سلام ياعتيبه عتيبه عتيبه

[مرزوق المغيري العطاوي]

هدية مهرجان و ملتقى الهيلا من العطاوي

سلام ياعتيبه هل الطيب دايم= فخري عسا فخري على العز دايم
سلام ياعتيبه حصون الشجاعه= اهل المقام اللي على العز دايم
سلام ياعتيبه مقر الاصاله=اهلة الوفا والجود واهل الغنايم
سلام ياعتيبه هل المد والكرم=اهل الشكاله من قديم القدايم
سلام ياعتيبه زبون المجنا=اهل المقام اللي على العز قايم
سلام ياعتيبه سنا نور مجدنا= يامجدنا اللي في سما المجد حايم
سلام ياعتيبه عتيبه عتيبه=ابراج عزن تعتلي للنعايم
سلام ياعتيبه هل الطيب والنقا=على النقا بحرن من الجود عايم
سلام ياعتيبه حمى الجار والخوي=لياجا نهارن فيه طش العمايم
ذباحة الحايل ولطامة العدا=جمعٍ على الطاله ركابه همايم
العام قبل اليوم يوم القوامه= مع اهل الاعلام ترفع علايم
برقا وروق وساس الامجاد ساسهم=ساسٍ على عزه ولهوب هايم
مستورثٍ للمجد والمجد ساسه= ويعيش ساسٍ ينعرف فى الزحايم
مافيه شك وريب والاضعافه=لياقيل يالهيلا بهلها عزايم
ترقا العلا وتزود شهره وترقا=دايم وتوف الواجبه والزايم
نون من الوسمي بروقه تواشا=ويجلا سناها داجيات الضلايم
وذكر الحيا والطيب كلٍ يعده=وقولٍ بلا برهان يطلع وهايم
اقولها واقول نعم القبيله= كسابة الطاله رجال العضايم
شجرة وفا وصل الوفا في جذورها=تثمر وفا مهيب تثمر وخايم
شعارها النخوه وفيها تلاحم=وصله وصف ان مايجيبه خرايم
بلا قصور ان في جميع القبايل=يكرم جميع اللي للامجاد شايم
وعاشة بلاد الخير في ظل اهلها= حكامنا مرسين ساس الدعايم
ال السعود حصون عز وعداله=في حكمهم مافيه ميل وهضايم
سلائل معزي صناديد حكام=كل ان بدوره قادها للحكايم
حكام من حكام وافين سادات=بامجادهم هبت هبوب النسايم
اللي رحل منهم عسالله يثيبه= واللي بقا للعز يرسم رسايم
غيث ان مغيثٍ لهل الدار والدار=تفخر بهم ماتفتخر بالهلايم
يعيش ابو متعب ذرى العز عزها=عساله التوفيق والعز دايم
راس المعزه من تحت راسه الروس=للعدل عدل ولهل الضيم ضايم
حاكم حكيم الله يعزه وحكمه= بالعدل والعدله عن الظلم صايم
وولي عهده عاش للعهد سلطان=للطيبه في كل الاوقات سايم
تمت ومسك ختامها ازكى التحايا=لهل الفعول الطائله والعزايم

مرزوق العطاوي

[معجب العتيبي]

شكرا يامرزوق على هالابداع
والنظم الجميل للدرر
واستخدام المترادفات والشقر احيانا

ابداع ونتطلع للمزيد

التوقيع

[محمد صالح العطاوي]

شكرا يااخ مرزوق
وبيض الله وجهك علي هذه القصيده

[مرزوق حمدان العتيبي]

..
.
صح لسانك يالسمي ...
. وبيض الله وجهك على هالابداع ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نواف العصيمي]

صح لسانك جزاله وإبداع وقصيده شامخه




ولك التقدير والإحترام

التوقيع

[أبو فيصل الدلبحي]

الله الله



مبدع بكل ماتعنيه الكلمه



صح لسانك وبيض الله وجهك يالقرم



انا اشهد انك كفيت ووفيت








تقبل خالص اعجابي وتحياتي

[محب الهيلا]

صح لسانك

مشكور وماقصرت

[عبدالله الجـــذع]

صح لسانك يالعطاوي وماقصرت عز الله..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[شوردي العتيبي]

صح لسانك ولاهنت على القصيده الطيبه

[أبو نجر النفيعي]

..

الله الله ..

صح لسانك يامرزوق .. جزل

وبيض الله وجهك يالغالي ..



أخوك

التوقيع

.....