الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > فرسان وأمراء

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 02-Jan-2012, 05:50 AM رقم المشاركة : 1
معلومات العضو
روق اند برقا
عضو فعال
إحصائية العضو






التوقيت


روق اند برقا غير متواجد حالياً

افتراضي سيرة الشيخ والشاعر / ضيف الله بن نقا بن فهيد رحمه الله

اضغط على الصورة لرؤيتها بالحجم الطبيعي

هو الشيخ والشاعر / ضيف الله بن نقاء بن ضيف الله بن فهيد(ابو لهب).وهو حفيد الشيخ والفارس ضيف الله بن نقاء بن فهيد (ابو لهب)..الملقب (راع الحيلا)..

ولد الشيخ ضيف الله عام 1351هـ في حلبان.وهو الابن الاكبر للشيخ نقاء .وله من الابناء واحد هو (نقاء) يبلغ من العمر 26 تقريبا .وله من الاخوان 8 اخوان.
يمتاز. الشيخ/ ضيف الله بن نقاء بن فهيد.. بالكرم والشجاعه والمعرفه وحسن الخلق كان رئيس مركز (الخرائق) التابعه لمحافظة القويعيه.تم عمله في المركز لمدة 20 سنه تقريبا. ..توفي عام 1415هـ وكان عمره عند وفاته 64 تقريبا.. رحمه الله .
وكان بار بوالده وله عدة قصايد في والده.
سافر الشيخ ضيف الله بن نقاء للإردن وكان عمره 15 عام . وقضى في الاردن 12 عام تقريبا,

وعندما طالت المده في سفره اشتاق له والده وسأل عنه كثيرا. ووصل الخبر للإبن / ضيف الله بن نقاء.وأرسل هذه الابيات....مخاطب فيها والده الشيخ/نقاء بن ضيف الله بن فهيد(أبو لهب).

يقول الشيخ ضيف الله بن نقاء بن فهيد(أبو لهب).




يالله يالـلـي عالـمـن كــل ماسـيـس
ياعالـمـن مــا بالخـفـاء والبـيـانـي


إن جاء لذيذ النوم جاني هواجيـس
أكــن فــي صــدري خفـيـن وبـانـي


سلام لشايـب ليـا أونـس عواكيـس
لايحـسـب إن البـعـد عـنـه حـدانــي


وسـلام لـلـي يكسـبـون النوامـيـس
ربعـي هـل الطـالات يـوم المحـانـي


وانـا تـرا يأبـوي مـانـي بخرتـيـس
لكـنـنـي مـتـحـيـرن فــــي زمــانــي


في علتن وسـط الحشـا بالمقاييـس
كـل المـلا مـا منهـم الـلـي شفـانـي


جيت الطبيب وقـال هـذي رماتيـس
استرحـم الله فــي طبيـبـن وعـانـي


وحالي كما عـودن تهـزه نسانيـس
مدهر ثمان اسنين وساسـه شنانـي


في ديـرة اللـي يلبسـون الكوابيـس
تحـت امرهـم مطـواع ربـي حدانـي


ياصقـر يـاحـرن تصـيـد القرانـيـس
ياطـيـر إبــن بـرمـان ودك لـسـانـي


ضيعت صيدك يأشقرالريش تنكيس
وأخــذت قــول أعـــداي يالقلـبـانـي


حـنـا اذخـذنــا حـقـنـا بالمـتـاريـس
فـي ساعتـن حرجـه مافيهـا منانـي


وصـلاة ربـي عـد وبلـه ب تقييـس
وعــداد مـاســار الـقـلـم بالمـعـانـي





هذه ابيات له في خاله فيصل بن عماش(أبو لهب)






أبو فهم بالقسىو اللين وأرخيـه
صنيـتـه لنشـامـا حـايـلـه فـيـهـا


ماحط عشرين حبه حطهـا نيـه
ولا اوجمة دلته من كثر واطيها





إلخ والقصيده اطول من ذلك......


وهذه قصيده في الذلول....






ذلـولـي الـلـي تــرد الـقـاف مقـفـيـه
انا اشهدني عزمت الـرأي لـه فيهـا


لانـي هـواوي ولانـي بتـبـع الـريـه
يفيض الصدرمن هوجـاس راعيهـا


اللـي ذكرتيـه اكيـد امــه خضيـريـه
ولا عبيـد الدواسـر مغلـط(ن) فيهـا


لايعجـبـك طــول زولــه يالسنافـيـه
تـراه خيشـة حـويـل التـبـن ماليـهـا


أطـي وطيتـي علـى خــد الهـواويـه
أبـو خديد(ن)نهـار الـكـون يخفيـهـا


إن عاينت فيك تقضي حتـم جبريـه
ولاحـدى أخوانـهـا لـشـرع داعيـهـا


الـخــد بـــراق ولا نـــور حـربـيــه
ولا على الموج والرشاش يرميها..





