محاورات قديمه لشعراء من عتيبه مع الشاعر لويحان

[الامير حريبيش]

محاورات قديمه لشعراء من عتيبه مع الشاعر لويحان

هذي المحاوره جرت بين الشاعر ميشع القثامي ولويحان
ميشع
لابس لك كارداغ ولامعاك جنبيه----- والعسس في سوق مكه تطرح القوماني
واغبوني عنك لو تدري بك الدوريه-----في شهر شوال يوم تفجر البيباني

لويحان
بادر جنبي مكيف ماعلي دعيه---- مايخاف الا مخرب خزنة السلطاني
انت يوم انك لبست الخلب ناوي نيه----من اكل خبزه نصا القربه وهو عطشاني

كارداغ المقصود بهذه الكلمه هو الفرد او المسدس

وهذي محاوره ثانيه بين ميشع القثامي ولويحان تدور احداثها حول شخص يقال له بريك القثامي من ابناء عم ميشع وكان لويحان في صف بريك ويتكلم بلسانه في هذه المحاوره

لويحان

ماكلت مال اليتيم ولا ذبحت الشريف-----والفتنه الراقده ماحرك اسبابها

ميشع
عسى يدينه تقطع عند حد الرهيف----- لو هي بعيده شويه مادرينا بها

لويحان
اثره راعي مكان وعند جاره يضيف--- والحيه اللي تشيل السم بانيابها

ميشع
ماغير ياخذ من البلصات شي خفيف ---والخيمه الراسيه ماشلع اطنابها

لويحان
هذي سوات الحرايرينقلن الرديف---- ان صكت القايله علقت مشعابها

ميشع
خلفه حلبها لحاله يوم زان العطيف----- معابدي لقا الغره وفلابها


وهذه محاوره رابعه لميشع القثامي مع لويحان اثناء زيارة ميشع للويحان في بريده قادما من مكه
وكانت هذه المحاوره في عام 1348 هجري تقريبا
لويحان
تركت درب الهوى ماعاد ابي له سبيل----- لو يعترضني مع الطاروق غزلانها
تغير الماء القراح اللي بوسط الصميل---- خلان ماعاد تطلب شوف خلانها
ميشع
ياللوح لياك تكذب جعل عمرك طويل---- وابوي من حس بارودك ودندانها
ديرتك هذي عساها كل حول تسيل----- ماشفت فيها حلا من كثر سكانها
لويحان
حمامة في بلدنا بالمحل الضليل---- الورد في راسها واطراف جنحانها
لو ان ميشع رمقها كان يمسي عليل---- ماشفت من نشرنا الا اطراف هيشانها

ميشع
ترا الغنائم حصاير موميات الشليل---- واهني من كب بلدانك ونقيانها
انت الحرامي تحلف اديان في كل ميل----- فان شاف دار عشيبه نط ضلعانها
لويحان
قولو لميشع يروح وينهزم بالرحيل----- عسى ركاب لفت به تخلف الوانها
تبني الظليمه وانت مالك دليل----- يامشتري قينة من غير عمانها

وهذه المحاوره الخامسه بين ميشع القثامي والشاعر لويحان وسببها ان ميشع اثناء تجوله في بريده شاف له زول اعجبه وقال هذه الابيات موجهه للويحان
ميشع
شفت لي زول لحاله رمقته مرتين----محتزينه يوم جاني بلاي من الامان
كيف يالاجواد زلام ينقل مارتين--- اثر مفتاح الغلا من مناطيق اللسان
ياعجايب حبة الخال فوقه من يمين---- ابيض خده وراسه عليه الزعفران

لويحان
انت ياميشع معلمك من طول السنين--- مير ماتفهم علي النشر تركب لك حصان

لو تريض لك شهر كان جريت الحنين---- من نجوم تعترض من مكان ليا مكان
صيد خبتك مانذمه وبه زين وشين---- مير كان القيض جاكم غدت عشرك ثمان

وهذي محاوره قديمه ونادره بين الشاعر لويحان وشاعر عتيبه الكبير احمد الازوري العتيبي
وقد جرت المحاوره بين الشاعرين بحضور الشريف حسين عام 1336هجري وفي هذه المحاوره تفوق الازوري علي لويحان بشكل واضح

الازوري
يوم جيتونا باهل المشرق بلاتقناني---- مع طريق معزل الصابور والمنقيه
كان سيرنا علي مجموعة العقلاني ---- ثم اخذنا جيشهم واستدركو رجليه
لويحان
مايعديني لزومي حكيك الفرواني----- كيف يطمع بالمكينه راعي الهنديه
ناخذ اللازم من الاصحاب والقوماني----- كود من جنب سبننا ماعليه دعيه

الازوري
ياعقيل امشو وبارو محل السلطاني----- كل ماجاه المواسم دنة المصريه
ياعقيلي لاتزاعمني وانا ديقاني-----لابتي في كل ضيقه يحتمون الهيه

هذا اللي حصلت عليه من هذه المحاوره

وهذه محاوره قديمه بين لويحان واحمد الازوري في مكه عام 1355هجري بحضور الامراء وجمع غفير من الناس ومكان المحاوره في الجعرانه

لويحان
انت ياحمد يامحمد ياحمد ياحمودي ------ اضرب الاسهال والصعبات لا ترقاها
الهوى دارت علي لباسة الحمودي ---- غاب نور الشمعه اللي ترتجون ضواها
لاتهوز بحربة دقما بليا عودي-----مثل من عالج عيونه بالدوا واعماها

يقصد لويحان بعبارة(( غاب نور الشمعه اللي ترتجون ضواها )) الاشراف حكام الحجاز اللي جلو عن الحكم واخذه ابن سعود

الازوري
جعلهم ياصاحبي للنار والبارودي ------ والله انا ماندانيها ولا طريها
يوم ابن عساف وانته حقك العجرودي---- كل ماحفيت ذلوله صاحبه حناها
لاتحسبني سوات ربوعك العبودي-----يوم شلتوها تشادي ولبة وجراها
احسب انك صلب جدي من اوروث جدودي-----واحسايف تكنس اللحيه علي منحاها
لويحان
تحسب انك صايد الصيد يامصيودي----مثل صيدك للحمامه جنسها وسواها
انت ماتلقا وانا القا حاضرين شهودي---- والمكاوي لو يطوف الصوف ماغطاها
من ورانا ماهقيت تحصل المقصودي----- رابعت فلبك عصيناها ولا طعناها


وسلامتكم ياعتابه

آخر تعديل الامير حريبيش يوم 05-Oct-2011 في 04:14 AM.

[محمد الذيابـــي]

لاهنت على الموضوع الشيق يالغالي

التوقيع

التوقيع محمد الذيابـــي

[الامير حريبيش]

لاهنت علي مرورك ياولد ذايب ياهلا وسهلا

[ابن مغير]

لاهنت على الطرح يالغالي


لكن وش اصله لويحان هذا ؟؟

[الامير حريبيش]

لاهنت علي مرورك يابن مغير اما عبدالله اللويحان فأسمه الحقيقي علي حسب رواية الرواه

عبدالله ابن لويحان شاعر كبير واسمه الحقيقي عبد الله بن عبد الرحمن العنقري التميمي وأهله أصلا من بلدة ثرمدا وخواله السبيل من نفي من عائلة الشاعر الكبير بن سبيل وعديله هو الشاعر الكبير سليمان بن شريم شاعر عنيزه المعروف رحمهم الله

والله اعلم