سالفة يا ويل عتيبة من جلعود ويا ويل جلعود من الله

[عامر بن الطفيل]

الســـالفة علمني بها واحد من الشيــابين من ذوي عبد الله

يقول , هاك السنة في أول أيام ابن سعود . ابن جلعود من أمراء الســهول

كــان عند الامام عبد العزيز وتخبرون كلن وده يكون الاول عند ابن سعود

غدية يحصل السمعة و الفــايهة والحظوة عند الامــام , ولا تلومون الرجال يبا

الطيبة له ولربعة لأبن جلعود هذيه رجــال ولا أفضله على من هو عندي ,,

رجال شجيع وقاطوعة موت حمــر ,, ولا ينتناحى بالكرم والسهول رياجيل

ونعم وعرب هجاج ولا مثل جيرت الســهلــي ومركاضهم دايم مركاض السعد

لــكن " ماكل بيضة شحمة" جــاء ابن جلــعود عند ابن سعود طالبــاً منه طلب

غريب... تدرون وشنهو . أنا علمكم بس بشرط ,, أنكم تنزلون شوي والمقلاط

عندي>>>>>>>>>>>>>>>>>>>>>>>>>>>>>>>>>>>>


















قــال للامام : يـــاطويل العــمر ,,أبا أستـــــــاذنك على مغزى وابيك تجعلة

أمر تــام ؟؟؟؟ قال ابن سعود : أبشر باللي تبا ..

قــال ابن جلعود ::يالامام هنا عربً مثل الضبعة تنشهك دايم مع جنبك وان

جيتها دخلت في الجحر لاهيب ميتة ولاهيب خالصة ,, وان ياطويل العمر

أبيك ترخصلي حتى أتيك براسها ,,, وانا ابن جلعود...

قال الامام : منهي هالقبيلة اللي كنها الضبعة , وتبي قضي عليها عسى ماهيب

شــمر!!! قال ابن جلعود : لا ياطوب العمر ,,الا عتيبة اللي والله ما خلت أحدن

............... وقف وقف وقف... قالها ابن سعود ..نعبوك مالقيت الاعتيبة تبي

تغزيها... القبيلة اللي ما كلن قدرها الا حنا تبي تغزيها.. دور يابن جلعود غيرها

هذولي مهم حملك .. قال ابن جلعود الا حنا اللي كفوها

الرجال مير ما أقتنع مرة يبي المغزاء على عتيبة ... هذي والله البلشة قاله

ابن سعود في نفسه ..... تدري يابن جلعود الله عطاك عتيبة مير تبي علمي

ان كانك صامل عليها فوص على حلالك واهلك ولا ظنتي عقبها بنشوفك

الرجال ما صدق خبر عود للسهول وهمه على البياض اللي فوق تمير ....

قال يلاد ابن سهل المغزاء قالو على وين يالامير قال على عتيبة

الرياجيل اندوشو ابك وش ذاا المصيبة اللي يبي المغزاء على ناس ماهم من

عدونا ولا حنا بحمللهم .. الرجال اقنع بني عمة على المغزاء قال : مرة السلاح

والمال وبن سعود معنا ... ما عليكم نبي شب في عتيبة ونكسب النوماس

والقل مهوب عيب والطايلة يا بني عمي الكم ...قالو: تم

المهم النسوان شافوا الخيل والرياجيل والجيش كلها متحزمه تبا المغزاء

قالن قولتهن المشهورة : يا ويل عتيبة من ابن جلعود ويا ويل ابن جلعود

من الله ...........


مشت الغزية من ديرهم ثم حولو مع المشقر وعلا عريق البلادين من يم ثرمدا

ومرات ... وهم يحولون على الشمس والشميسة في غرب نفود قنيفذة

ويوم ركبوا النفود يبا يحولون على المروته اللي بين السر وقنيفذة من غرب

واثر الرياجيل يبون علاوي نجد يم المقطة والشيابين ......وهمه فوق الالف

رجال .. لاتلونهم كل الاد ابن سهل جو..........................


الا وهاك الغزية اللي جايتن تبا المغزاء على مطير واثرهم عتبان

القومان يوم شافوا بعض كلن عرف بغيت الاخر السهول فرحو يوم انهم لقوا

عتبان والعتبان فرحوا يوم لقو السهول ألينهم انتم يالعتبان سامعين بتهديد

ابن جلعود .. وهالحين جا يمهم ... جا بينهم معركة والعتبان شويين وخذو شوي

الاهم مطيرنهم اللي ميت واللي صويب واللي ماسور ولا ابن جلعود . كسير

طايحن في هاك الدحلة وبندقة معة يوم جوه العتبان وهوه يرفع بندقة

ويغزها على العتبان قايللهم المنع المنع براسي ...............


عاد تدرون هالحين السهول توهم ماطبوا ديرة عتيبة اللي فوق ولا أخذهم ربع

شويين من عتيبة وشلون عاد عتيبة كلها ....

قالي الشيباني : تدري منهم اللي أخذوهم ,,قلت :لا

قال : الدغالبة ,,, اخذوهم وهمة اقل عتـــيبة عاد و شلون عتيبة....


انا بن مشيب ابك هذولي ما عرفونا لها هالحين


وسلامتكم

[ابن عاصم]

ونعم وستين نعم بالدغالبه

وعز الله صادق<<<<<<<<<انا بن مشيب ابك هذالا ما عرفونا لهااااااااالحييييين



وهذي لك يابن الطفيل


هذا واحد من الجماعه يسولف بقصه حصلت علي ابوه في مجلس من مجالس شمر

وكان حاضر المجلس بعض من شيوخ شمر .

ويقول كان ابوي جالس ولايدرون انه عتيبي وقامو هل المجلس يسولوفون عن

القبايل وعن طيبهم وعن فعول القبايل و جابو عن القبايل كلها ولم يذكروا

عتابه بشي.


قال وابوي يحتشي يوم ان شمر ذكروا القبايل كلها الا عتابه وهو يجي يبا

يتكلم ويذكر فعول قبيلته عتابه الا وواحد من شيوخ شمر قال :

عاد تبون العلم يابعد حيي عتيبه عتيبه .... عتيبه قدم من وطته دهسته

قال والمجلس يسكت وقامو يسولوفون في مواضيع ثانيه الين قامو لعشاهم .


وسلامتك

[^المقاطي^]

قصة رائعة يابن الطفيل...واسمحلي على الرد المتأخر جدا

[بندر البراق]

بيض الله وجيهكم يابن طفيل ويابن عاصم

صوالفكم مامثلها وانا اشهد انكم طيبين من طيبين

[راعي ملقاء]

تكلم فالموضوع ولا تخرج عنه بكلام لايليق برجل عاقل
الاداره



لاتخرج عن صلب الموضوع , يجب ان تكون مداخلتك في صلب الموضوع

الادارة.........

[داهية عتيبة]

تشكر ياعامر على هذة السالفة

وياما سمعتها من شيبان لاكن ماجت الفرصة أسألهم عنها

لاكن انت ماقصرت كفيت ووفيت


تقبل تحياتي ....

.....................................

[داهية عتيبة]

السهلي

الحق مايزعل أحد

وبعدين وش أنت يوم تقول عتيبة كل عذاريب

ماخبرنا لك صيت ولا معزة بين القبايل

جاي تعذرب في عتيبة
وش موقعك من الأعراب يوم تعذرب

وبعدين بشاير يالهطفة مهيب عتيبية

من أل شيبان في العراق

وهي قالت هذا الكلام بنفسها في أحد المجلات والعدد موجود عندي أذا بغيت

قالت :::

أنا لا أعرف هذة القبيلة ولا أنتمي لها بصلة

وأترك مهايطك ....... يالسهلي

[poet font="Simplified Arabic,5,sandybrown,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اليوم نسمع هرج ناسن مغلين=ناسن منول ناقصن مستواها
[/poet]



تحياتي ...