السلام عليكم ورحمة الله وبركاته
الله يمسيكم بالخير ويسعد ايامكم
حصلت هالموضوع في احد المنتديات ونقلته كما هو
اقتباس:
الــســلام عـلـيــكــــم ورحــــمــــه الـلــه وبــركــاتـــه
الابـــداع مـــــــــوجـــــــــود ولانـــدري سـبب الغـمـوض يا مـحـمــد الـمـسـعـودي
من اقوي محاورات محمد المسعودي مع رشيد الزلامي وشوفو محمد وش سوى في الشاعر رشيد الزلامي مقلب غريب وعجيب
محمد المسعودي
مرحبا باللي حضر (منا ) تراحيبٍ كثيره
================= من سمعها من رياجيل الوفا ماضاق باله
الليالي دايره مثل الرحاه المســـــــــتديره
================== والزلامي مع مرور الوقت مدري كيف حاله
من اسرار المحاوره وخطورتها محاولة كل شاعر تمرير بيت على الشاعر الذي امامه لذلك نلاحظ الترحيب لهذيل ليس للزلامي (منا )
رد رشيد الزلامي
(البقا) ياشاعرٍ عبر لسانه عن ضميره
===================== قالها شاعر هذيل اللي طراله ما طراله
وقع الزلامي بعد نطقه (البقا) لان الترحيب ليس له
ياهذيل انتم طلبتونا عسى فالامر خيره
===================== (العتيبي ينطح الهذلان لو واحد لحــــــاله )
يتضح ان الزلامي شك بالبيت ولكنه استعجل وحاول تغيير الاتجاه وتحويل المعنى على شعراء هذيل الموجودين في الحفل (العتيبي ينطح الهذلان لو واحد لحــــــاله )
محمد المسعودي
الحقيقه قلتها ماني (مخفيك السريره)
===================عيني تشوف (السحاب) اللي على راسك خياله
المسعودي يؤكد للزلامي حقيقة ماتم تمريره من سر في البيت (السحاب ) المكافأه
كان ماعندك خشير ولا شويرٍ تستشيره
==================== المراجل ماوصلها كل من نصب عقاله
المسعودي يضع محاوله ليغير الاتجاه الذي ينوي عليه الزلامي ليصبح المغزى شعراء عتيبه وليس شعراء هذيل
رشيد الزلامي
يامحمد ماخلقنا الله على شبه الجزيره
==================== (غير نبذل كلمة المعروف ونفر المحاله )
( كلمة المعروف) تلبية الدعوات والحضور ( نفر المحاله ) الفايده وهي المكافأه ولا تمنع الترحيب عن الشعراء
والله اني ما التفت في واحدٍ يشعب بعيره
====================== مير هو (شيخ العرب ولا وكيلٍ بالوكاله )
يبدوا ان المسعودي نجح عندما تجاوب الزلامي معه واصبح المغزى شعراء قبيلة الزلامي الذين يتظجر منهم و ينافسهم (شيخ العرب ولا وكيلٍ بالوكاله ) و لعل هذا التنافس جعل الزلامي يسير برغبة المسعودي
محمد المسعودي
المشاكل ماتحل الا بتحكيم البصيره
=====================ماكسبها واحدٍ تصفق يمينه في شماله
تركيز المسعودي على البيت الاخير واستغلاله تنافس الزلامي مع شعراء قبيلته وينصح الزلامي بالتفاهم مع قبيلته وعزوته حتى لا يكون لوحده
لو بغيت( تقصر الخطوه )ترى ماهي قصيره
=================== مايدن النجر (شيخ )الا بعد حميت دلاله
( تقصر الخطوه ) تختصر المسافه حتى تحصل على اسم شاعر عتيبه او تصل الى ماوصلو اليه (شيخ ) شاعر من شعراء عتيبه حدى الاثنين مستور العصيمي او حبيب العازمي
رشيد الزلامي
( لا تضايق) وانت عندك مشكله ماهي كبيره
===================== مات عنك (ابليس) مير الخوف كله من عياله
(لاتضايق ) صعب موقف الزلامي بعد تحول المعنى ضده وهو يحاول ان يمثل عتيبه كيف اصبح يكشف هذا الامر بسهوله لم يبقى مع الزلامي سوى ان يثير شعراء هذيل على المسعودي للمنافسه على اسم شاعر هذيل بذلك اصبح الزلامي متناقض فالبدايه يعترف بانه شاعر هذيل والان يحرض شعراء هذيل
(ابليس) عبدالله المسعودي رحمه الله (الخوف من عيال) من شعراء هذيل الموجودين على الساحه
اترك الدرب الطويل وروحلك مع درب غيره
===================== (وان شوتك الشمس ) ( بيت الله ) يضللكم ضلاله
تشبيه مكانة المسعودي عند هذيل بمكانته عند عتيبه
(وان شوتك الشمس ) اذا قامو ضدك شعراء هذيل وحاربوك انتم في غنى لديكم كلام عبدالله المسعودي رحمه الله يكفيكم عند ماقال بيت الله يضللكم ضلاله
تــقـبـلـوا تـحــيـاتي .
|
بصراحه صار جمهور المحاوره غريب كل واحد يصفق لشاعره سواء صح او غلط
هذا ماهو تقليل في اي شاعر ولكن هنا انا اتكلم عن محاوره معينه
كيف صار تحليلها بين بعض الجمهور هل هو من اجل التقليل في شاعر معين
او من اجل ابراز شاعر معين
او من اجل العنصريه القبليه او من اجل ماذا ..!!
اقول الى وين ياجمهور المحاوره ..!!
رشيد الزلامي ماهو في حاجه لدفاعي او دفاع غيري عنه
ورشيد الزلامي داهيه من الدهاة في شعر المحاوره
ومن الصعب ان يمشي عليه مقلب زي هذا
واي شخص عنده تذوق لشعر المحاوره يشوف رد رشيد ويعرف معناه
والمشكله تحليل المحاوره بصراحه عليه علامات استفهام كثيره ؟؟؟؟
كم نسبة جمهور المحاوره اللي يحللون المحاوره بالطريقه هذي ..!!
تقديري واحترامي للجميع
« آخـــر الـــمـــشـــاركــــات »
08-Feb-2009, 08:33 PM
تحليل يبغاله تحليل ...!!
العرض الشجري