وهذه قصيده لشاعر / سلطان بن مجري الشيباني(أبو مدين).عندما كان بالسجن.. موجهه للشيخ /ضيف الله بن نقاء بن فهيد(ابو لهب)





يامن يوصل سلامي يم ضيـف الله
من وصل العلم أبشرط له دنانيـري


يوصل سلامي للإبن من يحرق الدله
ريف الجماعه إليا جوله مساييـري


ذوي( لهب) كل أبوهم ذلقـة الدلـه
رجالهم كامل(ن) واف المشابيـري


يأهني من شافهـم والكبـد مبتلـه
يستاسع الصدر لامن طالع النيـري


ويشوف دمخ الجنوبي وأسفل الجله
والصره الزاميه وهاك العثاميـري




رد الشاعر والشيخ /ضيف الله بن نقاء أبو لهب بهذه الابيات..






يالله يامعبـود يـا غافـر الزلـه
قدرتك تمت علـى كـل تقديـري


ياولي العـرش يامشفـي العلـه
وامر(ن) بخراج يوسف من البيري


تخرج اللي شاب والسجن محتلـه
والقبيلـه مالهـا فيـه تدبيـري


ليتها بالحـرب والسجـن نحتلـه
لو تجي كل العساكـر طوابيـري


لتجي ساعة يجفل اللاش من ظله
ونكسرالقضبان دونـك بتنكيـري


أو بكثر المـال والسـوق نوكلـه
لو طلب مليون ربعـك مغاويـري


لاتضعضـع لـردي تقبـل الذلـه
مايطب السجن غيـر المناعيـري


والفرج عند اللذي فوقـك افطلـه
لافرج لك ضاع كيـد الطناقيـري


ذي ردودي واسمحولي من الزلـه
لوطلع بالهرج زايـد وتقصيـري






وهذه من احد ابياته..






ياذعار حداني قليـل البـوش
والردي ضب حاله وحط ادباش


والله إني عليهم لصب الغـوش
بالتواجيه يومن راسي شـاش




وهذه احد ابياته رحمه الله,






يافـهـم صــب لــي فنـجـال صـبـه
يبري الجرح اللذي فالقلب صايب


والله إنـي خابـرن مـاهـوب طـبـه
طبـه اللـي نقضـة شقـر الـذوايـب






هذه القصيده رثاء في احد خواته ولا احفظ منها الا هذه الابيات وهي اطول من كذا..








خـط لفانـي وانــا فــي رأس تـنـوره
وكتابـكـم يافـهـم مـايـطـرب الـبـالـي


حيث(ن) فيه الخبر بالموت مذكوره
.............................


تربات حصن بطيب الرأي مشهوره
مادللـت بالـغـلا ثــم صابـهـا هبـالـي


عـسـاه قـبـرن تمـهـد فـيـه مسـتـوره
لـعـل وبـــل الـحـيـا عـلـيـه هـمـالـي





رحم الله الشيخ والفارس والشاعر/ضيف الله بن نقاء بن فهيد(أبولهب) واسكنه فسيح جناته..















رد مع اقتباس
غير مقروء 02-Jan-2012, 09:21 AM رقم المشاركة : 2
معلومات العضو
عطاوي نجد
عضو نشيط
إحصائية العضو





التوقيت


عطاوي نجد غير متواجد حالياً

افتراضي

الله يرحمه ونعم والله بالشيابيين عيال عمنا















رد مع اقتباس
غير مقروء 02-Jan-2012, 01:38 PM رقم المشاركة : 3
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

ونعم يابن فهيد والشيابين كافه,,


لا هنت يالغالي,,,















التوقيع
التوقيع

محمد الذيابـــي
رد مع اقتباس
غير مقروء 05-Jan-2012, 05:04 AM رقم المشاركة : 4
معلومات العضو
منصور بن فهيد
مشرف سابق
إحصائية العضو






التوقيت


منصور بن فهيد غير متواجد حالياً

إرسال رسالة عبر مراسل MSN إلى منصور بن فهيد
افتراضي

الله يرحمه ويسكنه فسيج جناته















التوقيع
رد مع اقتباس
غير مقروء 07-Jan-2012, 01:07 AM رقم المشاركة : 5
معلومات العضو
ابوالبتار
عضو
إحصائية العضو





التوقيت


ابوالبتار غير متواجد حالياً

افتراضي

والله والنعم بالشيابين















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:12 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي