصل شاعر ابن شاعر كيف لا وانت حفيد منبع الشعر ((طيب)) بيض الله وجهك تقبل تحياتي

اخوك الأسعدي عبدالله ......
سلملي على خشم صالح امانه اشتقت له كثيرا .....

[ناصر العصيمي]

المبدع وصل

بعد التحيه

صح لسانك ويعطيك العافيه يالغالي



لك كل الود