الاركع الرويس وابن هندي ومناخ الرشاء..

[عامر بن الطفيل]

يوم منـــاخ الرشاء بين عتيبة وبين قحطان ومطير وحرب روحو العتبان موجهين

يم الرياجيل اللي محترينهم , ومتولفين على كسرة عتيبة .. عاد تخبرون المغازي

منول , مسرا بالليل ومقيال في النهـار . والليل ليل شــتاء والبرد مقطعن قلوب الرجال

مار لابد من المغزاء والرجعة ....... المــوت الحمر من العيب.. الرياجبل ثنين على

ذلول ولا ثلاثة واللي يــمشي واللي على والفريس كلن على ذلولة والزماله يبارونهم

ويمشون على رجليهم وكلن بيده عنان فرس . يوم شاف بن هندي الرياجيل اذاهم

البرد والسهر قـا ل : أبك من يسري الليل عـلانا بالقصيد ويطرب الرياجيل ويونس

الجيش .. وهو يقمز هــا ك الغليم ما تحقة من صغرة قــا ل: أبشر بسعدك يالامير

قال بن هندي : دونك , ونسنا

قــا ل : سيدي سقاني سكرة .... وان سقيته سكر نبات

عاد لا تلومون الغليم جاهل ولا يعرف القصيد مغر يخمخمه , من الصطر بس

ودة يغني للربعة .....

قــا ل اخو نوضاء : أبك دورو لنا واحدن غير هذيه ,, غليم عجل وبيوته ما تطرب

ما ر بيض الله وجهة يبا الطيبة ولا عرف ..

أثر فيــه واحدن من الدعــاجين مترادفن هوه وشــايع الاركع من الروسان على

الذ لـــول , والدعــجاني ينغز الاركع بعاقب المقمع يصيح فــيه .. يــارويس

أبـــك قــم الرياجـيل يبون القصيد وانت ملبدن على فقار الذلول منتفخ من النوم

الدعجاني يوم شاف دعوى الغليم ذكر رفيقة ..واثر رفيقة رفيق الــسعد .....

الاركع من تفزيزت بن عمة أنتبز من النــوم .....أبك يادعجاني العلم وشنهو ؟

علمة الدعجاني بالســالفة ,,, والدعجاني بواردي يقولون ينتف عين الغراب

مايخطي مار ماش ماهوب شاعر .......... الرويس يوم علمة رفيقة

أخذ شوي..أيـــــــــــــــــــــــــــــــــــــــــــ ــــــــــــــــــة

يبشرون والله باللي يطربهم وانا ولد مروح :::::::::::::::::::::::::::::::::::::::

قـــــــا ل:

يـــــاذ يبـت نــجـــد نـــاد ي كـــل ذيـــــب

نــــا ديـــى الــسر حـــــان مــع شــيـب الــقـــــراء

أجــــتمـع حــربــي وأهــل جــا ش وطريب

والمــطـيري بــيــــنــهـم ر د الـــــــــبـــــــــــــــــــراء

لا ســـلـم هـــذا ل والـحــجنـة شبـيـــــــب

شـــــيخنــا أبــن هــند ي تــرى فــي الـــــــــــــــذ ر اء

قال أخو نوضـــاء : أيـه أيـه ....... أبك أيه هذا هوه اللي نبــاء

[ابوعتب]

تعال تعال ارجووووووووووك فسر البيت هذا
لا سلم هذال هو ويا شبيب هل هي مذمه؟؟؟؟؟؟؟؟؟؟؟؟؟؟؟؟؟؟؟؟

[عامر بن الطفيل]

وشرايك أنت اذا ما عرفت المعنى يا حيلت الله

الرجال يقول كلهم نخاف علاهم ومالنا الاهم

[خالد الهاراني]

قال أخو نوضـــاء : أيـه أيـه ....... أبك أيه هذا هوه اللي نبــا

[عامر بن الطفيل]

اخواني تراي أخطيت في عزوة ابن هندي وهيه اخو شرعا ..للتذكير

السلام عليكم

ودي اصحح للاخ عامر بن الطفيل...ان الاركع من ربعي القريبين...واسمه الصحيح هو شقا عايد الاركع الرويس ..وعزوته لاتعزوى"خيل هزلات الركايب شقا" ومحمد بن هندي رحمه الله بعد ما قال الشاعر القصيده الغزليه الخبيله قال ابن هندي وين الرويس عطوناه..لان الجيش يبغون ابيات تحثهم على الغزو...والموقف لا يسمح بلغزل اطلاقا..

تقبلوا تحياتي

اخوكم ولد مروح

[سطام بن فهيد]

عامر متأكد ان عزوت ابن هندي هي اخو شرعا


ولك تحيااتي

[عامر بن الطفيل]

أخوي يا ولد الشيخان / سطــــــــــــــــــــــــــــــــــام


أذا كنت تعرفها علمني .... أو علمنا بالأصح حتى تعم الفـــــــــــــائــدة؟؟؟


والعزاوي على ابن هندي ماظنتي انها قليلة .. فاللي مثلة كل شي لايق عـــلاه

[ابوعتب]

اخواني ابن هندي عزوته اخو نوضا اكيد ميه بالميه
وتركي ابن حميد عزوته اخو شرعا
وتثبتها القصايد يا حلوين

[سطام بن فهيد]

الي انا اعرفه ان >< عزوت اخو شرعا >< لـ ماجد بن ضاوي بن فهيد امير قبيلة الشيابين الله يرحمه


ولكم تحياتي

اخوكم

سطام بن سلطان بن فهيد