قصيدة في الشيخ فيصل بن سلطان بن حميد - الهيـــــــــــــلا *** منتدى قبيلة عتيبة

ابو ريف · 11-Jan-2009, 11:43 AM

السلام عليكم ورحمة الله وبركاته

قصيدة في الشيخ فيصل بن سلطان بن حميد

الشعر له حزه وله وقت ينقال
ولاكل شاعر يتكن القول ويجيد
وانا رقيت بقمت الشعر لو طال
لي مقسما بين الرجال الصناديد
ياألله تقدرني على مدح الابطال
وياالله تبعدني دروب المناقيد
يافيصل ابن حميد ياألنايف العال
ياعزوتي وقت اللقى والمواريد
ياقايد الهيلا وياطيب الفال
لك منزلا ماياصله زيد وعبيد
المدح مايوفي بحقك لو يقال
أسمك يفوق المدح لاهنت ويزيد
فيصل ولد سلطان حلحيل حلال
حلال شركات الامور المعاقيد
اميرنا لو ركبو الجيش خيال
يرهب رجالا ماتعرف التصاديد
لاجا نهارا فيه مايل وعيال
ذراه كلن يتقي فيه ويحيد
في سد ابو سلطان للقوم مدهال
لاخيلت سود الليال العساريد
ياقف لياصكو من الجال للجال
واقشر نهارا ذاك يوم المقاريد
في حب فيصل جعل من لامني أيشال
أيشال يم شهار مربوط.ن. بقيد
ياذخر شيخا ساكن ن خير منزال
عساه في روض الجنان المخاليد
ياألله عسى سلطان في عالي العال
في جنه الفردوس ياباسط البيد
يارب تبني له مع الرسل منزال
يامستجيب دعاء عبيد مساجيد
ياالله ياللي خالقا كل الاهوال
جعل ابو فيصل مايشوف التناكيد
وعسى صدوق المزن لاهل همال
يسقي قبر سلطان عده تراديد
شيخا برز في نجد فعله ولا زال
مازال كنه حي مامات ويكيد
وختامها ياعالما كل الاحوال
يامصرف ابن ادم على منت بتريد
طالبك جملني وانا منك أسال
تقبل دعاء من يرفع يديه ويعيد
واصلي واسلم عد مزنن وهمال
على الرسول وقافيتها على أيد

الشاعر: فالح محمد المقاطي

فيصل المسند · 11-Jan-2009, 12:11 PM

وووووونعم
بالشيخ فيصل بن حميد

وصح لسان القايل والناقل

تقبل تحيتي...

رايد الهديبي · 12-Jan-2009, 01:59 AM

الله يعطيك العافيه ياابو ريف علي

القصيده الجزله

وصح لسان الشاعر فالح محمد المقاطي

وننتضر جديدك ياذيبان

اسم المستخدم الجديد · 12-Jan-2009, 02:06 AM

يستاهل ابوووووووووووووووووووووووووووووو سلطاااااااااان

@ عــزام @ · 12-Jan-2009, 11:54 AM

صح لسان الشاعر

ودام عز قايد الهيلاء .

اشكرك...

المحايد · 14-Jan-2009, 02:08 PM

صح الله لسانك يابو ريف ولسان الشاعر فالح وقصيده جزله في من يستحقها

ياقايد الهيلا وياطيب الفال
لك منزلا ماياصله زيد وعبيد

الله عليه

واقبل سلامي لك

بدر الكريزي · 14-Jan-2009, 02:23 PM

ياألله عسى سلطان في عالي العال
............ في جنه الفردوس ياباسط البيد
يارب تبني له مع الرسل منزال
............يامستجيب دعاء عبيد مساجيد

اللهم آمين ..

صح لسان الشاعر فالح المقاطي ..

و يستاهل الشيخ فيصل بن سلطان .. عسى عمره طويل ..

لا هنت يا ابو ريف ..

التوقيع

قرأت فيما قرأته من بلوغ المرام .,
اللي ترك شيء لله ( عاضه الله بخير ) .,

.,

استغفر الله العظيم , و أتوب إليه ‘.