مطني ابن شريم حبس الدروعي

[مناكد]

السلام عليكك ورحمه الله وبركاته

قال احد الشعراء من قبيله حرب في قصيده يمدح به نفسه ومن ضمنها هذا الشطر :

تراي مطني عند حقي جزوعي

فرد عليه ابن معيتق بهذه القصيده وذكر ان مطني هو الشيخ مطني الشريم احد شيوخ قبيلة شمر العريقه وقال اذا كنت جزاع لحقك ياليت تاخذ حقك من مخلف الحربي .

كان انت مطني عند حقك جزوعي=ارين حقك عند مخلف و هاته
امك ضربها واحد بالضلوعي=راحت خريشٍ مارجن من هواته
خسرة وخاب الي شراله دفوعي=مداح قوم سالبين عباته
ماله جدا يا كود هل الدموعي =كان انت مطني ريحه من حياته
مطني بن شريم حبس الدروعي=زبن الحوار ليرزمن امهاته
ليا عزل الصابور وسط الجموعي= كم واحدًٍ يرجي السعد بلتفاته
وكم واحدٍ يشبعبهم عقب جوعي=بصحون من فضل الولي و بركاته
أيضاً وربعي يالبخيل المنوعي=ريف الوديع اليا تغلى بشاته
ليا بركن عوص النضاء فوق كوعي =وغد انهم كلن يواري شواته
يابا الحصين الدربسي يالطقوعي=متكحلن للعيد والعيد فاته
يامصلي الجمعه نهار الربوعي=من يخبر ان البس يحسن صلاته
ولانت ياذيخ السليمي دنوعي=ينبح وعظمه ناشبن في لهاته
وخالك اللي بالقرايا يسوعي=ليا راح غيب حلته عن خواته

آخر تعديل مناكد يوم 04-Dec-2009 في 05:06 PM.